السلام عليكم ورحمة الله وبركاته،،
بغيت استفسر عن افضل الشركات للاستثمار واللي تتوقعون ان ممكن اسعارها تترفع في المستقبل
السلام عليكم ورحمة الله وبركاته،،
بغيت استفسر عن افضل الشركات للاستثمار واللي تتوقعون ان ممكن اسعارها تترفع في المستقبل
سبحان الله وبحمده سبحان الله العظيم
قارن شركات قوية ومعروفة مثل صناعات ووقود والميرة البنوك غريبة عندنا توزيعاتها شحيحة مهما يكون حتى لو نموها ارتفع 100% تمسك غالب الربح تبعثره على ناس ثانيين والمساهمين آخر همهم .. يقولون لهم عطناكم العام 17 درهم والسنة 18 حبوا يدكم مقلوبة
صناعات معروف نموها وتقدر تشوف الثلاث ارباع وشوف السنوات اللي قبل كورونا وحتى شوف اللي قبل الحصار وشوف سعر صناعات كم كان وكم ألحين
شوف هذا من موقع البورصة عن صناعات وتوزيعها لحدود 6 سنوات
التوزيعات النقدية 01/03/2021 0.33
التوزيعات النقدية 01/03/2020 0.4
التوزيعات النقدية 05/03/2019 0.6
التوزيعات النقدية 04/03/2018 0.5
التوزيعات النقدية 28/02/2017 0.4
التوزيعات النقدية 24/02/2016 0.5
آخر سنة كانت الأقل في التوزيعات السنوية وعارفين الأسباب .. مقارنتي لسنة 2019 وكم وزعت الشركة كنسبة من الربح المحقق كانت كالتالي
" حقق 0.93 ريال ربح خطير ومرشح يوصل 1.2 نهاية السنة بالراحة والعام محقق 0.19 وآخر 2019 حقق 0.43 وفي 2018 محقق 0.83 ريال ورقم الثلاث ارباع هذي السنة يفوق كل الارقام في ثلاث سنين راحت .. توزيعه في 2019 كان 0.4 ريال وبنسبة 93% "
نسبة توزيع السهم من الربح المحقق دوم عالية فوق ال 90% وهذا يخلي للسهم قيمة يرفعها النمو في الأرباح والمصداقية وأكيد متابعة الدولة ( سهم أكثره حكومي ) حقق لين الربع الثالث 93 درهم ومتوقع لو مشى على نفس المسار يوصل 120 درهم وإعلانه قريب أكيد ولو وزع نفس توزيعه في 2019 كنسبة بنحصل حول ريال وعشر دراهم وخلنا نقول حول ريال .. هذا ما لم تكون فيه مفاجأة نفس اللي صارت في الريان هبوط كبير في الربع الأخير لسبب ما نعرفه ولا بيعلنون عنه .. سعر السهم إغلاق أمس 16.78 وتحرك من حول ال 15 آخر الأيام وعادي لو أعلنوا توزيع 1 ريال نشوفه حول العشرين لأن 1 على 20 تعطينا 5% لكن عاد لو فيه مفاجأة خساير مثلاً في الربع الرابع عادي يتحول الحلم لكابوس.. بس هذي شركة قوية ومعتمدة على النفط وعلى التسويق والمبيعات وانا متفائل تفاؤل كبير
على نفس الوضع قيس كل سهم آخر
أسهم جيدة من حيث السعر المتدني وقابلية الإرتفاع والنمو فودافون وقامكو وكلها أرقامها ومقارناتها موجودة في موضوع المقارنة
http://www.qatarshares.com/vb/showth...%CA-2019/page2
الملاحة لمن اراد الراحة …
مؤسسة جبل ثعيلب العقارية
بيع - شراء - إيجار جميع العقارات
العنوان : مدينة خليفة شارع رقم 362 مبنى رقم 123 - مكتب رقم 18
انستقرام المؤسسة : https://www.instagram.com/GabalThailab/
رخصة وساطة عقارية رقم 16
للتواصل مع مندوبين المؤسسة
اسلام - 55602475 احمد - 66292362
حمدان - 77748067 محمد - 66569444
خالد - 77473395
ثقتكم هي هدفنا ..
انا باذكر تجربتي مع هذا السهم .. خذت فيه كمية متوسطة من زمان وبسعر فوق ال 8 ريال وتوني داخل الربحية وتركيزي على التوزيع أكثر بس يمكن حول 3 سنين والسهم خانقني تحت سعري .. كان من قبل فرصة ألحين الله أعلم كم يوصل .. توه معطيني 7% وشوي وانا مغامرتي في الصبر فيه مجبور عليها باشوف كم توزيعه إذا أحسن من ربحي السوقي أو أحسن من قبل وفيه نمو باصبر فيه غير وربحي السوقي أعلى إحتمال ابيعه
ووجهك أبيض .. تابع بعد أخبار كل سهم طلع لنا مقدام بتوزيع هو تقريباً الأفضل للآن 0.35 كاش و 40% أسهم مجانية .. لو بتقارنه بأسهم في سعره وسعر إغلاق اليوم قريب ال 8 ريال .. التجاري معلن توزيع 16 أو 17 درهم وبدون أسهم مجانية .. الدولي سعره حول ال 10 ريالات وتوزيعه 3.75 وبدون أسهم مجانية .. توزيع وقود 0.76 وسعره حول ال 19 .. أكثر من ضعف توزيع مقدام بس سعره 2.375 أكثر من سعر مقدام .. يعني تشتري 1000 سهم في وقود تشتري بدالها 2375 سهم في مقدام وبتاخذ فوقها كاش 0.35 = 831.25 وفوقها أسهم مجانية 950 سهم .. وفي وقود بس بتحصل 760 ريال من ال 1000 سهم .. سعر السهم وقت التوزيع صحيح بينزل بنسبة اللي تم توزيعه 40% بس على ما يجي وقت التوزيع السهم بيرتفع بإذن الله من الإقبال عليه للحصول على نسبة المجاني والكاش وبناء على تخصص الشركة ومجالها ونموها يقدر ب 12.11% ال 9 ريال بإذن الله تحصيل حاصل