تنفيذ وتصميم فلل ذات طراز حديث

[معماري قطري]

أحد الإخوان باني بيت بعد بطراز مغاير للموجود .. التصميم دارج بس المواد غير وكثر من الزجاج .. سوى سكايلايت هرمي يتوسط حديقة داخلية بس شكله ألغاها ما ادري ليش ولا وافقته على الالغاء وكان بيلغي المنور لأنه كبير .. سوى المصعد بانوراما في كل الإتجاهات مع إن الدرج حوله بس دريشة الدرج كبيرة تطل على الخارج .. بدال التكسية بالحجر اتجه للفوم بتداخل لونين بني وبيج فاتح وطلع وايد حلو وبقواطع مستقيمة مع شوية تشكيلات بسيطة حول الدرايش

أشوف بيته ناجح بإذن الله

بالنسبة للإرتفاع تأثيره في ميزانية البيت بسيط جداً والمقاول اللي يلف ويدور بسبب الإرتفاع يبغي ينهب وبس ولو يسويه المالك من البداية وبمناقصة بيحصل سعر جيد حتى أفضل من لو سواه قليل الإرتفاع

[بوNasser]

.............

بالنسبة للإرتفاع تأثيره في ميزانية البيت بسيط جداً والمقاول اللي يلف ويدور بسبب الإرتفاع يبغي ينهب وبس ولو يسويه المالك من البداية وبمناقصة بيحصل سعر جيد حتى أفضل من لو سواه قليل الإرتفاع

السلام عليكم ورحمة الله

ذكرتني اول ما بنيت البيت وفي مرحلة الخرايط اقترح على المهندس للتوفير في مساحة البنيان ان تكون الصالة في الطابق الارضي تقريبا مربعة 8×7 ونصغر الصالة العلوية بشكل مضلع ومن برع نغطي الزاوية المثلثة بالقرميد. ورسم لي صورة ثري دي الوان وخرابيط وكان الشكل حلو.

اللون الأسود يمثل الصالة الأرضية، والأحمر صالة الدور الأول



الحين كل ما اشوف المساحة اللي خسرتها في الصالة اللي فوق اتحسف اني سمعت نصيحته. التوفير ما كان يستاهل خسران المساحة هذي، لا توزيع الاثاث الجاهز يمشي (ولا وضع الكراسي على شكل L أو U يضبط).

تحياتي للجميع.

[معماري قطري]

السلام عليكم ورحمة الله

ذكرتني اول ما بنيت البيت وفي مرحلة الخرايط اقترح على المهندس للتوفير في مساحة البنيان ان تكون الصالة في الطابق الارضي تقريبا مربعة 8×7 ونصغر الصالة العلوية بشكل مضلع ومن برع نغطي الزاوية المثلثة بالقرميد. ورسم لي صورة ثري دي الوان وخرابيط وكان الشكل حلو.

اللون الأسود يمثل الصالة الأرضية، والأحمر صالة الدور الأول



الحين كل ما اشوف المساحة اللي خسرتها في الصالة اللي فوق اتحسف اني سمعت نصيحته. التوفير ما كان يستاهل خسران المساحة هذي، لا توزيع الاثاث الجاهز يمشي (ولا وضع الكراسي على شكل L أو U يضبط).

تحياتي للجميع.

دوم الواحد لازم يحط في إعتباره توزيع الأثاث لو ما ينفع شالفايدة؟

انا في تصميمي لبيتي إحترت بين الجلسة الدائرية النازلة في الصالة الأرضية وبين تكون مربعة .. مربعة أسهل عملها وتشطيبها والدائرية وايد أحلى بتطلع وفي النهاية هي صغيرة لعشر كراسي مفردين وهي الجلسة الوحيدة تحت غير المجلس .. أكيد حطيت الدرج اللي بينزل لأرضيتها وحطيت مكان التلفزيون وفكرت في أرضيتها شبتكون ويمكن أفضل خيار تكون سجاد سميك مع أندرلي أو حتى فروة لجدران الدائرة النازلة وأرضيتها .. اتصال الأطراف مع البلاط المرتفع حولها بيكون بفاصل معدني بس ممكن صعب احصله منحني بانحناء الدائرة .. بديل هو تكون الكراسي منجدة ومعمولة تفصيل للمكان هذا والظهر يكون بارز شوي يغطي نهايات البلاط المقصوصة دائرية .. هذي صورة من رسمة الثري دي بس الخطوط وايد وصعب تنفهم .. حطيت رسومات عادية في موضوع مراجعة المخططات المعمارية وألحين خلاص انهي التصميم حتى اوقع عقد مع الاستشاري بالشكل اللي ابيه وهو ينفذ بس باقي الخدمات والرخصة

[معماري قطري]

هذي أوضح فيه باب سلايدنغ قزاز بين الجلسة ومجرى الماء يمين وعلى اليمين حديقة داخلية بارتفاع كامل البيت وسقفها زجاج وبتكون مكيفة تكييف تلطيفي أقل شيء .. باكملها إن شاء الله ثري دي حتى تتضح الصورة



يسار مدخل الصالة وباب ينفتح على المجلس يعني امتداد بصري من أول دخول الواحد للبيت يوصل لنهاية الحديقة الممتدة على 12.1 متر كعمق و 7.3 متر كعرض من تحت بعدين تصغر شوي من فوق لإمتداد الغرف والصالة العلوية عليها

مجرى الماء بيكون مرتفع شوي ومتدرج في النزول لين الأخير ينزل في بركة صغيرة وينسحب للفلتر وللشلال اللي بيكون في آخر بعد الجدار الأخير على مسافة 12.1 متر + حول 6 متر عمق الصالة ولو بنعتبر من بداية فتح باب البيت بتكون المسافة حول 25 متر امتداد بصري بين أشجار ونباتات وماء

[معماري قطري]

في الصورة خليت كل الطبقات والتصوير مايل 45 درجة تقريباً تبين جدران على الدائرة وهي في الأساس في الدور العلوي وجاية جانبية

[sara jsm]

السلام عليكم يااخوان

صارلي فتره ادور شركه تنفذ فلل بتصميم مودرن وللاسف معظم الشركات تنفذ التصميم الكلاسيكي التقليدي وحاليا في توجه قوي على التصاميم المودرن واعتقد عدم وجود شح في المواد الاساسيه للتصاميم الحديثه في السوق القطري، افيدونا يااخوان اذا حد عنده خبره في هذا المجال

ودمتم بود

شوف هالشركة القطريه حصلتهم عالانستغرام ..
خذ استشاره مب خسران شي .. الله يوفقك .

[sara jsm]

هذا بعد تصاميمه مودرن ..

[sara jsm]

[معماري قطري]

لتغركم الدعايات شبكة وهالسوالف وهم في الحقيقة كم موظف شاب وخبراتهم الهندسية نص ونص

[sara jsm]

لتغركم الدعايات شبكة وهالسوالف وهم في الحقيقة كم موظف شاب وخبراتهم الهندسية نص ونص

صح كلامك خاصه اكبر شركة اكبر نصابين ..
اعلانات عالفاضي وقاصين على وايد ناس هههههههههه مااقدر اقول زيادة ( اخاف تخسس فيني وماتكفلني )

:
:

عموما هو يختار تصميم مودرن ويشتري الخرايط وتالي يسحب عليهم