يوم في حياه volunteer (( حصريا بعدسه المخلب .. )) ..

[المخلب]

السلام عليكم

اليوم موضوعي شوي مميز .. وهو عباره عن جوله في حياه متطوع (( volunteer )) ..

طبعا كوني أحد المتطوعين في الاسياد .. (( في قسم كبار الشخصيات .. )) ..

قمت بتصوير يوم من ايام التطوع الخاصه بي في أحد المنشآت التي تقام عليها الفعاليات الرياضيه .. قبل الانتقال الى منشأه جديده اليوم ( وهي ستاد خليفه الدولي ) ..

طبعا المنشأه الي كنت أعمل فيها لمده يوم كامل هي نادي الدانه قسم ( رفع الاثقال ) ..

خلونا نستعرض الصور مع بعض .. وسامحوني ان كانت الصور غير واضحه بشكل كبير .. وذلك لتصويرها بشكل سريع ..

بسم الله نبدأ .. المكان (( صاله الجيوان في نادي الدانه .. )) ..






صاله الجيوان تعتبر صاله افراح .. وهي أحد أفخم الصالات في قطر ..وبسبب انها واسعه قامت اللجنه المنظمه لاسياد بأختيارها لتكون مقر لرفع الاثقال وكمال الاجسام ..

يعني الي يدش هنا لازم يكون معضل .. وممنوع دخول العصاليق

زين .. بعضكم ( وخاصه أخوانا الي من بره قطر .. ) بيسالني وين يقع نادي الدانه ؟

الجواب سهل : يقع نادي الدانه .. بالقرب من نادي قطر ! .. وان ضعت دور عن نادي الاستكواش والتنس وتحصل نادي الدانه جنبه !! ..





طبعا سعر التذكره للدخول (( للي حابب يعرف )) 10 ريالات قطريه ! .. وتذكره واحده تخليك تدخل على أكثر من فعاليه في نفس اليوم (( الشطرنج , التنس , التنس الارضي , الاستكواش , رفع الاثقال , ...الخ )) ..

زين .. دخلنا النادي .. ولازم قبل ماتدخل تسوي شييك ان ! ..




بعدين رحت للقسم الي أعمل فيه ..



علشان تدخل قسمنا لازم تكون حامل في التصريح حقك أحد هذه الرموز ..



وهنا مكان التطوع الي اشتغلت فيه (( ليوم واحد ! )) .. وتلاحظون معاي كراسي كبار الشخصيات ..



المكان شرح .. بس ناقصه حماس الجمهور .. .. لان الجماهير الموجوده لاتكفي بكل صراحه ! .. واليوم بروح لاستاد خليفه ونشوف لو كانت الجماهير مثل الموجوده هنا وله أكثر ! ..



هنا نشوف لجنه التحكيم الخاصه بهذه اللعبه .. (( رفع الاثقال .. )) ..



وهنا تلاحظون وياي المصوررين .. (( مكان الاعلام ! )) ..





وهنا .. قسم الطوارئ (( الاسعافات الاوليه .. )) المختصه لنقل المصابين من اللعيبه وغيرهم ! ..

(( خبركم هذي مب لعبه هينه ! .. ان شلتها بالغلط وطاحت على رجلك ! رحت فيها )) ..





وهنا نلاحظ القسم المختص بالاعلام والتلفزيون !! والمختص بالنقل المباشر .. والتعليق على مجريات المسابقه (( وكل واحد ولهجته ! )) ..




وهذي صوره لاحد المتسابقين وهو يحاول يرفع البار ! ..



طبعا بعد كل رفعه من أحد اللعيبه !! .. يجون حبايبنا في التنظيم ! ويشيكوون على البار والاوزان .. !! ..






وهذي صوره أخرى للاعب آخر .. ولكن لاحظوا وش بيصير فيه ..






مسكين طاح البار على ظهره ! ..


هارد لاك ماااااان ..

[المخلب]

وجاء وقت البريك .. ..

وقال أخوكم المخلب .. ليش ما أخذ لي لفه على النادي قبل لارجع ! ..

(( البريك كان ساعه تقريبا ! )) ..

زين .. الحين نوريكم المبنى الخاص بلعبه الشطرنج ! .. طبعا أنا غير مصرح لي أن ادخل هذا المبنى - يمكن بعد اسبوع لو رجعنا للنادي ندش هنا ونصورلكم .. -



وانا امشي حسيت بالجوع .. قلت خلنا نمر على مطعمهم .. يمكن نلاقي شئ يخفف من الجوع



المطعم هو مطعم الشلال الي بنادي الدانه .. .. أكله حليو بس كأنه أكل مستشفى ..

بس الحمد لله رب العالمين .. اهم شئ ناكل ..



وهذي صوره للطريج الى المطعم ..




وهذا شعار المطعم ..





زين .. أول ماتدخل المطعم .. لازم تبرز بطاقه الفلانتير .. وعقبها تمسك الكيو (( الدور .. )) ..







وهذي قائمه الطعام (( المنيو )) .. انا بكل صراحه للحين ماقريتها بس صورتها ومشيت





طبعا أكيد لازم تشوفون زحمه .. ( كل واحد يبي يلحق على الاكل .. بس الحمد لله الاكل يكفي الكل .. ) ..





وهذي الي توزع الخضره (( خس وطماط وغيره ..)) قلتلها بليز أي دونت ونت اني ثنق ..

(( لأني مو نباتي .. )) ..



وهذي حقت الحلويات .. قلتها عطينا كيك ! .. مانبي أم علي ..




وذوله الي يوزعون ماي .. قالي تبي ماي وله بيبسي ...

قلت له .. ماي ياخوك .. مقاطعين البيبسي والغازات من سنين ..

وهذي هي وجبتي .. ..



شرايكم بأكلي .. مسوي رجيم

جيت بجلس برع .. بس الجو بااارد ! ما ينجلس فيه .. فقلت مالنا الا داخل ! ..

يتبع ..

[M O 7 A M M E D]

ما شاء الله عليك مبدع بتقاريرك اخوي المخلب ..

يعطيك الصحة والعافية ..

[jajassim]

مبدع ما شاء الله عليك

[المخلب]

الحمد لله خلصت اكل .. وقلت برجع للمكان الي اعمل فيه ! ..

قبل ماارجع قلت خل اصور كم صوره ..

شفت شله بوفلبن من ربعنا في الفلانتير .. قلت شرايك يالمخلب تصورهم ؟؟

سالتهم اقدر اصور قالوا خذ راحتك .. قلت بس هذا الي ابيه



شوفوا القطو الي تحت يحوس .. من شفته لاعت كبدي ..

وهذي مجموعه صور من مبدعكم المخلب .. (( حاولت اكون مصور محترف غصب .. بس مادري شرايكم انتوا ؟ )) ..












هذي كل الصور .. ان شاء الله تعجبكم ..

اكرر اسفي لعدم وضوح بعض الصور ..

سامحونا على القصور .. وله تستاهلون اكثر ..

انتظروا جديدنا دائما .. وفقط وحصريا لشبكة الاسهم القطريه ..

كان معكم أخوكم المخلب .. تحياتي لكم ..

[الراقية]

لك يالمخلب ولكل متطوع اهديكم باقة من الورد مكتوب عليها الله يعطيكم العافية وماقصرتوا ياعيال ديرتنا رفعتوا الراس

تحياتي لك ولكل متطوع يخدم تحت مظلة البطولة الاسيوية الخامسة عشر

[مغروور قطر]

الف شكر اخوي المخلب

[قطر الندى]

[khaldoon]

روووووووووعه
تحياتي يا الغالي على الجهد الجبار

[الزاجل]