وبصراحه حرام ففل كبيره وفخمه تكلف ملايين نشوهها بمكيفات سبلت او دكت سبلت كونسيلد ومانركب في ار اف او سنترال
وجهة نظر مقتنع فيها من بنيت بيتي ولا غيرت فكرتي لين اليوم وانصح الكل يفكر فيها ويطبقها اثناء عمل خرايط بيت العمر
وبصراحه حرام ففل كبيره وفخمه تكلف ملايين نشوهها بمكيفات سبلت او دكت سبلت كونسيلد ومانركب في ار اف او سنترال
وجهة نظر مقتنع فيها من بنيت بيتي ولا غيرت فكرتي لين اليوم وانصح الكل يفكر فيها ويطبقها اثناء عمل خرايط بيت العمر
علمتني الحياة ان لا اتعاطف او انحاز لأي احد حتى اسمع للطرف الآخر
نظام الفي ار في ممكن يكون سبلت أو أي نوع ثاني ما عدا الوندو غير عن البكج واحتمال تقدر تركب عليه بكج .. بس قد ما تقدر تخلي كل غرفة مفصولة بوحدة داخلية أفضل ممكن تضيف لها غرفة الملابس ودورة المياه أو تكتفي بالتهوئة حق دورة المياه .. وإنت تختار سبلت عادي والا دكت سبلت والا نظام المعلق في السقف والا الواقف على الأرض
بس كل البيت دكت سبلت مبالغة والا كل البيت بكج بعد مبالغة والمعاناة تبدأ من تستلم شغل شركات التبريد عندنا كشرة بكل ما تعنيه الكلمة .. واحد بيته جديد ومكلف جبس وايد غالي شغل المكيف أول الأيام يجربه سوى رطوبة وخرب الجبس وسوى مشكلة كبيرة يقول الأرض تتزلق عليها من الماي ولا يدري وين جاء وشركة التكييف ما يبون يعترفون بخطأهم
نشوهها عاد !!!
انا نصيحتي كل واحد يمد رجوله على قد لحافه ..
عندنا واحد من الاعضاء تبهدل بسبه المكيفات المركزيه ويمكن صارله 13 سنه في نفس الدوامه ..
البساطه مطلوبه .. عندك استطاعه ابدع في بيتك لكن ماعندك حاول تخلص لان العمر بيخلص والشخص للحين ماخلص بيته ..
نصيحتي بشكل عام مب لك اخوي ثامر ..
تُنسى ، كأنَّكَ لم تَكُنْ ..
صحيح كلامج اختي
اتكلم عن اللي تكلف في مجالس وصالات فخمه وديكورات وتصاميم داخليه ومايبي يتكلف في تكييف يتناسب مع مستوى الشغل
وترى الكويت والرياض وبوظبي من السبعينات والثمانينات يتعاملون مع المركزي
ومره ثانيه اتكلم عن فلل مثل مستوى فللنا وان كانت فلل اهل قطر لايعلى عليها في الفخامه والمساحه
علمتني الحياة ان لا اتعاطف او انحاز لأي احد حتى اسمع للطرف الآخر
يا ليت اللي يشتغلون في المركزي وحتى الدكت سبلت على قد المسؤولية ويسوون شغل زين كان خسارة الواحد في محلها .. الدول الثانية فيها تنظيم وقوانين تطلع حق العميل عندنا الشركات والجهات المسؤولة عنها تطلع عيون المواطن بس لكن العملاء الثانيين غير لين اشتكوا شكوتهم مسموعة
هذا القصد من الطرح والنقاش هو تنبيه الناس وبنفس الوقت الشكوى حتى يتحركون المسؤولين عن هذي الشغلة صح .. وما يتحركون الا إذا جاهم أمر من كبار المسؤولين .. ما يصير بلادنا متأخرة هندسياً وفي القوانين اللي تخدم هذي المهنة وفيها جامعات كبيرة ما تساهم وكبار المسؤولين مهندسين وما يركزون في اصلاح القوانين
كثيرين منهم عندهم شركات خاصة وكثيرين يسعون كبار المقاولين لإرضاءهم .. غيرهم يحط رجل على رجل ويستلم بيته بدون تعب وبدون مشقة وبدون حتى يدفع