اليوم مجموع الشركات الحمراء 29 شركة أكثرهم حماراً بنك الدوحة وأقلهم الخليج الدولية وسعرها في نزول كأنها خسرانة ومضمونة خسارتها في الربع الرابع والأكثر ارتفاعاً الإسلامية وبروة ومخازن بمجموع أسهم للثلاث شركات شوي فوق المليون
|
اليوم مجموع الشركات الحمراء 29 شركة أكثرهم حماراً بنك الدوحة وأقلهم الخليج الدولية وسعرها في نزول كأنها خسرانة ومضمونة خسارتها في الربع الرابع والأكثر ارتفاعاً الإسلامية وبروة ومخازن بمجموع أسهم للثلاث شركات شوي فوق المليون
باقي يوم ونخلص من هذا الشهر التعيس وبعد يكملها هبوط في هذا اليوم ما ابيه يرتفع خلاص
كل أسواق اوروبا خضراء تقريباً ما عدا سوق .. وآسيا نص ونص .. الأمريكي على موعد مع الإرتفاع والنفط مرتفع قريب 82.5 دولار الحين
وإحنا محافظنا للحين تداول كبير وشراء قليل كلش اليوم حول 5.5 مليون من تداول 160.2 مليون وبنسبة 3.433% ودوم في نهاية الشهر شراء بسيط ما يرتقي للبيع اللي تم خلال السنة
شراء افرادنا اليوم 6.5 مليون من تداول 77 مليون وبنسبة 8.442% نسبة جيدة مقارنة بنسبة محافظنا
المحافظ الأجنبية تداول يقترب من تداول افرادنا 76.2 مليون وشراء قوي يصل ل 12 الا قليل 11.9 مليون ونسبة شراء تفرح 15.626%
المحافظ الخليجية بيعها 24.9 مليون وايد قوي وتداولها 35.2 مليون
ملحوظة اخى الكريم .. نقول هذا التداول التعيس وليس الشهر التعيس ففى الحديث(لا تسبوا الدهر، فإن الله هو الدهر)المشاركة الأصلية كتبت بواسطة معماري قطري
مااشوفه شهر تعيس يا بو عبدالله
السهم ارتفع 1000 نقطة من قاع اخر يوم في أكتوبر ولازال اخضر و يحاول يغلق قريب قمة الشهر
باذن الله نغلق فوق ال 10,000 نفسيا لكن اشوف اي اغلاق بكرة يعتبر ايجابي للشهر
باذن الله شهر ديسمبر ويناير راح تستمر الايجابية و نكمل الصعود
جزاك الله خير حسيت اني غلطت وكان واجب أعدل
صادق اخوي عتيق بس ما زلنا حول اغلاق اكتوبر ونمشي عرض .. شوف اغلاق اكتوبر كان 9,523.53 وبهبوط فوق 7% عن شهر 9 .. اليوم 9,991.81 الفرق كله حول 400 نقطة هذي يفترض في اسبوع يرتدها بعد الهبوطات الكبيرة إحنا بدينا رحلة هبوط من بداية 2023 للآن -6.45% وإرتفعنا خلالها شوي بس للحين هابطين وأسهم كثيرة كانت تعطي أمل قرب الريال ألحين شوفها وين راحت مزايا وصل 0.884 ريال وألحين 0.656 ريال مسوي تخفيض 25.79% .. الريان صج ارتفع وأثبت وجوده بس شوف من وين نازل .. المشي خطوة جدام وخطوة وراء للغالبية وبعض الأسهم في انحدار بدون تنفس هنا المشكلة
خل ناخذ الوطني مثال ثاني على مدى سنة 14.48 - 19.60 واليوم وين وايد أقرب للسعر الأقل 15.85 نزل من قمته خلال سنة 19.13% وارتفع من قاعه بس 9.46% وحساب النزول من القمة على سعر ألحين لو بنحسب النسبة على سعر القاع بتطلع النسبة حول 28% وهذا كبير السوق
لا لا وايد فاشل سوقنا
يعني إحنا كنا في شهر 9 آخره 10,251.95 وشهر 9 آخر الصيف وبداية المدارس ومعروف فيه ركود وشهر 8 كنا شوي اقل .. شهر 7 كنا 10,962.95 بارتفاع جيد عن اللي قبله غطسنا في شهر 8 ورجعنا شوي حول 0.5% في شهر 9 وألحين شهر 11 ندور العشر آلاف .. شهالسوق ذيه
نحاول نتفائل شوي برنت قريب ال 83 وشكله بيتعداها والداو مرتفع وأسواق كثيرة معاه وبكرة اغلاق شهري واسبوعي عندنا أتمنى يضخون محافظنا بس 20 مليون ويستمرون على هالحال ما تكون محصلتهم شراء شهري بحدود بسيطة بايعين من 2022 للحين ما يقارب قيمة 13 مليار من الأسهم مب شيء بسيط المفروض يضخون نصها خلال السنة والنص الأول من 2024 لرفع السوق والتجميع فيه بعدين خلهم يبيعون اللي شروه بربح
هذا يعني 13 مليار على 12 شهر + 11 شهر أو 23 شهر نصيب كل شهر من المبيعات 565 مليون ونصيب كل يوم كمعدل 25 مليون وزود .. حسبت ايام التداول بحدود 22 يوم في الاسبوع ناقص الاجازات .. السبب واضح للهبوطات
الليلة ان شاء الله نعمل تجديد
لوضع السوق شهريا وشلون تفاعل السوق خلال نوفمبر
ونتعرف على المسارات السعرية الواردة للسوق القطري
خلال شهر ديسمبر 2023
ضوابط المشاركة
رد مع اقتباس