تفاصيل طرح أسهم قطر لصناعة الألومنيوم .. الاثنين

[مضارب دوسري]

نكبونا وقعدوا بصراحه التاجيل فيه ضرر
وضرر كبير

ماشوف فيه هالضرر اللي تقول عنه ياخوي

ترى كله على بعضه تاجيل 3 ايام عمل


مرت على السوق شركات تاجلت بالشهووووور


وسبب التاجيل معروف للجميع ومن فووووق ايضا

بان يجب تيسير امووور الجميع بالتساوي ومن ثم الادراج
وذكرت من يومين هالشي ان ما يمديهم يسيطرون على الوضع ف شركات الوساطه خلال يومين وصار التاجيل للتيسير على الناس واعطاء فرص متساويه لجميع المكتتبين

[مضارب دوسري]

كم وصل سعر السهم

في السوق السوداء

حد عنده خبر

اذا لقيتوا شراي

قولوا له في واحد بياع وجاهز


انتوا من صجكم تتكلمون الا سوق سودا الا مادري ايش

شي استغرب منه بصراحه يا اخوان

[بوجبر]

البعض عايش ع أطلال الماضي

اللي عنده شراي انا راح ابيع 20 ريال للسهم الواحد وراح اراعية في السعر

[معماري قطري]

بانسبة لي


سعر فوق 30 بيع

سعر رخيص متفرج

بس بين أمس واليوم غيرت رايك

[معماري قطري]

البعض عايش ع أطلال الماضي

اللي عنده شراي انا راح ابيع 20 ريال للسهم الواحد وراح اراعية في السعر

عني انا بايع بايع حتى لو بفرق ريال ربح كله يعتمد على سعر الإدراج وأكيد باستثمر فيه بكمية مناسبة بعدين

[مضارب دوسري]

يبقى ان ادراجها قبل اليوم الوطني يعطي انطباع جيد وانه ممكن نشوفه باسعار فوق 20 وربما يسويها ويصل 30

واتمنى يفتتح بسعر 11 ريال عشان الناس تتوب من عرض بسعر السوق وف نفس الوقت نزيد فيه


اما السعر المستحق اساسيا وماليا فهو يتراوح بين 14_16 ريال حسب البيانات المعلنه للنصف الاول 2018

واستغرب ان الشركه ما اعلنت عن نتايج الربع الثالث لحد الان !!!


وايضا اتوقع بيوزعون ارباح عن العام 2018

[مضارب دوسري]

شركة هيدرو النرويجية هي الشريك الرئيسي لمصنع الالمنيوم قطر ...Qatalum

الشركة لديها استثمارات كبيرة في هذا المجال يمكن الرجوع مواقعهم والبحث عن ايراداتها و ارباحها

الان مايتكلم به الاخوان عن سعر المستحق للشركة الجديدة قامكو

اتوقع لن يختلف عن اسعار الالمنيوم عالميا وبالتالي يهمنا معرفة سعر شركة هيدرو نورسك النرويجية

للعلم المؤشر في بورصة اوسلو و الشركة لديها سهم مدرجة في بعض الدول الاوربية

السعر ب الكارون النرويجي

واحد كارون يعادل 0.43 ريال قطري

سعر السهم حول 18 ريال قطري




الان هل يفتح السهم على هذا السعر /اكثر /اقل.....هذا يعتمد على العرض والطلب لان المحافظ تعتمد الشراء لاخذ اكبر خصة من الاسهم وليس السعر

ما لفت انتباهي هو هبوط ايرادات الشركة لكن لازال الربح محافظ على قيمته بالنسبة للارباح لكن مايهم ايضا العائد على السهم .....كم ؟!

بالنسبة لمستقبل الشركة باذن الله سيكون ايجابي بسبب توسع العالمي لقطاع الالمنيوم




الله اعلم

بالنسبه لي اهم مشاركه فالموضوع من اخوي عتيج

وسعر الشركه فالبورصه النرويجيه حاليا ما يعادل 17.3 ريال

يعني باختصار المكتتب يملك شركه تستحق سعريا 17.3 ريال

فلا داعي لوضع اسعار اقل من هذا السعر والمجال ايضا في اول يوم كل هامور يحب يمتلك نسبه كبيره بيكون نصيبه وافر في اول يوم ادراح
ما يعني ممكن اذا كان فيه هوامير تتسابق ممكن نشوفه يصل للى منتصف العشرينيات
كسعر مرضي للشاري وغير بعيد عن الاسعار المستحقه للشركه اساسيا وماليا

الان نبي نقوله خلال اخر عام كم كان سعر سهم نورسك هيدرو في البورصه النرويجيه كرقم معادل بالريال؟
كان السعر بين 16.9_27.2 ريال
وصل سعر السهم فالبورصه النرويجيه الى 27 في بداية 2018
واصبح بعدها يترنح بين ما يعادل 23.7_22.6 ريال
وهو الان عن ادنى مستوياته منذ يناير 2017 وبسعر يعادل 17.3 اليوم
ما يعني ان كان منذ 2017 فوق هذي الاسعار الحاليه وحقق قمته في يناير 2018

وفي الشارت الثاني من مشاركة اخوي عتيج تبين حجم الطلب على الالمنيوم في السنوات القادمه وكيف انه وكان شبه معدوم او الطلب عليه قليل فالسنوات السابقه

[مضارب دوسري]

في حاجه مهمه جدا
واعتقد تفتح الباب للتسريبات الاسبوع القادم

مادري اذكرها ولا اسوي عمري ما اشوف !

[..عاشق قطر..]

في حاجه مهمه جدا
واعتقد تفتح الباب للتسريبات الاسبوع القادم

مادري اذكرها ولا اسوي عمري ما اشوف !

قول قول هههههه

[مضارب دوسري]

قول قول هههههه

هههههه استغربت بصراحه فتح الباب للعرض والطلب لسهم قامكو منذ يوم الاحد 9_12
ليش ؟
هذا الامر سيفتح الباب للتسريبات عن حجم العرض والطلب
كان فالسابق يفتح الباب لوضع طلب الشراء او البيع قبل الادراج بيومين مما يعطي خصوصيه وسريه اكثر
اما فتح قبل موعد الادراج باسبوع يفتح الباب
لاشاعات وصلني من مصدر موثوق ان معظم المكتتبين يعرضون بسعر كذا ومعظم طالبي الشراء يطلبونه بسعر هكذا

ممكن ما يكون هناك تسريب ولكني اعتبرها فتح باب للاشاعات وكل واحد يقول مصدري موثوق ومن هالكلام