الخل لي فترة استعمله مع السلطة بس تقريباً قفشة وحدة كبيرة ونفعني نوعاً ما في ضبط السكر وفي تقليل النشويات والإعتماد على السلطة ولاحظت كلام الدكتور صحيح تغير واضح في مواقع الدهون ونقص فيها
مريت بتجربة صعبة متكررة هذي يمكن ثالث مرة وهي تسريب دم في شبكية العين .. هالمرة كانت زيادة بدت معاي أول ما تخرجت بسبب شوية عصبية ارتفع السكر وصار التسريب ووقف اعتقد بدون تدخل وهذا من زمان بداية 1994 تقريباً .. ثاني مرة وقمت أشوف سواد كبير في العين اليسرى والصورة كانت مكسورة ومفصولة كان في تركيا ورجعت سويت 4 جلسات ليزر وحدة لليمنى وثلاث في اليسرى سنة 2016 يمكن .. ألحين قمت الصبح من أيام نازل السكر نزول قوي وكلت شوية تمر وموز وما ادري وشو بعد حتى ارفعه وما ارتفع بسهولة بس رجعت نمت يوم قعدت فوق ال 300 وكان ارتفاعه عمودي وسريع حسب الجهاز وبديت أشوف بقع مزعجة تغطي الرؤية
طلعت ثاني يوم قلت بامر عرس شوي وباروح لطبيب أعرفه ممكن يدخلني بين المواعيد .. بس من سقت السيارة شفت الليتات اللي مقابلتني خصوصاً السيارات حمر كأنهم دم قلت لا سيدة للمركز الصحي ورحت والحمد لله دخلني الطبيب وفحصني وقال ما لك الا الابرة وبسرعة وحولني على مستشفى حمد وثاني يوم رحت وكان موعدي المعتاد معاهم للفحص الدوري شهر 10 بس بعد ما قصروا فحصوا عيني مرة ثانية وعطوني موعد للإبرة اليوم .. رحت وكنت خايف خصوصاً اللي عطاني الموعد ما يتكلم عربي ولا شرح لي شرح كامل بس كان زين ومجربه قبل في الليزر .. بس طلعت إجراءاتهم سهلة وسريعة والإبرة ما حسيت بها والحمد لله شوية إحساس غريب بس العين وايد أحسن
اللي حاب أنبه عليه لمرضى السكر الهدم المستمر للشعيرات الدموية الصغيرة صعب يعوض للعين وللكلى وللأطراف وضروري الواحد ياخذ مساعدات مثل فيتامين بي المركب ومثل إنه يحاول يحد من ارتفاعات السكر الكبيرة والمفاجئة + ضرورة الفحص الطبي للعين كل ست شهور أقل شيء أو 3 شهور حسب حالته وحسب تقدير الطبيب المتابع
والله يشفيكم وما تشوفون مكروه
انا استعمل خل التفاح يومياً مع السلطة مع شوية ليمون وأشوفه زين صحيح يقلل الشهية حق بغية عناصر الغداء وخصوصاً النشويات وأوقات ينزل السكر بس وازنت كمية بسيطة واستفدت كثير
التعديل الأخير تم بواسطة معماري قطري ; 04-07-2022 الساعة 11:31 PM
مؤكد فيتامين ب المركب يومياً حبة ضروري للجميع .. كنت أحس بألم أسفل الظهر ومن بديت آخذه خف كثير وتقريباً إختفى
مقارنة جيدة فاز فيها الرز البسمتي الأبيض والبرغل والخبز الأسمر مع نصائح مهمة لتقليل نسبة النشويات في الرز