انزين ناقشوا معوقات الزواج عند الشيبان!!! ثرى معوقاتنا وشروطنا اقل
انزين ناقشوا معوقات الزواج عند الشيبان!!! ثرى معوقاتنا وشروطنا اقل
حياك الله يا دانه، تقبل الله منا ومنكم الصيام والقيام وصالح الأعمال. واذا كان الشاب مأذي أهله يبي يعرس وموظف وأموره زينه، لكن يبي وحدة مدري شنو مواصفاتها! صراحة أنا احسهم ماديين وينظرون للمراة ك commodity لازم تكون فارهة مثل باقي الأمور، والنظرة المادية السطحية هذي ما تجيب لهم الا المشاكل.
اعتقد ان في فرق يا دانه بين الشيء اللي مفروض.. والشيء اللي فعلاََ حاصل.
فهذا اللي تقولين عنه رجل بشكل عام يبي.. هذا ما واجهته انا..
الشباب يبون بنات بمواصفات خاصة، والبنات يبون اللي مقتدر مالياََ وما يعيش مع اهله ويسفرهم كل ما سنحت الفرصة.. وبعض البنات تشترط ما يتدخل في سنابها ونشاطها في الفضاء الرقمي..
لا الدين ولا الصلاح.. من ضمن مطالبهم الجدية..
رجل عن رجل يفرق حسب كل شخص من الجنسين
راعي المال طبيعي بيدور عالجمال و بعضهم يدور عالحسب و النسب حتى مو مهم عنده الجمال و لا المال تلاقيه يحدد قبائل و عوائل محدده يبغى يناسبها وبعضهم الدين
الفقير طبيعي بيدور على المال و باقي الأمور الأخرى
وكلن بيدور على اللي يبغى يكمله.
المال زينة الحياة الدنيا ما يختلف عليه أحد حتى الشاب بودة لو يكون أثرى الأثرياء و يجتهد حتى يصير عنده مال حتى لو هو عزوبي و يبغى يتم عزوبي لأي سبب في باله ونفس الشي البنات.
المال رزق و لكن حتى الزوجة الزوج الصالح رزق الأبناء الصالحين رزق الصحة و العافيه رزق أرزاق الله كثير يا الله من فضلك.
أرى بأن أحَد مُعَوّقات الزواج كثرة وانتشار المُسلسلات الهابطة ذات الإنحلال الديني والأخلاقي
والتي غيّرَت مَفاهِيم ومُثل وأخلاقيات وقيَم النشئ مِنَ الشباب وخصوصاً الشابات وتحفيزهم وحثهم
على إنشاء علاقات غير سويّة وغير مَشروعَة لم يسلم مِنها حَتى الأرحام والعياذ بالله تعالى
"حسبنا الله ونعم الوكيل ولا حول ولا قوّة إلا الله" ومِن هذه السموم التي يتفثونها في المُجمعات
عِبارَة ( مُراهقين ) والتي غَدَت شمّاعةً يُعلقون عليها أخطاء وأهواء وانحرافات الشباب في هذا السن
فتجد أحدهُم يقول بأن إبني أو ابنتي فعلوا كذا "وهُوَ غير راضي" فيُجيبه الآخر بكل بساطة ولا مُبالاة
دَعهُم فإنهم (( مُراهقين )) والويل لنا إن طبقنا هذا الأسلوب مَعَ فلذات أكبادنا والعياذ بالله تعالى.
وكأن لسان الحال يقول بأن هذا المُراهِق "مَرفُوعٌ عَنه القلم"