السؤال المعتاد
للمساحات الكبيرة والمداخل
شاركونا تجاربكم الرخام أو بورسلين
ولو رخام
اي نوع أفضل ؟ والاسعار ؟ والمصانع او المحلات الافضل في قطر
السؤال المعتاد
للمساحات الكبيرة والمداخل
شاركونا تجاربكم الرخام أو بورسلين
ولو رخام
اي نوع أفضل ؟ والاسعار ؟ والمصانع او المحلات الافضل في قطر
لو تركب زين البورسلان خصوصاً ألحين القطع الكبيرة والأشكال الرخامية وايد أحسن ولا يتغير .. نصيحة مري على العمودي الفرع الجديد قرب مدماك وهناك شوفي المركب عندهم وشوفي مديرهم راواني قطعة الحديد اللي فيها ربلات شفط القطع ذي حتى يسهل حملها من عدة أشخاص وتركيبها .. مديرهم أحمد مصري وقديم أذكره من فوق 20 سنة
وفيه في باقي المحلات ويعرفون من يركب زين ولا تتعاملين الا مع مقاول وشرط يستلم القطع ويفحصها وينقلها ويركبها على مسؤوليته وأي قطع تتكسر عليه يوفرها
انا مجرب الرخام رويال بيج عماني انتاج ايطاليا هم يفرزونه ويعيدون تصديره كان سعره 350 في 2004 يبهت ويحتاج كحت كل فترة وحماية .. البورسلان محمي ووايد أرخص بس انتبهي للمواصفات ما يكون فيه تقوس واشترطي هذا الشيء .. جربت هندي آخر شيء بسعر 35 ريال للمتر حلو وشكل غرانيتي وطبعة متغيرة كأنه طبيعي بس فيه تقوس بسيط للحوائط طلع حلو وركبته زيرو جوينت شوفيه في مراجعة المخططات لو تحبين ومقاسه 60 في 60
للمداخل اللي تتعرض لعوامل الجو المختلفه بالنسبه لي افضل شي الجرانيت مايتغير ابد ..
اما الصالات والاماكن المغلقه فالافضل بالنسبه لي البورسلان .. رغم ان الرخام افخم واشيك ..
:
الاسعار تختلف حسب نوع القطعه صيني ولا ايطالي ولا عماني ... الخ
لازم الواحد يروح ويشوف بعينه ..
:
مصنع الرخام الذهبي عندهم تشكيله خياليه من الرخام
الدهليز وكافود والعمودي والمتحدة وبورسالينا عندهم بورسلان متنوع وجودة عاليه وهم عندهم رخام ..
المحلات كثيرة وكل واحد حسب ذوقه وقدرته ..
وبالتوفيق يارب ..
تُنسى ، كأنَّكَ لم تَكُنْ ..
عندي بالبيت الدرج الداخلي فقط رخام (عماني ) صار له سنتين وكمن شهر في اماكن صار فيها نفس الحفر الصغيره جدا ولون الدرج صار باهت جدآ . ولو يرجع الزمان كان بركب بورسلان .
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
الرخام ناخذه على اساس اللمعه والشكل . حاليا البورسلان يجي نفس الرخام بمقاسات كبيره تصل الى 120 سم ولمعه مدى الحياه بدون جلي ولا محلبي وقوي جدآ وميزته صناعي مايشرب السوائل بعكس الرخام .
اضم صوتي لمعماري قطري
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”