التخييم لعدة ساعات في نص الأسبوع

[(عبدالله)]

السلام عليكم

هل مسموح انصب خيمة لعدة ساعات من العصر الليل عقب اشيلها؟

ودي اطلع مع شباب في نص الأسبوع عند بحر ديانا على يمين مدخل اللؤلؤة

ممكن حد يفيد او يدلنا كيف ووين استفسر بشكل محدد؟

[بومحمد المطاوعه]

وعليكم السلام ورحمة الله وبركاته
محد يكلمك ولا يقولك شي

اهم من هذا كله
المحافظه على البيئه

ورحله سعيده ان شاء الله

[بوخالد911]

اللي أعرفه
مسموح بالويك اند فقط

اتصل على 998
البيئة

[عاشق العديد]

مسموح تحط خيمه رحاله لمدة 3 أيام ..

ومسموح لك كبينه كذالك عادي .. لو من غير تصريح لك ثلاث أيام .. عادي .. وتقدر تزيد عن ثلاث أيام بس اهم شي تغير المموقع ..

[(عبدالله)]

:: بومحمد المطاوعة ::

:: بوخالد 911 ::

عاشق العديد ::


بيض الله وجيهكم .. وانا فعلاً اتصلت في البيئة وقالوا ما عندك أي مشكلة

وانصحوني اشوف مكان ثاني غير منزل السكوترات اللي عند اللؤلؤة يكون اسلم

جزاكم الله خير

[بومحمد المطاوعه]

:: بومحمد المطاوعة ::

:: بوخالد 911 ::

عاشق العديد ::


بيض الله وجيهكم .. وانا فعلاً اتصلت في البيئة وقالوا ما عندك أي مشكلة

وانصحوني اشوف مكان ثاني غير منزل السكوترات اللي عند اللؤلؤة يكون اسلم

جزاكم الله خير

ويجزاك خيرر
ووجهك ابيض
حاضرين لك اخوي


للعلم هناك مافي منزل سكوترات

ولكن المكان مب حلو
انصحك تروح صوب دخان او الشمال

وانجوووووي

[بوحارب]

مسموح اخوي

ولكن خبرك عتيج السيف اللي قبل اللؤلؤة سكروه والظاهر بيتسوي فيه معرض تجاري

امس كنت رايح هناك واشوف كباين على شكل اكشاك ومكان الدخول مسكر

[(عبدالله)]

:: بومحمد المطاوعة ::

صدقت برع الدوحة احلى.. بس الربع يبغون مكان قريب حول الدوحة
فالخيار يا الوكرة أو شنال


:: بوحارب::
أي والله اتعج من العتج نفسه بشوف خيارات ثانية

[(عبدالله)]

للعلم

جاني رد رسمي على تويتر من حساب وزارة البلدية والبيئة:


"يرجى العلم بأنه يسمح بالتخييم المؤقت خلال عطلة نهاية الأسبوع فقط"

[بوخالد911]

للعلم

جاني رد رسمي على تويتر من حساب وزارة البلدية والبيئة:


"يرجى العلم بأنه يسمح بالتخييم المؤقت خلال عطلة نهاية الأسبوع فقط"

يعني نفس كلامي.