من بعد إذن الادارة حطيت هالاستفسار على العام ليحظى بفرصة اكبر للمشاركة
في وحدة من الأخوات ارملة و عندها بيت تأجره و لكن لها رغبة انها تأجر البيت على الإسكان لانه لا يخفى عنكم المشاكل التي تواجهها من المستأجرين من شيكات بدون رصيد او تاخير بالدفع ....
الرجاء لمن لديه معلومات او نصيحة لا يبخل عليها
و كان الله في عون العبد مادام العبد في عون أخيه .
لازم حد يشرح حاجتها لرئيس قسم الاسكان الحكومي ويطلعون لجنة ويأجرونه بإذن الله وهم ما يقصرون
والله ذكرتني عندنا بيت يصلح مدرسة أو روضة والأفضل بعد امر عليهم ما فيه أفضل من الاسكان
الامر بغايه البساطه تودي صوره من سند الملكيه مع نسخه اتمام البناء مع نسخه من بطاقتها الشخصيه وترسلها مع اي احد في نموذج هناك تعبيه وترفق هالنسخ وتكتب اعلى قيمه ايجاريه في الدوحه يعطون اعلى شي 15000
وتخلي جميع الاوراق عندهم هم بدورهم يعرضونها على المستحقين للسكن الحكومي ار ايه مثلا ناس طالبين في الغرافه وبيتك في الغرافه اي حد يبي ف الغرافه يرسلونه لك يتصل لك عجبه البيت وخلاص اتفقت معاه يطلع واحد من اللجنه يعاين البيت عندهم اجتماع اسبوعي يقدرون القيمه الايجاريه للبيت طبعا كل ماكان قديم تنزل القيمه يالمكيفات بدوون ملاحق يدون المساحه كلها داشه في التقييم مثلا قيموه ب14 الف يكلمونك والله بيتك بناخذه ب14 وافقت وقعو وياك عقد لمده 5 سنوات وعطوك كل 6 شهور مقدم افرض مثلا المستاجر بعد كم شهر طلع حصل بيت احسن او ماعجبه غير رايه او لاي سبب كان طلع عادي يطلع بس عقدك مع الاسكان ماينلغى يستمر 5 سنوات هم الي يجبون مستاجر بديل انت مالك شغل عليك تستلم ايجار البيت لمده 5 سنوات ونصيحه الايجار الي بيعطونك اياه لاتردد توكل ع الله واجر
معماري ذكرتني بواحد من الربع عنده فلتين الله كتب هالشارع يصير كله عيادات وروض اطفال وغيرها من هالانشطه التجاريه ماجر البتين ع الاسكان الحكومي كل بيت ب12 الف يعني المجموع 24 الف للفلتين يقول جميع الفلل الي جنبي اقل ايجار للفيلا 20 الف وتوصل 30 الف والفلل الي عندي جدد وتشطيب سوبر لوكس وواجهه حجر يعني افضل فلتين في الشارع واحلاهم يقول يوميا عند الاسكان ابي اطلعهم ماقدرت عقدهم مدبس وياهم 5 سنين،،، يعني مب شرط الاسكان افضل اذا تصلح مدرسه نصيحتي خلصها مع المدرسه اقل شي ايجارها دبل الاسكانالمشاركة الأصلية كتبت بواسطة معماري قطري
ما قصرت بالنصيحة نشوف شيصير البيت جديد وما انسكن وحوشه واسع وعلى شارع واسع ونتمنى نحصل جهة مضمونة وجيدة
ما قصرت بالنصيحة
ضوابط المشاركة
رد مع اقتباس
