شلون العقار الحين ؟

[بـن عدوان]

اذا للسكن اشتر


للاستثمار انطر شوي لاتشتري الحين

[بـن عدوان]

اذا للسكن اشتر


للاستثمار انطر شوي لاتشتري الحين

[Qtr37]

للاسثمار والتأجير الحين ما يسوى
لان الاجارات نازلة ولين ترجع راس المال يبي لك وقت

[ابو عبدالله.]

الان البنوك الاسلاميه في افضل عروض التمويل وبعد رمضان بترجع للمعدل الطبيعي وبعد كم شهر كل البنوك بترفع الفائده مع رفع الفدرالي الامريكي للفائده مرتين خلال 2018 و السنه الجايه بترفع اكثر

يعني اذا اسعار العقار ضلت كما هي سيكون التمويل اكثر مع فائده اكبر

الحين النسبه بين 5و6% بعدين بترتفع لين 7 و 8 خلال عام من الان

هذا مش كلامي. هذا معدل رفع الفائده من المركزي كان نازل و رفع لين 6 ونص % بحد اقصى حاليا
كل رفع بربع نقطه يعني هالسنه مرتين ربع و ربع. فبتوصل 7 ونص

السنه الجايه بعد بترتفع

التعليق للفائده فقط

[technical]

بسم الله الرحمن الرحيم ، العقار يعتمد على التوظيف وعلى الشراء من السوق. زاد عدد السكان مئة الف لسنة 2017 مقارنة بسنة 2016 تخت ضروف الحصار الجائر.
أتمنى ان تستمر السياسة الإعلامية لدينا داخليا و خارجيا بنفس الوتيرة كوّن مستوى الثقة لدينا عالي جدا. والسلام.

[ابو عبدالله.]

تأجير العقار له فنه وبالامكان رفع الايجار بحسب المستأجر. شركه او مطابخ الخ

يقولون بيوت الدفنه الشعبيه المعاد بنائها ما تجيب 20 الف وفي ناس مأجره ب 22 الف و مركبه مكياف ع حسابها بعد

فلل الوكير ب 16 الف. مع ان غيرها يتأجر ب 10 و 11

فلل الخيسه خلفها الشارع الرئيسي و صغيره يراشونه ب 22 الف حق شركه كوفي شوب يسوون كيك الخ. وبيركبون مكيفات ع حسابهم بعدوغيرهم يبونه ب 20 الف لصالون

فلل روضه الحمامه 1150 متر تقريبا عرضوا فيها 14 مليون ما باع تشطيب روعه ما كلفته 8 مليون

ووحده 1300 رخام كامل و حجر كامل بيشطبها قريب ولا تقل عن 15 مليون

كل شي له سوقه و مشترينه. مش بس الفلل الصغيره عشان نزل الايجار شوي يعني ما في سوق و بيع

في فئات معينه لها حاجه و تدفع

والي خايف يأجر ع شركات يقدر يحدد شروط العقد و يطلب ان تعود الفيلا لحالتها الجديده ولا يدفع ريال للصيانه بعد خروج المستأجر

ولولا ارتباطي ببيت الاسكان كان شريت عقار او ارض ع الاقل السوق فيه تخوف و اسعار منخفضه نسبيا لبعض العقارات ومجال التفاوض مفتوح

هذا رأيي الشخصي طبعا

[ملك المشاعر]

الاستثمار بالعقار ما أنصح فيه بالوقت الحالي
الايجارات ماتتناسب مع سعر العقار حاليا

وهناك فلل معروضة من سنة وللحين على العرض لتمسك ملاكها بالسعر والنزول تدريجي وبطئ

[بوجبر]

للي ساكن بالايجار الأفضل لك ان تشتري لان الحيتان الأجانب قادمون بعد السماح لهم باتملك

عن نفسي لن أبيع ولن أفرط في العقار....أبيع ذهب اسهم سيارات لكن عقار انسو أبيع

[بريق الحق]

للي ساكن بالايجار الأفضل لك ان تشتري لان الحيتان الأجانب قادمون بعد السماح لهم باتملك

عن نفسي لن أبيع ولن أفرط في العقار....أبيع ذهب اسهم سيارات لكن عقار انسو أبيع

منطقة الخليج غير مستقرة الأجنبي بروح لندن أفضل له

[بوجبر]

منطقة الخليج غير مستقرة الأجنبي بروح لندن أفضل له

الدول الأوربية فيها ضرائب تقطع الظهر!!!


الأجانب الحيتان هم اللي ماسكين التجارة وهم يبون العقار للسكن احسن من يدفع ايجار