تخيلوا لو ان مجمع فيستفال يصبح جامعه تعليمية

[معماري قطري]

واخر شي نص الطلاب مقضينها بالسينما*
اذا استوى هالشكل المكان مابيكون حرم جامعي بيكون مركز تعليمي ..
كل شي في مكانه افضل..
عاد من فترة افكر لو يسون فندق لاصق بالفيستفال او مربوط فيه بيكون مجمع كامل مكمل ..

هو يتكلم عن طريقة البناء والترتيب ما تكلم عن مكونات المبنى .. الفيستفال يستوعب عالم ما شاء الله ومواقف متوفرة ومكان شرح ومرتب ومكيف .. بدال المحلات قاعات والممرات بنفس الأسلوب ومكاتب الإدارة والدكاترة وحتى مكان استراحتهم وترفيههم يكون في قسم خاص بهم أو مجتمع مع الطلبة حتى يكون فيه تجاذب اجتماعي

أشوفها فكرة زينة للجامعات الحديثة وحتى للمدارس الحديثة .. أذكر لا شعورياً صممت مبنى كفكرة مبدئية وعملت نموذج ثلاثي الأبعاد كان عبارة عن ثلاث مباني متصلة بممرات مطلة على منطقة مزروعة وتكون كلها مكيفة وبواجهات زجاجية .. كان لمدرسة لغات وكانت التكلفة التقديرية بحدود 300 مليون وقتها .. كان مبنى للإدارة على شكل تراثي تقليدي ويطلع منه الممر الزجاجي للفصول اللي كانت طابقين وسطها ممر بمنور سقفي وارتفاع عالي دورين والمبنى كله تصميم حديث .. وآخر شيء قاعة كبيرة متدرجة وتحت المدرجات انتاج وطباعة الكتب ومكاتب اضافية

ما كان المبنى على مستوى جامعة وكانت المواقف حول كل مبنى من الثلاث بس ما توافق على المشروع ولا صار

أشوف الفكرة حلوة ومطبقة في أمريكا حق أشياء كثيرة منها السوبرماكتات الكبيرة ومنها مراكز بيع الأثاث وأدوات المنزل حتى كل معدات وأدوات البناء تحت سقف واحد حديد مكيف وما فيه مبالغات بس مريح وسهل توصل لأي شيء تبغيه .. نفس الشيء توجد محلات خاصة للوازم الرحلات بنفس الطريقة وكبيرة وبمواقف كثيرة