![اقتباس](images/misc/quote_icon.png)
المشاركة الأصلية كتبت بواسطة atiq
كنت انتظر بعض البيانات عشان اتاكد منها وليش توقعاتي كانت 0.1 للسهم و على شنو استندت
الاعلان جيد وهذا مافي خلاف عليه لكن الطموح كان اكبر من جذيه بسبب حجم السيولة وتطور استحواذ انماء في السوق
ناخذ اول الشي اخر الارباع من 2022 الي 2024
نلاحظ ان الايرادات كانت تتمحور حول ال 0.20% من حجم التداول باستثناء الربع الثاني والثالث اللي كان 0.11% والربع الرابع اللي كان مفاجئة ب 0.30%
اللي يهمني كان الربع الاول 2024 وكان 017%
طبعا لاننسى المضاربات و المكافات ممكن تقلل م النسبة لكن راح نشوف العوامل الثانية المؤثرة في الربحية
تشوفون في الشريط الاخضر توقعاتي كانت حول 0.20% واللي علي اساسها تتحقق ايرادات حول 11 مليون ريال ( لاحظ ايرادات الربع الرابع 2023 و ايرادات الربع الاول 2022)
نجي للمصروفات واللي لها طريقتين اما تاخذ من الايرادات ( وهذا المتوقع) او من حجم السيولة ( استبعد هذا الخيار)
نلاحظ انها تتراوح ما بين 33%-39% من الايرادات ، لكن في الربع الاول من 2024 كانت 48% ( نسبة كبيرة جدا) والشي بالشي يذكر ان النسبة في الربع الرابع 2023 مفاجئة ب 5% فقط وهذا اللي ساعد علي القفزة في ربحية الشركة في الربع الرابع 2023
قياسا على المصروفات المذكورة فرضت ان 35% ستكون الربع الاول 2024 وعليه تكون المصروفات حول ال 4 مليون ريال
يعني مجمل الربح يكون 7.2 مليون والعائد 0.13 مقارنة ب 0.09 (الحقيقي)
وعليه يكون الفرق 0.04 تضاف اللي العائد المعلن (0.064) ويكون العائد تقريا 0.104
حاليا خلونا نتكلم تاريخيا
تقريبا الايرادات السنوية تتمحور حول ال 0.2% من حجم التداول
المصاريف على الايرادات تختلف من سنة لاخري ومن ربع لاخر. بعض الاحيان حول ال 25% و البعض الاخر 35% لكنها ما وصلت فوق ال 40%
في 2023 النسبة قلت بسبب الربع الرابع والا جميع الارباع كانت حول ال 35%
التحدي في 2024 الوصول في حجم التداول فوق ال 20 مليار ريال و نتجاوز ال 2014 الا اذا شدوا حيلهم و تجاوزوا قمة 2008
*********
من هذا كله ابي اوصل نقطتين
الاولى ، الاساس اللي افترضت عليه عائد الشركة وانها ممكن تحقق 0.1 كل ربع وعليه السهم اساسيا قوي عند اسعار اليوم
الثانية، ان زيادة حجم التداول مب ضروري ايجابي للشركة لتحقيق عائد اكبر لانها ممكن تتاكل من مصاريف الشركة الاخرى او خسائر الاستثمارات المالية
*********
توقعاتي لعائد الشركة نهاية 2024 ~ممكن توصل 0.35-0.40
الله اعلم
اسمحوا لنا علي الاطالة
![Wink](http://www.qatarshares.com/vb/images/smilies/wink.png)