على الطاري ،،،
علـى طـاري صبـاح الـورد , واسـمـك والـحـلا والــذوق
ذكـرتـك يــا أجـمــل احـلامــي , بـقـافـي واستهلـيـتـه
على درب القصيد ااسـوق , قلبـي والخطـاوي شـوق
واذا مـالـت بــي الـخـطـوه , عـلــى دربـــك تناسـيـتـه
يـهـز الـشـوق باعـمـاقـي , عنـاقـيـد الـغــرام اعـــذوق
ويقـطـف بـالـغـلا فـيـنـي , غـرامــن خـنــت واخفـيـتـه
أحبـك كثـر مايشعـل , غرامـك فــي حـشـاي احــروق
واشبّـه زود لـو يحـرق , اضلوعـي مـت , مــا اطفيـتـه
أحبّـك دمعتـن طاحـت , عـلـى خــد الصـبـاح اشــروق
يـمـوت الـنـور لــو طـاحـت , عـلــى كـفّــي وضمـيـتـه
أحبـك , ايـه أحـب اسمـك , وامـوت ابجيـدك المنتـوق
وتخـيـل مــن كـثـر مــا اكــره , صــدودك قـمـت حبيـتـه
تمـوت امـن البطـا غيمـه , طعنهـا مـن جـفـاك ابــروق
وغشى روض الحشا وسمي , جفافك وانت ما ارويته
رحلـت ومابقـى منّـك , سـواك أنـت , وعـنـا مفـهـوق
عــنــا ذاك الـربـيــع الــلــي , غـشــانــي ماتـمـنّـيـتـه
تـعـال اجـــرح عـلــى كيفـك,تـربّـع واسـتـحـل اعـــروق
تــدلــل والـبـســاط أحــمــد , وانــــا لــرضــاك مـديـتــه
قـم اسهـج لاّخـر اضلوعـي , تغلـغـل داخـلـي بـرفـوق
حـلالـك مابـقـى مـنّـي , مــع الـلــي لـجـلـك افنـيـتـه
من اللي من غديت أجمـل , قصيـده مـا غـدا لـه ذوق
ومـن ذا اللـي كتـب باسمـك , قصيـده وانكـسـر بيـتـه
وربـي مــن كتـبـت اسـمـك , وبـروزتـه ابقلـبـي فــوق
وانــــا مــــادار فــــي بــالــي , قـصـيــدن ماتـحـالـيـتـه
دخيل الدمعتين اللـي , غـدت منهـا الخـدود اشقـوق
تـرفـق سامـحـك ربــي , عـلـى قلـبـن لـــك اهـديـتـه
اذا لـك حـق فـي قلبـي , أنـا لـي فـي غـلاك احقـوق
وحـقــوق الـشــوق محـفـوظـه , وحــــدي ماتـعـديـتـه
تعبت اكذب علـى نفسـي , واقـول ان الطـرد ملحـوق
ولانــــي طــايــل ٍ حــبّــك , ولا الله عـــــان ونْـسـيـتــه
يذكـرنـي صـبــاح الـــورد , واسـمــك والـحــلا والـــذوق
واردد : يـا ( أجمـل احلامـي ) , ابقافـي يــوم هليـتـه
للشاعر (( جميل بن زريع )) ...
|
المشاركة الأصلية كتبت بواسطة الرسام كويتي
