السيارات بين التجارة والاحتكار والسوق السوداء

[naklan]

السلام عليكم ورحمة الله وبركاته

مبارك عليكم مابقى من الشهر الكريم

عندي تسال يدور في راسي ليش الى الان الحكومة ساكته عن
هذه التجارة الغير مشروعة ما حدث مع الامد كروزر من 8 شهور الى الان
وما يحدث مع لكزس الان تخيل ان بعضهم يعرض بسعر 800الف
يعني ب 200الف فوق قيمته واذا الحكومة موافقه هل سيلحق
التجار بهذه السياسة الي اشوفه شي غريب يحاسبون
راعي الخضار على ريال وريالين ويتركون الحبل على
الغارب لتجار السوق السودا

اي سيارة مرغوبة في بداية نزولها يشترون كل الموجود
وتصير السيارة غير متوفره في الوكالة ويبيعون باسعار باهضه
الي فاجاني امس ان احد المقيمين عارض علي سياره لكزس
يتاجر اي وين دور الحكومة اعلانات بسعر اعلى من
الوكيل في مواقع البيع ولا السالفة صارت
سلطة فتوش

تحياتي للجميع

[naklan]

الادهى والامر ان بعضهم يعرض السيارة ماشية 15 و20 الف
ويبيعها بسعر الجديد والاعلان شبه جديد وبحالة الوكالة اي وكاله
يا ابو وكاله الجديد اصفار وبس
والله لو فيه رقابه ما طلعت الثعالب من جحورها

[سالم الزهران]

من أمن العقوبة، أساء الأدب

[عضو قديم]

للاسف كلامك صحيح

[معماري قطري]

قلت لكم العدل عندنا على عكاز وفي تدهور .. وينهم عن أمريكا بلاد العدل ما عندهم هالسوالف كلش

[Rider]

المخرج يبغي كذا ناس تستفيد وناس تدخل السجن

[سعود.]

اول اللكزس انباع بمليون + 200 الف

نزل في السعودية وهلم جرى .

[السيف5]

السبب هم وزارة الاقتصاد والتجارة نايمين بالعسل
ليش هالناس يستغلونا وهم ساكتين رغم مسئوليتهم المباشرة ؟

[معماري قطري]

اول اللكزس انباع بمليون + 200 الف

نزل في السعودية وهلم جرى .

توني من شوي قاعد أطالع أسعارهم الفي اي بي انباعت ب 790 ألف ثنتين حول هالرقم نسيت كم بالضبط .. والعادية نزلت ل 635000 بس الواحد شحاده يحجز وينتظر حتى لو سنة .. عندك الرنج بعد منافس قوي و 8 سلندر واللاندروفر حلو وسواقته حلوة وارخص بوايد بس عيبه ما فيه مميزات اللكزس وواثقين إحنا من اللكزس

[معماري قطري]

المخرج يبغي كذا ناس تستفيد وناس تدخل السجن

والله يا اخوي أشوف الغارمين بمبالغ فوق المليون وبعضهم 500000 وشوي وأستغرب ذيلا كلهم مشاريع فشلت والا سيارات وسلفيات كثيرة وغالبيتها استهلاكية ؟

المشكلة بعضهم يستسهلون السلف وبعدين يعانون .. عندي ولدي الصغير متهور وقراراته سريعة ومن كم سنة جاني يبغي مرسدس اس 65 اللي يجي 12 سلندر مستعمل وموديل 2016 وبينباع ب 400000 وتعرف اللي يعرضون شو سيارة وما بتؤعد كتير وهذي طايرة طايرة .. جاني مثل المجنون يبغي المبلغ قلت له وحد قال لك اني بنك ولا علي التزامات وشتبغي في سيارة هشكل صيانتها أرقام فلكية .. المهم توه مشتغل وعنده بعثة على الجيش وسهلوا له وياخذ أقساط لين 6 سنين وياخذها

سيارة عجيبة سقتها شوي بس ما حبيتها ثقيلة مع قوتها الخيالية تحسها يخت في بحر وللي بيركب ورا حنيت عليه والظاهر طيحتها من عينه والأهم اقتنع انها صيانتها خيالية بدلها ببي ام ام 2 وتمت عنده سنتين وباعها خسر فيها حول 100000 وهو بدلها وكانت الإم 2 معروضة ب 350000 والمعرض عطوه 30000 فوقها كان محتاجها حق شقته ومصاريفه في لندن يعني خسر ما يقارب 20000 + الفوائد اللي بيبقى يدفعها ست سنين .. بس لاحظت إنه حس بقيمة الفلوس وضغطي عليه خلاه يتعلم .. انا معطيه فيزا من حسابي بلمت 10000 شهري وأقدر أزيد اللمت بتسديد المبلغ اونلاين أي وقت وللطواريء في السفر بس والحمد لله تعلم يوقف ويمسك فترة كورونا وجمع مبلغ + باع البي ام ب 250000 خسر فيها 100000 بس على ولد خالته وولد خالته غير الجلد الداخلي لون حلو أظن برتقالي تقريباً وشال الجلاد رجعها لونها الأصلي أبيض على بيج لون غريب

المهم تعلم وجمع مبلغ زين وخذ له دفندر جديد باب واحد وشجعته عليه وحتى قلت باساعدك قال ما عليك عندي وطلع يتاجر بالانستغرام وماسك أسهمه اللي شريتهم له من قبل وفهم الدرس شكله

أقول هالسالفة عيالنا وإحنا ممكن أكثرنا وأكثر العيال ما يفكرون صح والا شفيها الهيلوكس الدبل مثلاً للبر ولكل مكان واقتصادية وتخدم .. وشفيها الكورولا والكامري وبقية السيارات الاقتصادية وقيس عليها بقية الكماليات .. دوم فيه بديل ما يكلف 10% من اللي تبغيه بأقساط وسلفة بنك .. كان ابوي الله يرحمه يقنعنا بهذا البديل ويشتريه لنا بفلوسه حتى ما نكون ضحية للبنوك .. مرة كنت باجي اجازة من دراستي ورصيدي زين يجيب لي سيارة تسوى ودرى الوالد بنواياي وكان عند عمي جي شبه جديد قانص فيه بس موديل 1988 اللي تكاياته فيها فتحة شراه بسعر زين وخلاه لي وللحين باقي تذكار موقف ومغبر ومنتهية صلاحيته صدأ في الزرع

بعد تجربة هالولد إستوى أي ولد يقول بيروح البنك أقول له انا باسلفك بس ما يسددون كلش