( كل جيل يترحم على الجيل اللي قبله )

[معماري قطري]

تعودت أقعد مع شباب انا أكبرهم وتعودت أقعد مع شياب انا أصغرهم

الشباب ضحك وفرفشة وما يقصرون في أي مساعدة ومفتحين وفاهمين أشياء كثيرة تخفي علينا

الشياب التزام وحكمة وأوقات سوالف بعد ضحك وعقار ومزيج من سوالفنا .. تختلف الشخصيات وتختلف الثقافات بس في الغالب الخير موجود ومب بس عندنا في كل بلاد

درست مع هنود في بيوتهم ومع فلسطينيين بعد في بيوتهم وعندي وعند ربعنا أيام الثانوية كان يجمعنا هدف النجاح وفي أمريكا مع هنود وكوريين وكلٍ له ثقافته وبعد يجمعنا العلم والإجتهاد .. الأصول الكوبية والأمريكية الجنوبية كان نظامهم صعب وكانوا ربعنا الخليجيين من قطريين وكويتيين وبحرينيين وإماراتيين وايد حولنا تقوقعنا معاهم أما في البدايات كنت أدخل جامعة مجتمع ما فيها ولا خليجي وكنت محتد على هذي العلاقات .. تعرفت على أفغاني هههههه نكتة كان يعرف يمكن نص بنات الكلية ويوم سمعته يتكلم عن اللعب وايد ابتعدت عنه خصوصاً بدأ يلمح إنه مروج مواد خطرة يشوفها عادية في ثقافته