كم تتوقع يكون التخصيص في ناقلات الغاز .....؟؟؟
كم تتوقع يكون التخصيص في ناقلات الغاز .....؟؟؟
السلام عليكم :-
لايهم الا اذا كان النقد المستخدم لديك كبير
في احسن الاحوال بعد تدخل المحكمة في شرط ولي الامر للقاصر + صرف شيك بيع السهم للمستفيد الاول اعتقد ان هذه الاجرأت المفيدة فعلا سوف تحد من استهتار البعض في تلاعب لحساب الغير على المصلحة العامة التي ترعاها الدولة للمواطن وعلى هذا النحو سوف نرى فعلاً تراجع في استخدام الرقم الشخصي للمواطن ومن هنا أعتقد أن التخصيص سوف يكون بين حد ( 1500 الى 3000 سهم )
اما بعد ذلك يعتمد على نسبة الاكتتاب من فئة صغار المستثمرين - والتي تم توضيحها في عدة مناسبات في الاعلان عن شركة الناقلات .
اما انا اعتقد اذا تم السيطرة على المتلاعبين في بيع الرقم الشخصي للمواطن فاني اعتقد ان فئة صغار المستثمرين سوف تكون بين 50 الى 70 % المئة من نسبة للمكتتبين
هذا ما ارى والله اعلم
السلام عليكم
اشكرك اخوي Jkf لتجاوبك .... وان شاء الله تكون النسبة ما بين 1500 - 3000 سهم
وشكرا
السلام عليكم .
انا ما أقول الا الله يستر ... شكلنا بنروح فيها من هالهوامير الي تاكل الأولي والتالي .... حبايبي .. المشكلة في سقف الإكتتاب ... يعني .. القانون حدد الحد الأدنى للإكتتاب هو 500 سهم والحد الأعلى هو 2300000 سهم ( مليونين وثلاثمائة الف سهم ) يعني .. كل ما زادوا عدد الهوامير .. زاد الفائض وتدبل راس المال اكثر واكثر .. الا في حال تدخل سمو الأمير بالموضوع مثل ما حصل بالشركات الي راحت وحدد ان من حق المواطن بعدد اسهم معينه .. مثل الصناعات الي هو تم تحديد 3000 سهم لكل مكتتب ... بس النقطه الحلوه هي ان الشركات ما بتدخل في الإكتتاب .. والنقطة الأحلى ان الأجانب بيدخلون السوق بعد طرح هذي الأسهم واتوقع ان هالأسهم اول ما تطرح بالسوق بتوصل 50 ريال .. وباقي الأسهم الموجوده بالسوق بتشب نار ... يعني .. الي عنده اسهم بالوقت الحالي ما ينصح انه يفرط بأي سهم منها
ولكم سلامي
السلام عليكم ...
إذا ماكانت هناك مكرمة أميرية ... والله أعلم راح تكون بين الـ 1000 والـ 1200 ....
وتسلم على الموضوع ...
تحياتي لك
يقولون ان يمكن يزيدون راس المال ان شاء اللهالمشاركة الأصلية كتبت بواسطة XP.Qatar
والله حتى أنا سمعت هذا الكلام !! وبشكل مستمر ...
عموما جايز وبشكل كبير خصوصا أن أستثمارات الشركة راح تبلغ 76 مليار دولار ! .. حسب مصدر إداري من الشركة ....
تحياتي
انا اكثر اللي اعرفهم حطو في كل بطاقة حول عشر تالاف سهم هذا اول شي
ثاني شي النسبه والتناسب ... شلون راح يستفيدون منها صغار المستثمرين يعني اللي خطله في بطاقته عشر تالاف سهم بيستفيد اكثر من اللي حطله مليونين ريال ؟ المفروض تحدد ان سقف الاكتتاب مية الف مثلا اذا كانت النيه يستفيدون منها صغار المستثمرين
شكرا اخواني على تجاوبكم مع الموضوع ...... وانا واتوقع مـــــــن 1500 - 2000 والله اعلم
السلام عليكم ورحمه الله وبركاته
اشكر القائمين على هذا المنتدى الرائـــــع ونشــاء الله كل الفايده للكل ونستفيد من أراء
أهل الخبره بالاسهم بكافــــة قطاعهــا..
وبعدين :d تر ى هناك مكرمه اميريه لصغار المستثمرين ونشاء الله وقولو يارب
يجنبونــاا النسبه ...
وانا اتوقـــع بين حدود 2000 الى 4000 وهذا توقعي حاليأ :d لكن بعد العيد
فيه اشيـاء وايد راح تبين والله يستر
وتقبلوو تحياتي