صفحة 3 من 4 الأولىالأولى 1234 الأخيرةالأخيرة
النتائج 21 إلى 30 من 35

الموضوع: تنفيذ وتصميم فلل ذات طراز حديث

  1. #21
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة sara jsm مشاهدة المشاركة


    صح كلامك خاصه اكبر شركة اكبر نصابين ..
    اعلانات عالفاضي وقاصين على وايد ناس هههههههههه مااقدر اقول زيادة ( اخاف تخسس فيني وماتكفلني )

    :
    :

    عموما هو يختار تصميم مودرن ويشتري الخرايط وتالي يسحب عليهم
    وايد يا اختي يسوون تصميم منسوخ من مجلة والا موقع ويطورون عليه .. عملية شرعية وسهلة لكن الفرق في التفاصيل وضبط ميزانية البنيان والإشراف الدقيق وتوفير هيكل انشائي كافي للمبنى بدون زيادات في الحديد والخرسانات ما احتاجها وممكن تكون زيادة في موقع ونقص في مكان خطر .. أبسطها الكراكات اللي تستوي والدجل الهندسي باستخدام مواد سيئة والدفان داخل البيت وبين الخرسانات والبلاط برمل

    عندي مجلات أمريكية صحيح قديمة بس فيها تصاميم دارجة ويرسلون تفاصيلها وكم نسخة جاهزة للتنفيذ بمبلغ معقول أعتقد 50 دولار وفيه مواقع لهم وشغلهم رسمي .. آلاف التصاميم وبعضها يناسب لنا أو ممكن يتعدل حسب الحاجة عن طريق استشاري وحسب المواد المتوفرة .. ما تفرق كثير إذا هناك الحايط الخارجي 14 سم كمثال وعندنا 30 بعازل نبغيه .. حتى مقاس الغرف عندهم مناسب ولو نبغي نزيد شوي ممكن

    أذكر واحد مسوي له دكتور معماري تصميم نسخة بالضبط ومعدل على بعض الغرف حسب اختياره ومسوي مجسم من الفلين بخمسين ألف ريال في 2004 كان وقتها التصميم ب 5000 ريال وبس المعماري عليه ياخذ المخططات حق مكتب هندسي يخلص الباقي

    معليش الخدمات والشغل الهندسي المتميز يشتغلونه فريق من المختصين كل واحد له شغلته وتخصصه .. وحتى يعطونا تصميم مناسب لازم ندفع مبلغ مناسب لخبراتهم ولإشرافهم ولإدارتهم للمناقصة .. ما فيه شيء ببلاش واللي يقول لي ببلاش بياخذ كمشنات وبيكون المقاول شاريه بفلوسي وانا الخسران

    صراحة عملية المكاتب الاستشارية والمقاولات تحتاج ضبط قوي من الدولة شكثر جرايم ترتكب في حق المواطن والحكومة كذلك بسبب قلة الضبط وتكلمت كثير عن الضبط وكيفيته ومن هم على الكراسي يعرفون بس ما يبغون يدوشون راسهم

  2. #22
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    عدل كلامك بوعبدالله .. لكن الواحد شيقول !!
    الموضوع مايعم باذن الله..
    وفي مقاوليين عيال حلال تكون عيونهم عيون المالك
    تُنسى ، كأنَّكَ لم تَكُنْ ..

  3. #23
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة sara jsm مشاهدة المشاركة
    عدل كلامك بوعبدالله .. لكن الواحد شيقول !!
    الموضوع مايعم باذن الله..
    وفي مقاوليين عيال حلال تكون عيونهم عيون المالك
    حالات قليلة وكثر الغش والتجاوز والتقصير من القوانين وواجب الدولة في تنظيم العملية تنظيم صحيح وبصرامة

    هذا تصميم مودرن عن طريق مكتب تصميم داخلي .. صحيح تفادى أخطاء أو خلوا نقول قصور التصميم المعماري الأساسي وطور البيت بخطوط قلم وأفكار بسيطة .. كلنا نسويها واللي يتابع تعديل المخططات المعمارية بيشوف شيء مقارب




  4. #24
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    لو أي شخص حب البيت المعروض فوق أي رسام مب مهندس ممكن ينقله له ويطبق تفاصيله لو حب ويزيد عليه حسب احتياجه

  5. #25
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    لو بتسئلوني عن البيت اللي راح كم يكلف باقول بحدود القرض مليون و200000 كأقصى حد

  6. #26
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    عاد والله البيوت التقليديه فيها اُلفه اكثر من المودرن ..
    انا جذي احس .. دايما البيوت القديمة او الشعبيه ادفى من الحديث او التصميم المودرن ..
    تُنسى ، كأنَّكَ لم تَكُنْ ..

