الإفصاح عن تخفيض رأس مال شركة مزايا للتطوير العقاري

[السيلاوي]

مزايا للتطوير العقاري: الإفصاح عن تخفيض رأس مال شركة مزايا للتطوير العقاري (ش.م.ع.ق)
أعلنت شركة مزايا للتطوير العقاري (ش.م.ع.ق) عن انتهائها من الحصول على كافة الموافقات الرسمية لتنفيذ عملية تخفيض رأس مال الشـركة وفقا لقرار الجمعية العامة غير العادية الصادر في 17/05/2023 بتخفيض رأس مال الشـركة وإلغاء 157,625,000 سهم أي ما يعادل 157,625,000 ريال قطري، أي 13.6% من إجمالي رأس المال، ليصبح رأس المال الجديد للشـركة 1,000,000,000 مليار سهماً أي ما يعادل 1,000,000,000 مليار ريال قطري، من خلال إطفاء ما يعادل 157,625,000 ريال قطري من الخسائر المتراكمة، كما سيتم استخدام مبلغ 39,599,645 ريال قطري من الاحتياطي القانوني لإطفاء باقي الخسائر والتي تبلغ قيمتها 39,599,645 ريال قطري. وعليه سوف يكون إجمالي الخسائر المطفأة 197,224,645 ريال قطري .

سيكون آخر يوم تداول قبل تخفيض رأس المال في يوم الخميس 30 نوفمبر 2023 ، وسوف يعكس يوم التداول التالي الأحد 3 ديسمبر 2023 رأس المال الجديد.

علما بأنه سيتم اتباع معادلة تخفيض رأس المال حسب المتبع في بورصة قطر وشركة قطر للإيداع المركزي والجهات الرقابية ذات الصلة.

مثال:

· مساهم يمتلك عدد 1000 سهم بإغلاق يوم الخميس 30 نوفمبر2023 بسعر اغلاق قدره 0.7 ريال.

· يكون لديه في افتتاح جلسة يوم الأحد 03 ديسمبر2023 عدد = 1000 – 13.6% = 863 سهما.

· يكون السعر المرجعي لافتتاح يوم الأحد 3 ديسمبر2023 =(عدد الاسهم قبل تخفيض راس المال x سعر الإغلاق السابق) مقسوما على عدد الاسهم بعد تخفيض رأس المال = (1,157,625,000 × 0.7) / 1,000,000,000 =0.81 ريال قطري

أي أن اجمال قيمة الأسهم قبل التخفيض ستكون مساوية لأجمالي قيمة الأسهم في افتتاح يوم تنفيذ التخفيض.

يمكن زيارة موقع الشـركة الإلكتروني للاطلاع على قائمة المركز المالي للشـركة قبل وبعد عملية التخفيض.

[معماري قطري]

بيطفون خسايرهم وبيزيدون خسايرنا اشتعالاً

يالله واللي بعده يا بو عبده ( رفيجنا بو عبده مب المطرب ) أما تتكرر اللعبة وخساير مرة ثانية أو رفع بأخبار زينة مفتعلة وبعده تصريف .. زين وين الإكتتاب اللي تكلموا عنه كلش ما له طاري

[][ الوحيد ][]

خسارتي فيه تقريباً
200الف
افكر ابيعه صراحه

[معماري قطري]

خسارتي فيه تقريباً
200الف
افكر ابيعه صراحه

انا يمكن نص مليون بس مستحيل أبيع وخلاص لبست الخسارة لبستها لأنها بتنحسب حساب جديد وكأن ما صار شيء وبتتسجل خسارة جديدة حسب سعر السهم المتوقع ينزل .. بنك لشا عدلت متوسطي فيه وخذت بريال وشي بسيط ما يوصل درهم كمية وازنت المتوسط بس بعد يحتاج أبيعه فوق الريالين حتى أكون رابح فيه في المجمل .. أما مزايا بين التعديل لو وصل سعر السهم نص ريال وتحت والانتظار حتى يعدي ال 1.2 هالمرة لأن المتوسط هشكل مع تقليص العدد المفروض يرتفع .. اللي متوسطه 1.05 يزيد عليه نسبة 14% حتى يوصل لسعر تقريبي لتكلفة السهم عليه يعني المتوسط + سعر المتوسط ضرب 0.14

[بو هيا88]

