انت من مشجعي الرخام القدامى والقصور طلعت قبل البورسلان غالبيتها .. ألحين من خلال متابعتي للمنازل التي ترتقي لدرجة قصور كثير يستخدمون البورسلان ويقولونها صراحة .. هذي المواد الحديثة والمصنعة بجودة رحمة من رب العالمين حتى الحجر الصناعي كثير منه فيه تحكم في القوة والمتانة والشكل المتجانس الواحد
أكيد أوقات التصميم يحكمك لو تبغي شيء طبيعي وتبين فيه العروق والشوائب وما تحتاج لمعة ممكن الرخام يكون أفضل وفيه نوعيات حتى مع القدم تبقى قيمتها فيها وتزيد بسبب ندرتها وشكلها
هي إتجاهات وتقدر تركب سلابات كبيرة بورسلان مثل ما سمعت لين مترين ونص في 3 ونص وحتى تحط فواصل ستانلس ستيل ذهبية أو فضية أو كروم .. وأكيد التركيب الجيد يبين وهو الأهم
توني تعاقدت مع شركه بالصناعيه اشوف اسعارهم افضل شي حصلته بالسوق موالا وايت ابيض تركي سلابات للمصعد وبعد الحمامات موالا وايت تركي مقاس 60/30. الارضيات 60/60 والتركيب بعد من عنده مع الدرج داخلي وخارجي ولو تبغي شي يعطيك نفس الرخام روح كافود اشوف اسعارهم موب غاليه نفس ماسمعت قبل عندهم بورسلان اسباني باسعار اشوفها عاديه بالنسبه للي شفته بمحلات سارع سلوي هو افضل وارخص وتندمت اني مارحت له لان اكثر التعليقات انه غالي لاكن اشوفه افضل شي وسعر معقول
حط في بالك ان الرخام يبي له عناية كل كذا سنه ..
وهالمادة بالذات نفس الاسفنجة تشرب السوايل اذا طاحت القهوة ولا غرشه العطر اشلون بترقع ..
فاذا لك بارض ومتاكد انك بتحافظ عليه عدل .. شوف محل الامانه .. والمتحدة ..
واذا بتسمع نصايح الشباب فاكيد راح تتوفق .. لان احنا مانتكلم الا من تجربه
والله يسهل لك ..
تُنسى ، كأنَّكَ لم تَكُنْ ..
اناتعاقدت مع الامانه في الرخام والبرسلان والهدر والزايد حطوه لي في البيت واستخدمته في اماكن متفرقه