السلام عليكم
اذا عندك كاش يسدد بعض او كامل ديونك
هل الافضل تخلي الكاش في يدك وتنتظر تسدد اقساط القروض ؟
او تسكر الي تقدر من الديون ؟
اتمنى المشاركه وشكرا
السلام عليكم
اذا عندك كاش يسدد بعض او كامل ديونك
هل الافضل تخلي الكاش في يدك وتنتظر تسدد اقساط القروض ؟
او تسكر الي تقدر من الديون ؟
اتمنى المشاركه وشكرا
اذا بيشلون عني الفوائد بسدد واذا كان عندي اكثر من دين بسدد البعض لي ماباقي شي على الاقل افتك
وطبعا نبغي نسمع رايك فالموضوع
سؤال صعب متشعب … يفرق من شخص لشخص كل واحد له ضروفه والتزماته واحتياجاته
انت الوحيد الي يقرر
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
وعليكم السلام
لا، إلا اذا الدين في بنك ربوي لأن عمره ما بيخلص مع هالفوايد الي يزيدها البنك الفيدرالي اليهودي كل فتره، شغل فلوسك الكاش وعقب تقدر تسدد إذا حاب والله ييسر لك أمرك ويقضي عنك وعن الجميع ديونهم.
التعديل الأخير تم بواسطة وحيد-الشوق ; 08-06-2023 الساعة 10:39 AM
مثل ما قالوا الاخوان
اذا التسديد المبكر بيشيل جزء يسوى من ارباح البنك .. بسدد
اما اذا كان البنك بيتشدد او يشيل جزء غير مجز من الارباح..بيضل الوضع على ما هو عليه
الحياة.. مواقف
جزاكم الله خير عالمشاركه وابداء الراي
انا الي صار معاي ان سكرت قرض .. لكن الفلوس الي كنت ادفعها كاقساط ماقمت اوفرها !!
قبل كنت استقطع هالمبلغ من راتبي لانه يندفع كقسط
الان سكرت القرض ولم استطيع ان اوفر هالمبلغ ولا حتى لشهر واحد
لذلك سالت هالسؤال وتمنيت اشوف اجابات
لذلك قد يكون رايي ان تخلي الاقساط ماشيه افضل
جزاكم الله خير
دامك سكرت القسط نصيحه افتح حساب في بنك ثاني وسوى تحويل شهري كل شهر قيمة القسط اللي كنت تدفعه والبنك الثاني حتى بطاقة صراف لا تاخذ وحط في بالك ان هذا القسط عليك الى السنه الفلانيه ولكن حط في بالك مبدا لايمكن تغير رايك يوم الايام وعسى الله يوفقك
جزاك الله خير يالغالي