رحلتنا الى اليونان أثينا وجزيرتين ميكونوس وسانتوريني

[معماري قطري]

متابع لك يابوعبدالله,,,,,,,,الله يعطيك الصحة

وإياك والجميع

كسل يا اخوي وانشغل في مواضيع ثانية وبإذن الله أواصل في أقرب وقت

[معماري قطري]

ما طبيت الحوض كلش





كنايسهم أكثر منهم وهذي دواعيسهم ضيقة وقديمة معمولة للمشي بس ومواقف السيارات بعيدة



هذي الحديقة الوحيدة اللي زرناها في أثينا إسمها ناشيونال غاردن .. بعد الحاح مني وكانت حول 5 دقايق شمالي فندقنا الأخير قراند حياة .. كان أحلى فندق بس شوي بعيد عن مركز المدينة وسعره معقول يمكن أرخص الفنادق كلها الباقية وحجزناه من هناك ونقلنا شناطنا اللي بنخليها له وسافرنا الجزر خفاف .. خدمته خدمة 3 نجوم في بعض الأُمور بس بنيانه ورقيه 5 نجوم وعيبه على شارع فيه شوية إزعاج

نرجع للحديقة ونستمتع بأشجار الواشنطينا الطوال .. عاد التكس نقلنا انا وبنتي وأُم عبدالله والبنت الثانية ينتظرونا آخر الممر .. وتوقعت التذمر ووين جايبنا من البداية الا قالت يالله نطلع نمل وحشرات وحر لكن قعدنا في قهوة جانبية وصج النمل شوي وياكلنا



كان الوقت قرب المغرب لو وصلنا بعد المغرب بشوي أحلى بس مشكلتهم يسكرون 9 والمغرب متأخر .. توقيتاتهم ما تصلح مع إنه صيف والظاهر ما يبون يولعون ليتات وإحتمال حتى ما فيه



من يشوف هيليكوبتر



مؤكد وقتها في الربيع







من فندقنا الأول الكترا بالاس في أثينا