تجاربي مع موقع علي بابا Alibaba

[سالم الزهران]

يعطيك العافية بو ناصر، واشكرك لمشاركتك هذه المعلومات القيمة. بالنسبة للمواقع الصينية واولها واشهرها علي بابا ما ارتحت لها لعدة أسباب:
1- فشل الصينيين في التواصل، آخر عهدك به يوم تدفع وبعدها ما يرد عليك الا في الاسبوع مرة وما تفسر كلامه زين لانهم بستخدمون برامج الترجمة.

2- الشحن عندهم غالي ويتأخر و سيء من ناحية التغليف.

نحن بصراحة مضطرين نتعامل مع الجميع وللاسف اغراضك مب موجودة في السوق خصوصاََ قطع الغيار والالكترونيات.. وهي متوفرة بأمريكا واعتقد ان امريكا اكبر بلد فيه (اللي تبيه) وزهقنا والله من هذا الفقر في البدائل و القطع اللازمة للصيانة او لتجديد بعض الأجهزة.. كل هذه السلبيات أخرتنا وقتلت مواهبنا.

[بوNasser]

يعطيك العافية بو ناصر، واشكرك لمشاركتك هذه المعلومات القيمة. بالنسبة للمواقع الصينية واولها واشهرها علي بابا ما ارتحت لها لعدة أسباب:
1- فشل الصينيين في التواصل، آخر عهدك به يوم تدفع وبعدها ما يرد عليك الا في الاسبوع مرة وما تفسر كلامه زين لانهم بستخدمون برامج الترجمة.

2- الشحن عندهم غالي ويتأخر و سيء من ناحية التغليف.

نحن بصراحة مضطرين نتعامل مع الجميع وللاسف اغراضك مب موجودة في السوق خصوصاََ قطع الغيار والالكترونيات.. وهي متوفرة بأمريكا واعتقد ان امريكا اكبر بلد فيه (اللي تبيه) وزهقنا والله من هذا الفقر في البدائل و القطع اللازمة للصيانة او لتجديد بعض الأجهزة.. كل هذه السلبيات أخرتنا وقتلت مواهبنا.

يامرحبا بالغالي.
التواصل مع الصينيين في الشركات يختلف من شركة الى اخرى، فيه اللي يرد عليك وفيه اللي يطنش، وبعضهم على طول يتواصل معاك باستمرار، انا اتكلم عن تجربتي معا علي بابا العادي مش الاكس برس. والفرق بينهم ان الأول غالبا يبيع بالكميات/الجملة اما الثاني يبيع بالمفرق/القطعة.
اما الشحن فبالفعل غالي غالي، لكن لو وجد شخص/وسيط ثقة ممكن الواحد يتعامل معاه فهو يستلم البضاعة او يرتب الشحن مباشرة من المصنع، وطبعا شركات الشحن كثيرة منها الشحن السريع مثل دي اتش ال وغيرها وهذي اكيد اسعارها نار، وفيه الشحن الاقتصادي اللي يتأخر في توصيل البضاعة لكن بسعر اقل، وفيه البحري اذا كانت السلعة كبيرة او ثقيلة فعلا.

انا واحد من الأشخاص اللي يطلع علي شحن الأشياء اللي اشتريها نفس/اغلى من سعرها، لكن استاهل، هذا التقاعد وما يسوي، مشاهد الكمبيوتر وأتسكع بين مواقع ال ON line اشتري اللي أحتاجه واللي ما احتاجه.
وحياك الله