في رحلتي الاخيرة ل..دبي قررت ان تكون راحة واستجمام وبعيدة كل البعد عن المجمعات والاسواق وحبيت اروح كل مكان ما رحت له من قبل
امدحوا لي منتجع وفندق باب الشمس وتم الاتصال عليه للحجز وانا في دبي على اساس نغير جو يومين انصدمت انه مافيه حجز عموما قررت ازوره واشوفة لان ما يصير يمدحونه وما اشوفة ..يبعد حوالي 45 دقيقة من دبي على طريق العين
وعموما ما ابغي اطول عليكم رحت منتجع وفندق باب الشمس صراحة عجايب لا يفوتكم رووووووووووووووووووووعة موووووووووووووووووووووووووت وقد بني على الطراز المغربي والايطالي والعربي القديم يعني كوكتيل .
اخليكم مع الصور وهي حصريا لمنتدى ((( الاسهم القطرية )))
قولوا يالله هوب وتدور الرحى ....الليلة في المنتجع لغرفة لشخصين ب ..( 1700 درهم إماراتي )
بداية الشارع المؤدي إلى المنتجع ...
بوابة الدخول للمنتجع ...
المدخل الخارجي للمنتجع ...
وهذي سيارة تاخذكم في لفة حول المنتجع وتوصل لبعض المطاعم الخارجية
وطبعا في الاستقبال ...
لو سمحت ممكن صورة لمنتدى الاسهم القطرية ...شوفوا الوقفة عجايب
والحين اترككم مع بعض المناظر الخارجية
ابواب تاخذكم على الغرف ( قديمة روعة )..
ممرات الى الغرف التي تطل على حمام السباحة ...
جلسات جماعية يعني حق سمر وحجي وسوالف
هذي عن اللقافة ..هذي حق كناري بس اثنين واللي يروح خلاوي بيموت قهر ..
وهذا منظر للغرف تطل على حمام السباحة شوفوا من مستمت في الصورة ..
حمام السباحة ..
شوفوا الجاكوزي...
شوفوا المنظر كأن الماء( حمام السباحة ) متصل بالصحراء والرمال ..
فعاليات خارجية
تعليم الصيد بالصقور ....الصورة التقطتها ( غير واضحة )من بعيد لابسه كعب اشلون اروح فوق الطعس
بعد اللف والدوران لابد من الراحة والبحث عن البلعة او الشراب ...
في المنتجع عدة مطاعم خارجية وداخلية منها
المطعم الهندي ..
مطعم الفرسان داخلي ...
بس أنا فضلت هذا ..السراب ..والجلسة فيه ترد الروح
جلسات روعة وراقية ...
فيه فرقة تغني أغاني قديمة لأم كلثوم ..وفيروز وغيرهم ( ينصح به للجلسات الرومانسية اللي تكون بشهر العسل فقط ) وبعدين مالها الا معصرة الانفال
أول ماتقعدون تجيكم الضيافة ....
والطلبات...
الجو في المطعم المغرب يرد الروووح ...
حمامات الفندق والمنتجع الخارجية والداخلية ( الله يعزكم ) شوفوا بس ...
ديكور للحمام ...
محلات لبيع الاشياء التذكارية في بهو الفندق ...
على الساعة 7 ونص قررنا نرجع البيت بس قال لنا ( المرشد وهو مواطن..عموما معظم الموجودين في المنتجع المرشدين مواطنين من السياحة ) في مطعم خارجي اسمه الحضيرة اذا تبون تشوفونه بتاخذكم السيارة الصغيرة بس الليله محجوز بالكامل بس تقدرون تشوفونه
قلنا نشوفة يالله وانتوا تعرفون الراقية ( ما يحتاج بيصير في قلبي )عموما رحنا اخليكم مع الصور ..
الاستقبال ...بداية المطعم
ديكورات من الفواكة والخضراوات ...
وطبعا أم الزين في الاستقبال
دخلنا أماراتي مرشد سياحي للمطعم ويوم شفته ..((( قلت الليلة هي الليلة اتعشى يعني اتعشى
قلت له احنا من قطر وللاسف مالقينا حجز وجينا نشوف بس الحين مالك بد
تقعدنا غصب طيب ))
المهم طلع ولد حلال وقال ( كله ولا اهل قطر يا بوية )
اترككم مع بعض المناظر للمطعم وهو خارجي ويفضل في ايام الشتاء وعلى حد قولة ان بالصيف يتسكر لان يصير حر موت
المهم ليلتها كان برد موت طلبنا دفاية جنب الطاولة ( لان الاجانب يامال لضعفه كلهم بجاكيتات وشالات )
البوفية رووووووووووووووووووووعة والاكل لذيذذذذذذذذذذذ( الايام العادية 250 للشخص وايام الويك اند 350 للشخص واحنا كنا يوم اربعاء انحسب ب 250 للشخص )
شوفوا المندي
الدجاج ينشوي اتوماتيكيا
ركن العصائر
ركن التمور والمخلالات
يتبع مطعم الحضيرة القرية التراثية ...يالله شوفوها معاي
وهذي اللي ذابحتكم لها مكان مخصص الشيشة
بعض الفعاليات مثل ( ركوب الحصان ، الناقة ، التصوير مع الصقر ) الصورة الواحدة ب ..( 80 درهم إماراتي ) انصحكم اخذوا كاميراتكم الخاصة
هناك مسرح تقام فيه بعض الفقرات الموسيقية والغنائية التراثية والعصرية
لاينصح بالمطعم بعد الساعة 11 مساءاً لان يوجد به راقصة
تحياتي لكم واتمنى اني امتعتكم معاي ..واسفة لردائة بعض الصور لاني مرة اخذ الوضع الليلي ومرة مدري شنهو صادتني ام الديفان من الجوع