يااخي سولهم كفر او مظله المنيوم منها حمايه ومنها يعيش لك عمر ..
يااخي سولهم كفر او مظله المنيوم منها حمايه ومنها يعيش لك عمر ..
تُنسى ، كأنَّكَ لم تَكُنْ ..
ولك أجمل تحية
العازل ذيه ضعيف وإحتمال العازل ما يسوي شيء لأن الحرارة تكون قوية وتنتقل بالتدريج لين تتساوى حرارة المياه في البايبات مع حرارة الجو
لو عندك دكتات جانبية مسكرة معناها الحرارة تجيك من البايبات من فوق وتقدر تجرب حل سهل أما تشتري قطع خيش اللي تستعمل للبناء وتغطسها في ماي مع جبس وتلف البايبات بها بس بسمك جيد وتعطيك عزل زين أو تشوف الفوم اللي يجي جاهز ينفتح ويغطي البيبات .. إحتمال لو ما نفعت هذي الطريقة تحتاج حق تدوير للمياه بس للقطعة اللي فوق وهذا بيكون حل مضمون وسهل كلها وصلة وتدوير من آخر البايب للتانكي بس مهم تحط صمام الإتجاه الواحد يخلي المياه تدور باتجاه واحد ما ترجع في نفس الإتجاه .. بتزيد شوي البايبات عندك فوق ولو عندك دكتات تقدر تفتحها تقدر تسوي التدوير لين قرب مدخل البايب لدورة المياه تدوير مع عزل البيبات ضروري بيعطيك ماي بارد سرعة وما اعتقد بيكلفك ونفس الوقت الصخان يشتغل ويعطيك ماي صاخن لو احتجت
فيه خيش يجي جاهز معاه مثل الشمع عازل قوي بس شغلته مزعجة خصوصاً لو بتسوي عليه بلاستر يبقع شوي لو البلاستر مب سميك وانا استخدمته ولا لي نية أكرر الجبس وايد أفضل وأكيد بيكون أرخص
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
اخوي معماري
جزاك الله خير، انا كنت اظن ان التدوير لازم يوصل لين مدخل دورات المياه، اما انه يكون فوق السطح بس فهذي فكرة سهلة التنفيذ.
بالنسبة للخيش نعم، اخبر ركبت مكيفات متسوبيشي سبليت ولفو بيبات الغاز بالعازل وبعدها بالخيش معا اسمنت ابيض او جبس ما اذكر.
بس الحين كلهم يستخدمون تيب اسود او ابيض وخلاص.
الخيش ذيه خفيف لو بتسويه تقدر تتحكم في شكثر تلف على البايب وتزيد الجبس فيه يستوي سميك .. الجبس عازل لإنتقال الحريق حتى ورخيص تاخذ لك يمكن كيسين يكفونك وأي حد حتى السايق ممكن يسويه باشرافك أو إنت والعيال لو لكم في الشغل اليدوي
التظليل بيخفف الحرارة المباشرة على البايبات بعد بس الحل الفعال هو السيركيوليشن مع العزل الجيد هذا مؤكد بيكون مرضي 100% أو ممكن 95%
وجزاك الله بالمثل ولا تنسانا علمنا شصار معاك
يستوي بس لو بايباتك في دكت بسهولة بتقدر توصل التدوير للمدخل وبتوفر نص دقيقة يجيك الماي حار ولو في الحائط مثل حالتي ومغطاة ببلاستر بسيط التدوير بينفعك فوق أقل شيء تكون البايبات باردة وبتختصر الدقيقتين ماي حار لتحت النص دقيقة