بو زيد تخيل في أمريكا هناك بدوا يستعملون الكاميرات عند الإشارات وبالضبط في تامبا وهي مدينة تعتبر الثانية أو الثالثة من حيث السكان في فلوريدا .. الناس هناك عادي يطوفون في الأصفر وأوقات التقاطع يكون شغال من الجهتين اللي بيلف يوقف في الوسط وينتظر المسار اللي مقابله يوقف وفي هاللحظة تكون اشارته تحولت حمراء بس يحرك ويلف .. نظام الكيمرات بهدلهم .. بعضهم يوقفون على الخط والحياة عندهم عادية وبعض الإشارات يحق لك تلف يمين بس ضروري توقف عند الأحمر وقفة كاملة وبعدين تنتبه لخلو الطريق وتلف حتى والإشارة حمراء وهذي سووها لتوفير البترول في أزمة 76 .. الكيمرة خربت كل ذيه
بس يومين ما طولوا وكنت من ضمن اللي صورتهم الكيمرة استوت شكاوي في وسائل التواصل والتلفزيون والراديو وقرروا يخلون الكاميرات للمراقبة بس ويعتمدونها وقت الحادث وألغوا كل المخالفات .. يا اخوي ذيلا مب مسلمين بس يعرفون إن القانون يتطبق وتعدل بنوده حسب الملاحظات وممكن يلغى بالكامل
الشكوى لله، انا كنت واقف بإشارة وجاني مخالفة (تجاوز إشارة) يعني ما قالوا الوقوف على خط المشاة! اللي ممكن تنبلع.
لو تشوف الصورة بتلاحظ إن ما فيه خط مشاه أصلاََ.. بس مسوين حد بعلامات الرصف (القطع اللي تنور بالليل)؟
طيب أنا جاي من مدينة شوارعها مخططة بالصبغ وفيها لو حات إرشادية (اللي تجي مستطيلة الشكل) تبين لك نهاية وقوف السيارات في الشارع!
شنو ذنبي إني أثناء السفر دشيت مدينة سعودية ملعوزه شوارعها وأغلى ما في الشارع الكاميرا اللي أنت تخالف بها الناس!
للأسف مديونية المرور على الناس هناك توصل مليارات ونا أقول جذي لأن سهل تحصل الأسرة الواحدة عندها مخالفات توصل نص مليون!
وانا صائم أقول الله لا يوفق كل مسؤول في المرور رضي بهذا الشيء... يبون نظام ؟ يجيبون لنا نظام أمريكا وبريطانيا اللي يقولون صعب.. نحن قابلين فيه.
نظام عربي ما نبغي..هذا هم يخالفون سيارة واقفة ف الشارع ويتركون الف مخالفة هندسية مسوينها هم في تخطيط الشارع.
الي سافر بعد مايرجع بكمن يوم يقدر يشوف المخالفات عن طريق تطبيق ( توكلنا )
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
من زمان هذي الدولة ما ارتاح لها وطاحت من عيوني كلش في 5 / 6 / 2017
اخوي هذي دولة جارة وفيها اتجاهات كثيرة، وطالما ما فيه خلاف سياسي بتحصل اهلها تلقائيين ويرحبون فيك وما اظن حتى بعز الأزمة أن هذي النظرة تغيرت عند القوم. لكن الاعلام عالم ثاني يشوه كل شيء..
البلاد هذيك بلاد لكل الخليجيين وللعرب والمسلمين وما يمدي أهل الشر فيها يغيرون هذا الواقع حتى لو ما بغوك وما حبوك... من حقك تروح لمقدساتك ضيف للرحمن وفي حفظه، قبل أن تكون ضيف لأحد أو في حماية أحد.
الله يرزقكم حجة وعمرة وزيارة انتم واهلكم واحبابكم ويتقبل منكم.