مؤشر داونجونز ارتد 350 نقطه قبل الاغلاق
|
مؤشر داونجونز ارتد 350 نقطه قبل الاغلاق
الداو قلص من هبوط 824 نقطه
الى هبوط 486
ان شا الله الاسبوع الجاي شمعه شهريه حلوه رغم اني فاقد الامل
لعدم وجود اسباب
واهم شي سوقنا الاحد مايقسى
الأحد المضارب يتيم على مائدة لئيم والخايف كذلك
الأثنين نشوف شيصير في بقية العالم وبنعرف سوقنا وين متجه بس الاسبوع الجاي لو خسر 500 نقطة على مدار الاسبوع بيكون إنجاز والخوف تكون أكثر
لا حول ان شاءالله سوقنا يخالف بوم الاحد
صفقتين بالوطني والمصرف وصناعات بمليونين او ثلاث مع الافتتاح تكفي نشوف المؤشر 300 نقطه هبوط
دوام الحال من المحال وباذن الله الشركات الي حققت عوائد طيبه ومتوقع منها مردود طيب بيكون ادائها طيب مع مرور الوقت
اما الاسهم المتضخمه والمعروفه للجميع الي مالها اساسات واضحه واسعارها تعتبر قمم بالنسبه لعوائدها ممكن نحط عليها علامات استفهام
برايي اي هبوط اشوفه فرصه للمستثمرين او المضاربين فئة قصير ومتوسط المدى للاسهم الي منها رجا
اضحك نكته ان فيه ناس اقتنعت بالعملات الافتراضيه ولين يومك وناويه تستثمر فيها
والنكته الثانيه ان الدولار الي كلنا نعرف انه مطبوع بدون غطاء من الذهب صار له قيمه واعطوه قيمه عشان يخفضون التضخم
مثل القربه الي يعبونها من فوق وهي تصب من تحت
مايصح الا الصحيح
وبالتوفيق للجميع
يوم الاثنين بتكون الاسواق الامريكيه مرتده
وسوقهم فاليوم يرتفع 1000 نقطه
الاسهم وصلت اسعار ممتازه بالسوق الامريكي والقطري
اتوقع لوفتح سوقنا على نزول باذن الله هذه النزله الاخيره
اعلانات الربع الثالث عقب كم اسبوع
اتوقع القطاع العقاري ارباح ونمو كبير
ازدان بروه المتحده ومزايا
القطاع الصناعي اتوقع نمو كبير للخليج الدوليه ولو ان قطاع الخدمات شايلها بقوه
ازدان ارباح رفع الاجارات مرتين وارباح تاجير على لجنة الارث وارباح بيع فندق ذا كيرف الي مقابل الفور سيزون بتعطي قفزه قويه
فالكم التوفيق وبمثل هذه الاحداث هني تقدر تحصل الاسهم باسعار زينه
اتوقع والله اعلم رايحين الى المجهول
الاسهم كلها غير مطمنه كل القطاعات
حتى العقار اللي كنا نتامل فيه خير رايح فيها
كاس عالم على ماباقي له الا اقل من شهرين الاسهم فيه اقل من ريال
في آسيا 2006 كانت البورصه غير شنو اللي اختلف بين الحين وذاك الوقت
وتامل في الاسابيع القليله قبل كاس العالم تتلمم الاسهم وتعيد توازنها وتبدا المسار الصح
صار لنا فتره من نزول الى نزول وبارقام مخيفه
ياترى متى بيرد الى طبيعته السوق
يارب الايام الجايه او على الاقل الاسابيع
بي يرزق الجميع
صحيح اخوي لكن حط بالاعتبار ان المشكله الاساسية حاليًا ارتفاع موشر الدولارالمشاركة الأصلية كتبت بواسطة Abjalsulaiti
هو لو ينزل كل شي راح يطير وماراح ينزل الا بإعلانات ايجابيه بخصوص التضخم،
اسهم كثيره تحت سعرها وتعطي عوائد لكن ماتعرف شلون أداءها راح يكون فالنصف الثاني؟
او ماتدري شنو راح يصير بعد مايستمر سعر الفائده مرتفع لمده طويله لنتائج هذي الشركات
الي غالبا راح تكون نتائج سلبيه جدا يتبعها هبوط في العوائد وقيمة السهم،
يجب اولًا وقبل كل شيء سماع اخبار ايجابيه بخصوص التضخم
عشان ترجع الايجابية للاسواق.*
كثير ردود اعتمدنا عليها وساعدتنا على انه انزيد الصبر والمحصلة خساره اكثر
المشكله من يعوضك الخساير !
اسهم فوق سعرها نزل تحت واللي بيشتري بعد بيخسر
نصيحه اخوي لا تسمع لاي احد الا اذا كان ثقه
ولي ماشاء الله بهالمنتدى اشخاص ثقه تقدر تعتمد عليهم
وفي الاول والاخير التوفيق من الله والرزق من عنده
والقرار قرارك بعد
والله يعوضك ويعوضنا خير ان شاء الله
وربي يرزق الجميع
ضوابط المشاركة
رد مع اقتباس