عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
يمكن كنت متطمن إن ما فيه مخالفات توصل وهذي مشكلة سوء تقدير منك .. عاد انا واصلتني مخالفة من 2017 من ايطاليا وهذي ثاني مرة توصلني ومضاعفة 400 وشي يورو ومن أيام خذت فيزة ايطاليا .. قبل وصلتني ولا رديت يقولون سايق في منطقة محظورة هههههههه قعدت أفكر وين هذي المنطقة المحظورة وزين عيالي ذكروني إني ما زخيت السكان ولا أجرت سيارة ولا سقت هناك توقعتها لعبة وموقع المخالفة بيزا ولا طبيناها كلش .. زين ما حطوني سارق والا قاتل حد هناك
من زمان هذي الدولة ما ارتاح لها وطاحت من عيوني كلش في 5 / 6 / 2017
اخوي هذي دولة جارة وفيها اتجاهات كثيرة، وطالما ما فيه خلاف سياسي بتحصل اهلها تلقائيين ويرحبون فيك وما اظن حتى بعز الأزمة أن هذي النظرة تغيرت عند القوم. لكن الاعلام عالم ثاني يشوه كل شيء..
البلاد هذيك بلاد لكل الخليجيين وللعرب والمسلمين وما يمدي أهل الشر فيها يغيرون هذا الواقع حتى لو ما بغوك وما حبوك... من حقك تروح لمقدساتك ضيف للرحمن وفي حفظه، قبل أن تكون ضيف لأحد أو في حماية أحد.
الله يرزقكم حجة وعمرة وزيارة انتم واهلكم واحبابكم ويتقبل منكم.
من أول يا أخ سعود ما كان فيه ضبط مخالفات مرورية للسيارات الخليجية، بس الحين سمعت أن فيه وهذا انت مجرب، لكن دير بالك تشخط رادارات في السعودية، لأن في المية كيلو ممكن تحصل ثمان رادارت يمكن أقل أو أكثر.. لو في كل مئة كيلو صادك 3 رادارات وسرعتك 150 مثلاََ فبتدفع الف وخمس مية ريال لكل مية كيلو في السعودية وعليك الحسبة.
وبعدين الموضوع لا تظنه يستدعي الاستغراب أو انهم بيراعون أحد، ممكن تحصل شايب عليه مية الف وممكن طالب ثانوي نفس الشيء.. فالحذر واجب.
تدري يمكن من 10 سنين رحت دبي وكنت انتبه للرادارات واخفف مع إني كنت أسرع ولدي يقول لي لا تهتم المخالفات ما توصلنا قلت لتوثق في كل شيء .. هو صادوه وطلعوا عليه مخالفات بمبلغ كبير أظن 70000 وفوق وقلت له ما لي خص اطلب محكمة وهذي كانت نصيحة صديق هناك وفي المحاكمة نزلوها له نسيت لكم ممكن 30000 بس خليته يتمرمط معاهم
يا خوفي سعود ولده بعد خبير مثل ولدي ونصحه النصيحة الاستراتيجية ذي
الاخوان ( ابا عبدالله + سالم )
جزاكم الله خير
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”