صدقني يا اخي رايدر نفس موضوعك سبق تناقشت فيه مع اخونا العود معماري وقلت ان ودي لو قطر تستثمر في المجالات الرقمية علي الأقل مثل الامن السيبراني والدرونز والأشياء الالكترونية اللي يحبونها الشباب،، لو بس وجهوا ربع صرف الرياضة هناك بتشوف نهضه قوية، لكن موضَع الاكتفاء الذاتي هذا يبي له ارادة قوية و توجه عام.
كلامك صحيح أخوي سالم لازم يكون هناك توجهات اخرى بدل ضايع الوقت على أشياء مؤقته وعندي سؤال انا كمواطن شنو بستفيد من كأس العالم ماديا شنو لي بستفيده البلد بشكل عام كأس العالم تجارة حق ناس هوامير حنا حتى كورة القدم ماستغيلنها كتجارة وصناعة في اوروبا الكورة عندهم صناعة وتجارة حنا بس ادفع ونسى
صناعة سيارات مرة وحدة وبالمواصفات المكتوبة .. لا وكهربائية .. إذا الليتات القطرية ركبت مرة كلها احترقت بسرعة وال اي دي بعد
انا أتمنى لو فيه أي صناعة تكون بإنتاج مواد أولية قبل وبعدين ننتج المنتج النهائي ما نجيب قطع من برا بغالي وبعدين نركبها
خلونا نصنع قبل لوحة توزيع كهرباء وتكون متطورة وجيدة .. وإلا نحسن الصناعات الموجودة .. ممكن نصنع بطاريات بتكنولوجيا غير وتكون منافسة بس وين الأبحاث قبل وبراءة الإختراع .. إحنا الإنترلوك مصانع البلاط تغش فيه وتخلط الرمل ببودرة تخلي العيوب تطلع بسرعة .. بس ما شاء الله ننتج المجبوس العجيب ونحاول نتفنن في الأكل
حتى تسوي مصنع لكميات كبيرة لازم يكون حولك سوق يشتري وياخذ كل كمياتك .. الألمنيوم شايفين شلون ماشي ومطلوب في العالم كله وشلون قامكو كشركة حكومية نجحت وأثبتت وجودها بسرعة وأكيد المشروع مر بدراسات طويلة وعندنا شريك أجنبي قوي وفاهم للشغلة وهذي الشراكة خلت قطر معروفة ويقال إن المصنع يعتبر الأكبر في العالم
نفس الشيء ينطبق على منتجات مادتها الأولية موجودة وقريبة والطاقة لإنتاجها عندنا الغاز متوفر
اللي أفكر فيه صناعات إعادة التدوير هذي عجيبة وشفت فيديو لألواح خشب مكبوس من بقايا النخيل وممكن نسوي منتجات خشبية كثيرة من بقايا الأشجار الموجودة عندنا .. وصناعات كثيرة أبسطها تدوير النفايات بفرز بعض النوعيات وارسالها وبيعها كمادة نفايات قابلة للصناعة