سلام عليكم
صباح الخير والرزق
عندي ملاحظه اتمنى اعتى المحللين يشرحون لي هل عمرهم شافو هالشي بسوق اخر
عندنا شركه كل يوم تعلن استحواذ في امريكا ومباني وان في عائد 10 بالميه
وان في نمو وان في ارباح … الخ
وهي من دخلت ع السوق ماوزعت درهم واحد ؟؟!!
انا مل فاهم اذا انت قاعد تعلن انك استحوذت وانك بتحقق عائد حق من ؟
انت سويت اطفاء خساير وعقب زدت راس المال وعقب ربحت
كل هاي وماوزعت من اول مادخلت السوق !!!!
اتخاطب المضارب مثلا ولا المستثمر على اي اساس ؟؟
حتى سعرك السوقي في تناقص بسبب عدم توزيع ارباح نفس العالم والناس والشركات المحترمه
عندك الاجاره مثلا حتى لو انها نازله ارباحها على الاقل وزعت 0.03
انت كل سنه ماتوزع
احد من المحللين يقنعني شالفايده ، احدهم بيقولي عشان تاسس صح وتبني مركز مالي ، انا شنو استفيد ؟؟؟ اورث السهم لعيالي يعني ؟ عشان ينتظرون التوزيع والسعر السوقي يكون ممتاز
درسنا في الجامعه بكل بساطه في حال الشركه ماوزعت ودورة ارباحها يرتفع سعر سهمها سوقيا لان ممكن السنه الجاي توزيع ويكون سعرها السوقي اعلى
انا اشوف الواقع غير الي درسناه مالياً
هنا اسهم تعلن ارتفاع ارباح 25 بالميه وبدون توزيع والسهم هبط هبوط غير مبرر !!
في خلل يا اخوان واتمنى حسب ماسمعت او قريت في احد الاعلانات ان فرض على الشركه في حال عدم توزيع ارباح ان اعضاء المجلس لابستحقون المكافاه نفسهم نفس المساهمين
اعتقد هاي سمعته واتمنى تطبيقه لان صراحه ظلم اكون شاري بسهمك واشوفك ادور الارباح وتجيني السنه الي عقبها والي عقبها والي عقبها انت ماتوزع ولا ارباحك تمام ولا سعرك السوقي تمام
شكرا
|
