صباح الأنوار إخوي أبو ماجد وجميع من يقرأ
فيه محاولة للتنظيم أشوف فيها نواقص كثيرة والله يعينهم وأقصد العقارات
المفروض يشوفون مصلحة البلاد طويلة المدى كملاك ومواطنين ومقيمين ما يركزون على قرارات سريعة وفي إتجاه واحد وفجائية
بينت الحاجة حق وحدات سكنية إضافية وكانوا يقدرون يصدرون تراخيص سهلة ومن زمان لتقسيم قانوني حتى البيوت الكبيرة ممكن تؤجر غرف فقط وبعدادات وشغل قانوني منظم هندسياً بحدود بعد معقولة ما يطلبون المستحيل من الملاك .. هذي جزئية تنقسم منها أمور كثيرة وخطط تشمل حتى تطوير البنية التحتية تطوير صح
القوانين التخطيطية لازم يطورونها للإستفادة من المباني والمساكن استفادة كاملة ومزدوجة تنفع صاحب العقار سواء بالتأجير أو بسكن أحد الأبناء بما يسمى نظام الشقق وزيادة الإرتفاعات .. وللعلم تأسيس بيوتنا يسمح والمواد تطورت كثير وممكن تدعيم الموجود بهيكل حديدي مقوي للنظام الإنشائي ليتحمل دورين أو ثلاثة فوق .. المواقف يجب توفيرها في المناطق السكنية والعملية سهلة إزالة الأرصفة وتوسيع الشوارع وتخطيطها بمواقف محددة
إطلعت على تخطيط منطقتنا الجديدة المكلف واللي بياخذ وقت وللأسف سيء للغاية وأتمنى تجيني شجاعة أحطه وأشرحه وأناقشه .. بعض مداخل البيوت قرب مجالس قائمة والمداخل بتكون ثابتة بتخطيط الخدمات مع الطرق وهذا شيء مزعج للجهات المختصة وللملاك في البداية .. وعدوني بتعديل اللي لي ويهمني لكن ملاحظاتي كثيرة .. دوارات كثيرة أنشئت للحوادث والزحمة وكانوا يقدرون يخططونها إشارات مثل معظم المناطق اللي أعادوا تخطيطها كالعزيزية .. عندنا بيت مؤجر حالياً روضة هناك ما حطوه في الإعتبار كلش وجدامه 3 مواقف طولية لا تفي بالعدد الموجود من باصات وسيارات الروضة بس .. عندنا مجلس عملوا له مواقف قار ألحين ملغية بالكامل ومعمولة طولية وقليلة .. قلت لهم يعجبكم منظر السيارات فوق الرصيف يعني؟ وكلمت المهندس المصمم وللأسف بعيد عن هذي الأمور
بيت ولدي على زاوية نبغي بابه جنوب عاملينه شرق وملاصق لباب جاره اللي هو من أهلنا بس ما فيه قرابة مباشرة والمواقف طولية على الباب مباشرة يعني حتى يطلع الواحد سيارته يطلعها بين سيارتين واقفين .. ما فيه أدنى تفكير هندسي صحيح