عندما اتاكد من مشاعري سألقي بها
واتخلص منها وارتاح ....
بقاءها في داخلي خطر ...
كمن يخفي نارا بين اضلعه.
من يستحق يا ترى ان نبوح له في زمن الماده
نادرا ما نجد الصديق الذي تعجبك صفاته
وان اعجبتك صفة ساءتك اشياء
اشغلتنا الحياة واعباءها وابعدتنا
تغير الزمن الصديق الان هو النت
اصبح صديق الجميع
نبوح له ونسجل له اعجابنا
لن يملنا ابدا انا اكتب الان وهو يبتسم
عسى الابتسامة اتعشش في قلبك ما تطلع منه ،، والا شنهي الفايدة
اتقط كلام يتونس فيه غيرك وانت تحتاس في مكانك وتنحرق ؟
بس حلوة مشاركتك .....> اشبلاكم صايرين حلوين في هالموضوع ؟
المشاركة الأصلية كتبت بواسطة رجل مثالي
شكرآ على التوضيح الجيد لسؤالي والموضوع جميل وجزاكم الله خير
تبي الصراحة ملاحظة على نفسي اني بديت اكسر كثير من القواعد
اللي كنت مستندة عليها في تأسيس العلاقات بالآخرين ،،
وحتى اكون صريحة مع نفسي قبل غيري ( الأمر ذيه وايد مسبب لي ملل مع نفسي )
لأنه بدأ يسحب مني امور بديت اكسبها بعد جهد جهيد من كثرة علاقاتي مع الناس
لكن اليوم اشوف ما عندي مانع اكسر كل شي واللي يصير يصير
ولا كأن للزمن دور في نضج فكري
قد تكون بعض المواقف اللي تمر حولي هي السبب
قد تكون كثرة المواقف اللي اسمعها من الآخرين دور في اخذ الحذر
او اني وجدت ان نظام اكسر وروح ولا تهتم اهم من انك تراعي واداري وغيرك
ما يداري ..............> كل شي محتمل في لتفسير حالتي النفسية ،،
بس ما عليك ،، تراني اعرض حالتي علشان اعدل فيها واصوبها
وياويلها لو ما تسنعت