اقتباس المشاركة الأصلية كتبت بواسطة سالم الزهران مشاهدة المشاركة
مساء الخير
احسبك يا اخت دانه والله حسيبك من اللي يحبون الايجابية ويبحثون عنها في أدق الامور، وهذا شيء جيد و الواقع متضارب من مكان لمكان، مثلاََ اذا كنا بالمجلس اكثر من ثمانية انفار نصلي بالمجلس لأن المسجد ما راح يتعدون خمسة و فيهم اللي جاي بسجادة خاصة يفرشها واللي حذاه ما يدوسون على طرفها متناسين وجوب التراص في الصلاة.. والأمام ما همه و لا ندري من وين طلعوه ومع انه امام مسجد الا انه فاتح في نفس الحي مقهى مااصخ لآخره..

اليوم لو المنكر يسوونه جدام المسجد محد بينكر ولا بيفكر الا اذا واحد فعلاََ موكل امره لله.

فبالمقارنة مع ما قبل كورونا.. وما قبل دعاوى الأرهاب.. ما كانت المساجد بهذه الصورة المزرية..

مسيدنا معلق على بابه ورقه باسم خلقة التحفيظ واسم المحفظ ورقم جواله.. لكن ما قط شفتهم.. الله يغفر لي شفت مصري وجدامه اثنين اطفال هنود اظنهم.. اذا كان هذاك هو.. فهي ذيج المرة اللي جفته.

الناس صادهم ارتباك.. والقلة اللي بيلتزم بالكتاب والسنة.. اما الاغلب فهم مع النظام.. اذا خفف قيود اللباس بيطلعون الناس بالمتيسر.. فالدولة ممكن تعبد الناس لله.. وممكن تحولهم لعباد للشهوات والله يجيرنا واياكم.
و أنا أظن فيك كل الخير حتى لو كنت ما اتفق مع وجهات نظرك تجاة النظام تبقى حريات مكفوله للجميع

أحيان و أحيان لكن أحسن الظن بالله و بأهلي و مجتمعي قد ما أقدر لين ما يظهر لي العكس من اي فرد او جهه رسميه

كون فيه مساجد ودور حلق القرآن على أرض الواقع و تحت علم النظام و أفراد من المجتمع ما يرتادها فهذا اختيار الفرد نفسه النظام ما يقدر يفرضها على الأفراد بالذات و إنها موجوده في مجال التعليم كمواد أساسيه و التعليم للجميع.
عاد اللي يبغى زيادة بالخير يسجل عياله بدور التحفيظ المنتشره بكل منطقه و حتى داخل الحرمين الشرفيين
الله يعزها و لا يعز عليها من بلاد و أهلها و الله يهدي الجميع.

و رغم وجود أمور ما نرضى و لا يعجبنا وجودها لكن أيضا الخيار فيها بيد الفرد إنه ما يدخلها و لا يسمح لعياله يدخلها.
و الله يهدي الجميع