السلام عليكم ورحمة الله
يامرحبا فيكم خواتي واخواني
هذي القصيده تقريبا انا كاتبتها من سنتين وحبيت انكم تقرونها وتعطوني رايكم وهم انتقاداتكم فيها
ولا هنتم :
يا طروق الشعر يا سرّ الغلا درب ومطايا
الحميّه في مفاهيم القصيد بلا هويّه
دميّ اللي يحترق منها على نار الرزايا
وقلبي اللي مشتقي فيها غرابيل وأسيّه
همي أبعد من هموم الوقت وأبعاد المرايا
وعذري إن الجاهليه في عماها جاهليه
وش نعرّي والحقايق من تفاهتها عرايا
ماتوارى والهقاوي من جهام السرمديّه
الغصون إذا تجنبها النهر تصبح ظمايا
والجروح اللي على شط القهر دايم نديّه
والخطايا ... لو يلمعها الزمن تبقى خطايا
والصراحه في زمان المهزله أكبر خطيّه
ولو يقدّي التايه فصحراه فزعات العمايا
كان يمكن نترك الشعر يتّولى هالقضيه
وأنت يا حاذي القصيد إنس الدعاوي والقضايا
لا يلدّك عن عبير الورد غير السامريه
عطّر الساحه بنفحاتك وعودك والسجايا
خل عشّاق القوافي تثملك عطر وهديه
بسمك وبسم الغلا والشعر وأسرار المنايا
لا تيتمنا ترى بعض الغلا سر المنيه
منتب لحالك ترى الدنيا تضج بهالضّحايا
والحكيم إللي يداري غيرته ويا الحميه
وسلامتكم