انا يمكن نص مليون بس مستحيل أبيع وخلاص لبست الخسارة لبستها لأنها بتنحسب حساب جديد وكأن ما صار شيء وبتتسجل خسارة جديدة حسب سعر السهم المتوقع ينزل .. بنك لشا عدلت متوسطي فيه وخذت بريال وشي بسيط ما يوصل درهم كمية وازنت المتوسط بس بعد يحتاج أبيعه فوق الريالين حتى أكون رابح فيه في المجمل .. أما مزايا بين التعديل لو وصل سعر السهم نص ريال وتحت والانتظار حتى يعدي ال 1.2 هالمرة لأن المتوسط هشكل مع تقليص العدد المفروض يرتفع .. اللي متوسطه 1.05 يزيد عليه نسبة 14% حتى يوصل لسعر تقريبي لتكلفة السهم عليه يعني المتوسط + سعر المتوسط ضرب 0.14

اخ معماري الي فهمته من التخفيض انه عدد الاسهم بيقل لكن القيمة نفسها
ولا أنا فاهم غلط بتكون خسارة محققه 13%

[limited]

اخ معماري الي فهمته من التخفيض انه عدد الاسهم بيقل لكن القيمة نفسها
ولا أنا فاهم غلط بتكون خسارة محققه 13%

فيه رفع لسعر السهم بنسبة 13ظھطœ مع بداية اول يوم تداول عقب تخفيض راس المال

[معماري قطري]

اخ معماري الي فهمته من التخفيض انه عدد الاسهم بيقل لكن القيمة نفسها
ولا أنا فاهم غلط بتكون خسارة محققه 13%

هو الله يسلمك مثل توزيع خساير الشركة على الكل .. شلون يمسحون أسهم المساهمين كلهم يعني كأنهم خذوا أسهمنا جزء منها 13.8% ويرفعون قيمة السهم اللي كان شبعان هبوط بنفس المقدار ( ما سووا شيء ) فلوسك نفسها كانت خسايرك في السهم 100000 تبقى نفسها ولو عندك ربح يبقى نفسه .. لكن اللي يصير السهم في انحدار ويواصل لين يرجع لسعره قبل التخفيض ويمكن أكثر .. تكون خسارتك أو خسارتي اللي خسرتها فوقها خسارتي الإضافية

المشكلة ان الخداع يصير شلون؟ البعض يشوف محفظته السهم مرتفع سعره ونازل عدد الأسهم وخسارته صفر يستانس يقول خلني ابيع ولو باع هو محقق خسارة وخالص لو يطالع حساب أسهمه بتكون مسجلة عليه خسارة وهو الواقع

خلني أفترض انت شريت السهم بريال ونزل كان لحدود الستين درهم خسارتك فيه 40% لو بالضبط من ريال لين 0.6 .. والشركة خسرانة قالوا بنمسح خسايرنا فرضاً الشركة خسرانة 10% قالوا كل الأسهم بنقلصها 10% وانت شاري مليون سهم استوت 900000 سهم وانت أساساً عندك خسارة 40% خسارة الشركة غير وخسارتك انت غير والشركة حملت المساهمين خسارتها ال 10% بس راضتهم برفع السهم من سعره السوقي اللي كان 0.6 ريال لين زادته 10% إستوى سعره 0.66 ريال .. خسارتك انت كمستثمر باقية 40% في الحالتين قبل وبعد قبل المليون يسوى 1 مليون في 0.6 اللي هو سعر السهم السوقي يستوي 600 الف وانت دافع مليون يعني خسارتك 400000 وبعدين استووا أسهمك 900000 وسعرها 0.66 لو تبيعها بتجيب لك 594000 والأصح السعر يكون 0.6666 حتى يكون سعر أسهمك 600000 نفس السعر قبل لو بعت .. لكن لوبعت انت خسارتك 40% ما تغيرت قبل وبعد .. هم يرجعون يصفرون خسارتك ويكونون مسجلين عليك خسارة سابقة اللي هي 400000 ريال والسهم في الغالب وصار مع كل الشركات الفاشلة اللي سوت هالطريقة يرجع لسعره السابق ويمكن تحته .. على فرض سهمك رجع 0.6 وعندك ألحين 900000 سهم بتبيعهم بتكون خسران خسارة جديدة كانت عندك 600000 أول ما سووا التقليص ولو بعت ب 0.6 بتستوي قيمة أسهمك 540000 وخسارتك حول 60000 طبعاً مع بعض الفروقات في العمولة .. ال 60000 مب بس خسارتك فوقها السابقة 400000

[][ الوحيد ][]

ماشاءالله عليك انا سعري في مزايا .983 مادري كم بيصير بعد التخفيض

[limited]

السبب الرئيسي لفشل الشركات اللي عندنا مجالس ادارات لا يفقهون شيئا في نشاط الشركة والبورصه كذلك

[سكتون]

السعر يوم الاحد ان شاءالله بيكون 0.765
لاحد يجيب العيد ويفكر السهم ارتفع ويبيع