السلام عليكم جميعاً
نبحث عن بيت للبيع ولكن فلوسنا غير جاهزه حالياً
ربطنا وديعة مدتها 5 سنوات وموعد فكها شهر 8/2021 يعني باقي 8 اشهر، وفي حالة كسر الوديعة قبل موعدها عليها غرامات غير معقوله!!
والسكن الحالي إيجار وضاق علينا.
فكرنا في هذا الحل:- اذا فيه بيت للبيع نستأجرة بشرط بعد 8 أشهر نشتريه وندفع له قيمته أو ندفع جزء ونعطيه شيك بالباقي يحل بتاريخ شهر 8
اللي عنده من الملاك او المتسببين يتواصل معنا و شكراً لكم
" قطــــرية أو قطري" <<< يعني كنز يمشي على الأرض !!
الله يوفقك وتحصل البيت
ولو فيه بيوت تنطرح بللايجار المنتهي بالتملك كان حل كثير من المشاكل
وانطرح موضوع في الحوار العام لكن مافيه نتيجه
الله يوفقك وتحصل الي تبيه
بعض الناس أفواههم اكبر من عقولهم
يتحدثون وكأنهُم حُكماء ولكن للأسف جهله
أطفال غير ملومين فالننظُر إليهم كأننا نشاهد
الطفل عندما يقول " لعبوني وإلا بخرب "
كفى بالمرء كذباً أن يحدّث بكل ما سمع .
جزاك الله الخيرالمشاركة الأصلية كتبت بواسطة qatari911
وشكراً على المداخلة
قلت يمكن نحصل على اساس المدة قصيره حول 8 اشهر
الله كريم
وشكراً مره أحرى
" قطــــرية أو قطري" <<< يعني كنز يمشي على الأرض !!
اخوي قطري
سالفه شراء عقار مش معقده كثير فقط تحتاج تدبير و بحث عن افضل الطرق
قريب لي توه متزوج و راح اجر فيلا ب 12 الف
قلت لابوه ليش ما شراها بدل ما يأجر سبع و ثمان سنوات لين يبني بيت الاسكان
قال ما عنده كفايه
قلت له المليونين سلفه قسطها 38 الف شهري على خمس سنوات بس وهو عنده ار اي يدفعون له 12 الف بتسد عنه جزء من القسط و الباقي من راتبه 26 الف يدفعها
هذا اذا ما عنده مقدم اصلا
قال وين بيحصل فيلا بهالسعر قريب من بيت ابوه
فلت له خلاص يشتري ارض بمنطقه قريبه منا ب مليون و 400 الف و يبنيها خلال عشر شهور ب 700 الف جديده
بتطلع له مليونين و 100 الف
قريبي قال ما فكرت فيها هالشكل ليتك قلت لي من قبل لا يوقع. عقد الايجار
انا عطيتك السالفه كمثال ان ممكن شاب توه متوظف يشتري فيلا حتى لو بمساعده ابوه بمبلغ مش كبير يمكن 200 او 300 الف كمقدم وهو راتبه 40 الف
لكن اذا اي شاب ما يبي يضغط على نفسه بالمصاريف خمس سنوات و يبي رنج او لكزس و يكشخ. اكيد ما بيقدر يرتب اموره لفكره عقار
نفس السالفه صارت لواحد من عيالنا
قبل 9 سنوات تزوج و اشتغل براتب 49 الف و زوجته راتبها عالي ايضا و قلت له في بيت ارضي فرب بيت ابوك اشتره بمليون و 800 على شارعين بعد
قال لا ما ابي اضغط على نفسي. و راح شرى موتر الماني
اضطر يأجر فيلا ب 13 الف عشان قريبه من بيت ابوه
توه ساكن بيت الاسكان من شهرين او ثلاثه
و ذكرته. قلت له لو شاري البيت الارضي كان وفرت على نفسك 9 سنوات ايجار و من كم شهر كان معروض و قيمته مليونين و 800 الف يعني زادت مليون اضافي
الايجارات الي دفعها وصلت مليون و 400 الف صافي