  7. #27
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة sara jsm مشاهدة المشاركة
    عاد والله البيوت التقليديه فيها اُلفه اكثر من المودرن ..
    انا جذي احس .. دايما البيوت القديمة او الشعبيه ادفى من الحديث او التصميم المودرن ..
    تقليدية مصطلح صعب في الوقت الحالي ممكن مودرن بنفحات تقليدية إيه وبتكون فيه أُلفة بعد .. الأُلفة اسلوب حياة واستخدام .. بيت جدي الله يغفر له كان تقليدي شكل حرف l والغرف كلها تطل على ليوان اسمنت والحمام تكرمون في زاوية في الطرف ومرتفع بعتبات طابوق

    بيت جدي الثاني كان بشكل مقارب بس فيه عين ماي وزرع وفيه الزوايا اللي يسمونها القمرية .. الأول كان ملاصق للسور وظهره في الطريق الخلفي ما كان وقتها شارع بالمعنى الحالي وكان مواجه غرب الظهر ووجه البيت وأكثر الدرايش الخشبية كانت شرق وفي الغرب درايش صغيرة للتهوئة وكانت عالية وايد والشرقية نازلة وايد

    الثاني كان شوي متوسط وراء البيت حوطة للحلال وجدام الزراعة .. كانت جدتي رحمة الله عليها تعتني بكل البيت وكان أصلاً بيتها صحيح بانيه خالي الكبير رحمه الله بعد وفاة جدي أعتقد في نهايات الخمسين أو بدايات الستين .. بيت خالي الكبير نفس تقريباً بيت جدي الأول ابو والدي وإحنا عشنا طفولتنا في بيت جدتي بس جدي رحمة الله عليه وخالي الكبير كانوا دائمي المرور علينا وخالي الصغير كان صديق مقرب للوالد يتعاونون في كل شيء .. مع إن جدي والد ابوي كان باني بيت من الأساس حق ابوي في طرف بيته وبيت ثاني حق عمي رحمة الله عليهم كلهم في الطرف الثاني لكن بيت ابوي ما انسكن الا بعد 27 سنة تأجر

    هذا التقليدي يا اختي بمعناه الأصلي .. البيت اللي انولد فيه الأمير الوالد موجود غربي الديوان القديم صوب شارع الكهربة وشارع الريان وتم ترميمه لحالته الأولية والظاهر فيه نية تحويله متحف صغير ما ادري بالضبط .. بس بعد ترميمه ترك وجاوا ناس تعبثوا فيه وشخبطوا على الجدران وكسروا

    البيوت الثلاث اللي ذكرتها كلها هدمت وبنيت مكانها بيوت حديثة الا بيت الوالد للحين باقي بس طلبت البلدية هدم جزء منه وطلبت صورة للسقف الخشبي القديم ارسل لي اللي ساكن فيه بس تمنيت يرسل صورة الجسر من الدنجل وأول مرة أشوفه بهذي الطريقة

  8. #28
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    ما ادري ليش الال طلعت آي بالانجليزي والمفروض ال كبيرة

  9. #29
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    شيء ثاني مهم نسيناه أو نتناساه وهو التطور في العلوم الهندسية وفي المواد

    قبل كانت مواد بسيطة ورخيصة ومحلية وحتى التطور فيها خذ فترة .. شفنا بيوت حصى وطين وشفنا حصى وطين وجص وشفنا الاسمنت يدخل عليها وشفنا الصبان يفرش ارضيات كثيرة وهذا صار منقرض حتى الجص .. الجص للي ما يعرفونه يستخرج من حجارة جيرية ومن مواقع محددة وقليلة في قطر تحرق هذي الحجارة وتطحن بطرق بدائية وتكون مادة بيضاء لاصقة قريبة من الجبس والاسمنت الأبيض

    للأسقف شفنا الدنجل وبعض الأخشاب المربعة الطويلة والقوية وشفنا الخوص وشفنا فوقه الطين والقش .. هذي كلها شبه معدومة حالياً وإن حصلت تكون غالية وتنفع لتطعيمات ولتجميل محدث بعيد كلش عن التقليدي

    من هشكل المودرن هو الطاغي

    الغالبية يشتكون من إن التصاميم ألحين تتشابه وهذا الحال كان قبل بس ما يمنع قبل كانت حالات شاذة ومباني انبنت يمكن مع بدايات الحداثة وكانت تحف معمارية وبقت فترة لين الناس بدت تبني شيء قريب منها .. قصر الشيخ حمد بن عبدالله رحمه الله اللي تحول لمتحف قطر الوطني قبل ليسوونه أطباق طائرة داخلة في بعض مثال .. قصور الريان وبعض المباني في القلاع وهي قديمة من أيام الانجليز ولا كانت لأهل قطر العاديين القدرة على البناء مثلها شيء بشيء تيسرت هذي الأُمور وعم الخير واستوى الكل يقدر يبني واستوى البناء الحديث هو الطاغي

  10. #30
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    قبل كان تركيز الناس على توجيه البيت وفتحات التهوئة والتدفئة وقت الشتاء بالجمر وكان البرد يدخل البيوت والحر صعب بدون تكييف .. ألحين عوازل وأنظمة تبريد راقية .. من فترة كنا عايشين على التكييف النافذة وكانت قطعة بليوت تسد الفتحات اللي يدخل منها الغبار حتى السيليكون ما له وجود .. ألحين اللي يشتكي من الغبار استوى يثير الضحك لأن الحلول موجودة وغالبنا يطبقها

صفحة 3 من 4 الأولىالأولى 1234 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •