مو من جدهم البلديه
تمنع المالك بناء بنت هاوس بدرج خاص منفصل عن البيت مع باب خاص اذا كان للولد او للمؤجر في حال التأجير
رد البلدية ممنوع لان يمكن يأجر البنت هاوس حتى درج الخدمه علشان العمال يطلعون السطح من الخارج يقول ممنوع
اشوف اشتراطات بلديه الكويت والسعوديه ارحم من الي عندنا
المشكله انا الي ببني وانا الي بدفع المبلغ من فلوسي وانا الي براكض من مكان لمكان علشان اشطب فمن حقي اني ابني بالشي الي يناسب اشتراطاتهم لكن مايمنعي من افكار قد تكون مستقبليه في حال الولد طلع وصار المكان فاضي
مع اني اشوف بعض الفلل مسويه نفس الافكار الي ابيها هل هو استثناء او واسطه او بعد اتمام البناء يبني الي يبيه
اول شي لا تطالع الدول الثانيه .. طالع بلديه عن بلديه تفرق
منطقه عن منطقه تفرق .. الاغلب يسوي الدرج الخارجي عقب اتمام البناء …
حالها حال الطبيلات اللي لين الحين مالها تصريح ..
بس اشلون تبي تسوي درج وباب*خارجي في البنتهاوس ؟
الظاهر تبون تحولون الدوحة لـ بومباي نفس راعي الدرامات ..
عموما عقب اتمام البناء تقدر تسوي اللي ودك ..
لكن ان خالفوك بتضطر تشله مع غرامة
تُنسى ، كأنَّكَ لم تَكُنْ ..
لازم نطالع الدول الثانيه ونكون الافضل
وسالفة البلديه فصح كلامك بلديه عن بلديه تفرق
مانبي نسوي الدوحة لـ بومباي
وسالفة البنتهاوس هو انك تمد درج خاص مع باب من ارضك مافيها تعدي على احد او ارض الدوله
معظم البيوت الي بالدول المجاوره مسوين هالطريقه
بعدين ليش عقب اتمام البناء ليش مافيه موافقه رسميه
ليش انطر اتمام البناء وعقب اسويها وبالاخير اذا خالفوني اشيلها مع غرامه
اذا جاري الحين فاتح مجلسه على ارضي وحاط حديقه وحاط ملحق وفاتح الباب على ارضي ومأجرها ليش لحد الان ماخالفوه