يا ليت توضح اخوي
تقصد ينتهي بالتملك للقطري ولا لغير القطري
كلا الحالتين ممكن ولا اخالف اخونا قطري بالتعليق لكن ممكن التملك للفيلا سواء قطري او لا
توجد 18 منطقه بقطر للتملك للوافد سواء ارض او عماره او فيلا
و القطري طبعا بأي مكان يقدر
اقدر افيدك بمعلومات و بنخليها هنا على العام عشان الكل يستفيد ان شاء الله
اذا قطري فأنصح بشراء ارض و بنائها و توفير فارق السعر مش اقل من 500 الف بين الجاهزه و الي تبنيها و تستفيد من خيارات التصاميم بحسب حاجتك بعكس الجاهزه الي ممكن ما توفر لك عدد الغرف او المساحات او الحوش الخ
بنحتاج معلومات عن المبلغ المتوفر و المنطقه و مساحه الارض المطلوبه و امكانيه دخول البنك بالتمويل عند الحاجه
بالتوفيق
نورنا الله ينور عليك وشلون الطريقه
وخلها على العام مثل ماقلت
جزاك الله خير
بعض الناس أفواههم اكبر من عقولهم
يتحدثون وكأنهُم حُكماء ولكن للأسف جهله
أطفال غير ملومين فالننظُر إليهم كأننا نشاهد
الطفل عندما يقول " لعبوني وإلا بخرب "
كفى بالمرء كذباً أن يحدّث بكل ما سمع .
قواك الله بوعبدالله
سوال على نفس السياق
من ضمن القانون تملك الوافدين
يستطيع الوافد شراء فيلا في مجمع سكني او محل في مول
ماشفت حد يبيع فيلا في مجمعات سكنيه ،لا محل في مول
هل القانون مفعل او مافي عرض اساس من الملاك
السوال لك و لاصحاب المكاتب العقاريه
في محلات معروضة للبيع في لوسيل ومسيمير وغيرها
فلل المجمعات لازم يسو لها فرز أول شيء، فاعتقد بعض الملاك مالهم خلق يسوون هالامور فيبيع المجمع بكبره أو يأجره بكبره
لحين ما شفت حد يبيع وحدة سكنية في مجمع سكني
بالنسبة للبناء لغير القطريين، في مناطق (تملك حر) في لوسيل واللؤلؤة وهالمناطق، هذي يقدر الاجنبي سواء كان شخص أو شركة انه يشتري عقار كامل أو أرض ويبني عليها
أما مناطق (حق الانتفاع) لا، مجرد عقد انتفاع 99 سنة، في مناطق مثل السد والمنصورة ونجمة وام غويلينه، ما يقدر يبني ولا يتملك عقار كامل ويهدمه ويعيد بناءه مثلاً
السلام عليك ابو عبدالله
الله يبارك فيك وينفع بك خلقه...أمين
نعتذر على التأخير لظروف صحية
ابو عبدالله الموضوع واضح ... حابين نشتري بيت للعائله الان وفي اقرب فرصه ... لكن فلوسنا محجوزه في البنك، وسوف تفك في شهر 8 القادم
ولا نبغي ننتقل من مكان إيجار الى إيجار الى ملك في خلال سنه بتكون متعبه
فكرنا في حل اذا حد يبيع علينا بيته ويستلم فلوسه شهر 8 وخلال هذه الفتره ندفع له إيجار (لاضرر ولا ضرار)
نعم قطري والمبلغ حول 4 مليون والمناطق من زغوه وحواليها
وشكرا لك على المعلومات القيمة التي طرحتها
" قطــــرية أو قطري" <<< يعني كنز يمشي على الأرض !!
اتوقع بتحصلون و بسأل لك الي حولي اذا متوفر شي
عطنا كم المساحه المطلوبه و عدد الغرف و هالامور الي تبيها و عمر الفيلا الخ
ضوابط المشاركة
رد مع اقتباس