مطلوب مهندس او استشاري او مدير مشروع بالساعات

[معماري قطري]

شخص ثاني ما حط اشراف نهائياً وعذره إن الشركة لبن عمه والمهندس بعد مصري وبتاع كله حتى مفاعل نووي مستعد يبنيه ويعرف مواصفاته والحياة سهلة .. صراحة انا اشك في إن المهندس من الأساس مهندس متخصص ودارس هندسة وناقشته في بديهيات هندسية يعارضني فيها ببص احنا نعملها كدا طول عمرنا .. المهم بدوا شغل صيانة عظمى لبيت تمت ازالة البلاط وعمل عوازل له وتبليط جديد وشغل كهرباء ومياه جديد وحمامات غير بالكامل وابواب وحجر وبلاستر وصبغ .. بس بقى الهيكل والطابوق

بعد كل هذا الشغل قام يشتكي المالك من روائح في الحمامات والمياه ما تتصرف بعد أساسيات الصرف الصحي ما عرفها المهندز بتاع كله وأكيد بتطلع أُمور كثيرة مع استمرار السكن في البيت وفوق هذا كلفه كثير

[بـومحمد]

كلامك سليم اخوي معماري في مكاتب توقع من المكتب بناء على تقرير المقاول طاح فيهم واحد من الجماعه الله المستعان بس انا اعتراضي على بعض المكاتب انه الاسعار مبالغه فيها بالنسبه للاشراف على فيلا لو قصر او برج بنقول معقوله بس فيلا بمبلغ اربع الاف وست الاف شهري يعني انا شوفه وايد

[معماري قطري]

كلامك سليم اخوي معماري في مكاتب توقع من المكتب بناء على تقرير المقاول طاح فيهم واحد من الجماعه الله المستعان بس انا اعتراضي على بعض المكاتب انه الاسعار مبالغه فيها بالنسبه للاشراف على فيلا لو قصر او برج بنقول معقوله بس فيلا بمبلغ اربع الاف وست الاف شهري يعني انا شوفه وايد

المكتب اللي بيحدد لك اختصاصه في الاشراف وعدد الزيارات المتوقعة شهرياً أو اسبوعياً وتخصصات المهندسين وخبراتهم ووشي حدود شغله هذا توكل على الله ووقع معاه

فيه كذلك آلية الشغل وقبل كان بالفاكس المراسلات حتى تكون رسمية .. ألحين ممكن تعتمد الايميل والايميل لازم رسمي للشركة اللي بتنفذ وكذلك رسمي للاستشاري لكن للمالك عادي وأي مراسلات تكون عن طريق الايميل ومنها نسخة للمالك .. الأُمور تسهلت كثير وتقدر تطلب تضمين الايميل فيديوهات وحتى لو طويلة يقبلها الايميل على عكس الوتس أب حده دقيقة أو حسب جودة الفلم .. أما تدفع فلوس والمقاول يخيط ويبيط هنا المشكلة .. كذا حتى لو انت مسافر تتطمن إن شغلك ماشي صح

تصدق الأُمور سهلة بس هم يحبون يلفون ويدورون ويخلون المالك ضايع .. حتى جهات الدولة المختصة بسهولة تقدر تضبط العملية بقوانين رادعة واتوقع وزير البلدية الحالي وهو جار لي شوي بعيد .. ممكن يسوي شيء بهذا الخصوص .. يعني اي مالك يقدر يوقع شيكات الدفعات وعقد الاستشاري والمقاول ويسافر ويرجع يحصل بيته جاهز مثل ما صممه ويتابعه عن بعد .. المقاول والاستشاري المفروض مع العقد موضحين كل شيء حتى عينات المواد وموقعة ومحطوطة مرجع للمالك

للأسف المستفيدين وايد والمتكيسلين وايد والا هذا هو القانون في دول كثيرة

واحد بغى يبني بيت في ألمانيا يقول التوقيع والعقد كله عن طريق محامي بناء عنده طاقم مختصين من كل فروع الهندسة والبناء عندهم مدته ست شهور بالكثير

[بـومحمد]

ياليت البلديه تشيك على الخرايط انشائي ومعماري قبل اصدار الرخص هي تشيك على الابعاد والارتدادت الشي الي فيه غرامه او مخالفه
الخبر الجديد الله يسلمكم انه الي بيبني عن طريق بنك التنميه الفتره الجايه بيتوفر عندهم 12 مخطط فيلا مجاناً تقدر تختار اي نموذج وتبنيه بدون ماتدفع فلوس للتصميم والمكتب الي قام بالتصميم مكتب محرم بخوم ï؟½ï؟½ï؟½ï؟½

[معماري قطري]

ياليت البلديه تشيك على الخرايط انشائي ومعماري قبل اصدار الرخص هي تشيك على الابعاد والارتدادت الشي الي فيه غرامه او مخالفه
الخبر الجديد الله يسلمكم انه الي بيبني عن طريق بنك التنميه الفتره الجايه بيتوفر عندهم 12 مخطط فيلا مجاناً تقدر تختار اي نموذج وتبنيه بدون ماتدفع فلوس للتصميم والمكتب الي قام بالتصميم مكتب محرم بخوم ï؟½ï؟½ï؟½ï؟½

مكتب محترم وعريق يمتد لجيلين على الأقل وعالمي له فروع في كم دولة أكيد بيصمم زين والتعديلات الديكورية والبسيطة ممكنة وسهل الاتفاق عليها حتى ما تحتاج رخصة

بس اتمنى أي بنك بيمول بناء يكون عنده طاقم اشراف عام وادارة مشروع .. الاشراف العام ممكن يمر عشوائي في أي وقت ولو حصل تجاوز من الاستشاري المشرف أو المقاول يكتب تقريره وتكون فيه آلية محاسبة .. غصب في هالحالة الاستشاري بيلتزم وحتى المقاول

أمس رحت مستشفى حمد ووقفت في الطوابق المتعددة وكان المطر قوي وينزل مثل الشلال من الطابق الخامس أو السطح للطابق الأول اللي وقفت فيه .. يعني المطر يخترق كم طابق .. هذا دليل خطأ تصميمي فادح وهو اعتمادهم على الربر اللي في الفاصل الانشائي وهو طويل يقسم المبنى لجزئين وهذا فوق بعض يعني من يضعف يبدأ يصب الماي من فوق وينزل من سقف لسقف ويؤذي العالم وفوق هذا يؤذي الخرسانات ويكسرها بالتدريج

الحل سهل عمل صيانة جيدة فوق حتى الماي ما يتسرب أو تظليل للسيارات اللي فوق بغطاء معدني ما يسرب الماي لبقية الأسقف بس نخلي الوضع على ما هو عليه لو كان .. أعرف تفصيل تصميمي للسقف الأخير يتضمن عمل أبيام جنب بعض مرتفعة عن السقف ووحدة عليها برنيطة خرسانية مايلة حتى تصرف المياه ولا تدخل للفاصل وهذا أكيد صعب هنا لأنهم يبون السيارات فوق السطح وحلها بعمل مظلة بسيطة تفك الناس والمبنى المكلف من الماء ومشاكله

[سعود.]

اتفق معك في النقطتين

[مطلع]

يعطيكم العافية