عنصرية موظفي شركة فاحص

[معماري قطري]

السلام عليكم و رحمة الله و بركاته

اليوم صار لي موقف في محطة فاحص على خط المزروعة تقريبا الساعة 3 إلا ربع الظهر و بإذن الله بابلغ به الشركة الصبح.

صاحبكم داش بسيارته للفحص السنوي و دخلت الخط المخصص للسيارات الصغيرة و هناك لقيت عامل عرّف بنفسه انه مسيحي كيني .. لحد الحين ما في شي لكن اول ما بدا يسولف اشر على عامل ثاني و قال عنه انه كافر!

هني رنت في راسي الكلمة .. من متى احنا نقول عن هذا كافر و هذا مب كافر؟

ما طولتها مع العامل و كملت طريقي لكن عقب فكرت في كلامه ... ليش وجه لي هالكلام؟ يمكن لأني كنت ملتحي و ظن اني مطوّع و حب انه يسوي جو مثل وجهه الودر؟ يمكن!

يمكن بغى يحمي نفسه بأن يبين انه موحد و هذا الموقف مر علي وايد و خاصة لما يشوفون واحد بلحية .. على بالهم بيذبحهم و هو يكبّر!

مثل هالمواقف احنا يمكن ما نفكر فيها لكن على ما قال المثل العربي: كل إناء بما فيه ينضح كل واحد يعكس البيئة اللي تربى فيها .. في ناس تربت في بيئة نظيفة و غيرهم في بيئة وسخة تميّز الناس على اساس ما له أساس!

الموقف بغيت اشارك الاعضاء به و أرجو ان نستفيد منه بالحكم على الشخص بما هو فيه بالحق.

شكرا

مب مسوين له شيء ولا حتى كلمة بيقولون هذا رايه الخاص وكلامه .. بس صادق هم عنصريين بينهم وبين بعض ونفس الشيء عندهم المسلم يعتبر كافر .. اليهود والمسيحيين يجاملون المسلمين لكن يكرهونهم وحذرنا منهم رب السموات في كتابه الكريم