هذه مليون في المية .. بس مش على النصابين اللي خارج الدولة .. هذه مبيوعة على شركات حقيقية موجودة بالدوحة هنا وتسوق لخدماتها أو منتجاتها ..
أذكر مرة رحت حق واحد من الشباب عنده مكتب خدم .. ولقيت عنده أحد الجنسيات العربية يعرض عليه خدمة إرسال مسجات للناس في الدوحة .. وكان يحدد له .. تبغي مسجاتك توصل للرجال؟ ولا بس حريم؟ ولا فئة معينة ... الخ
يعني الرجال عنده أرقام هل قطر مفروزين رجال .. حريم .. موظفين .. طلاب .. الخ .. وعلى كلامه عنده حول أكثر من 10 آلاف رقم على ما أذكر ..
هذا من وين جاب الأرقام؟
إما من خلال علاقته مع محلات في قطر احنا سجلنا ارقام تلفوناته عندهم .. وعندهم بياناتنا بعد .. وهذا الأرجح.
أو من خلال الاستبيانات اللي يسونها في الشارع .. كذا مرة واحد يوقفني (خاصة في شارع البنوك والمولات) يطلب مني خدمة تعبئة الاستبيان ..
لكن الغريب في بعض الاستبيانات .. طالبين نحط الاسم ورقم التلفون ويقول لك الامر اختياري !!