الفترة القادمة بنقل ما جاء خلال نقاشي حول الأسهم خلال الثلاث ارباع الماضية مع توقعات الربع الرابع وتوقعات مسار السهم السعري وتوزيعه بإذن الله وبداية بالقطاع المالي

الوطني أغلق على 15.700 وأدنى سعر كان 14.480 والفرق 1.22 ريال والفرق بين أعلى سعر وسعره الحالي 3.9 .. والسهم محقق نمو وقريب لقاع السنة وكان العام 19.6 وقبل وصل لحدود 22 حسب ما أذكر يعني مجال الإرتفاع مفتوح بشكل كبيرله ومسئلة وقت .. ربحية السهم 1.19 لسعره تعادل 7.58% .. حقق 25.940 خلال سنة الطبعة 2022 .. هذا طبعاً إغلاق شهر 11 من العام الماضي والإغلاق الحالي 16.53 نلاحظ خلال شهر ارتفع 0.83 ريال أو نسبة 5.2866% وما زال وراه بقية .. الآن ربحية السهم للتسع شهور تساوي 1.19 لسعره الحالي تعطينا 7.199% وأكيد توزيعه قليل كان في 2022 مبلغ 0.6 ريال للسهم وكان ربحه للسنة 2022 يساوي 1.44 ريال وزع أقل من النص بالضبط 41.6666% والسنة ممكن يجيب حول 1.5866 ريال ولو اعتمد نفس النسبة بيوزع 0.6611 ريال وبتكون نسبة التوزيع لسعره الحالي 4% ما تسوى بس البنك له قوته وله ناسه بغض النظر عن شرعية السهم انا أوضح الموقف المالي والسعري فقط وتاريخ السهم



إقتباس ثاني لتقريري حول المصرف في نهاية شهر 11 الفائت " مصرف قطر الإسلامي سعر إغلاقه لشهر نوفمبر 19.000 ووصل أدنى سعر17.220 خلال الشهر واللي صاده على أدنى سعر رابح فيه ربح كبير 10.33% ووراه تألق بإذن الله صوب أعلى سعر سنوي 24.280 وحتى لو وصل ال 20 أو 22 بيكون أعطى كثير الفرق بين سعره الحالي وأعلى سعر سنوي هو 5.28 تعادل 27.78% .. محقق نمو كبير ووراه صانع قوي .. ربحية السهم 1.29 لسعره 6.789% .. ارتفع خلال الشهر 9.195% وهذي بداية الإرتفاعات له وقد ينزل عنها ويعطي فرصة لكن بيواصل بإذن الله لفوق العشرين .. حقق 27.500 خلال 2022"

الآن سعر إغلاقه وصل 21.50 وينك يا عتيق غالي رخيص .. وطبعاً اللي خذه من القاع ربح كثير واللي خذه من سعر 19 ربح فيه 2.5 ريال تعطيه نسبة 13.158% وين اللي قالوا طار فوق وانا أشوفه توه يحلق ويعلم الله ما عندي فيه بعته من زمان ولا دخلت بس أنقل الواقع واقول المتوقع

توزيعه في 2022 كان 0.625 ريال وكان ربحه 1.62 ريال بعد توزيع ظالم ويقارب ال 38.58% من الربح المحقق .. ربحيته تغطي التوزيع وزود بس يحتاج توزيع عادل 1.29 ومتوقع توصل ربحيته آخر السنة 1.72 ريال ولو وزع نفس النسبة بيكون توزيعه 0.6636 ريال وتعادل لسعره الحالي 3.0864% نسبة ما تسوى لكن اللي يسوى هو سعره السوقي وتوقع مواصلة الإرتفاعات وبكمل بإذن الله مع الباقي

المصرف سهم قوي ووراه صانع قوي وسعر ال 21.5 مجرد بداية هذا رأيي فيه