المناعي

[كنغ المضاربة]

القيمة السوقية لاتعني ان شركة س تفوقت على ص بالشهرة والمبيعات
‏يمكن انت تفتح مطعم يكلفك 10 مليون كقيمة ولكن مبيعاتك تكون اقل من مطعم شاورما مكلف 30 الف
هذا السهم كان بيوم من الايام ضعف سعره اليوم باربع مرات فرصة والله اعلم الي مبلغة صغير وحاب يحقق ربح طيب في ايام قليلة السهم عنده اعلان نتايج اخر الشهر
ومن يملك فيه السهم تقريبا بقاع تاريخي بفرق 0.40 درهم يعني ماعليك خوف ابد باذن الله بعد اكثر من هالقاع
وجهه نظر والله العالم وليست دعوة للشراء او البيع للمتابعة الاسبوع القادم باذن الله

[رمــــــاح]

القيمة السوقية لاتعني ان شركة س تفوقت على ص بالشهرة والمبيعات
‏يمكن انت تفتح مطعم يكلفك 10 مليون كقيمة ولكن مبيعاتك تكون اقل من مطعم شاورما مكلف 30 الف
هذا السهم كان بيوم من الايام ضعف سعره اليوم باربع مرات فرصة والله اعلم الي مبلغة صغير وحاب يحقق ربح طيب في ايام قليلة السهم عنده اعلان نتايج اخر الشهر
ومن يملك فيه السهم تقريبا بقاع تاريخي بفرق 0.40 درهم يعني ماعليك خوف ابد باذن الله بعد اكثر من هالقاع
وجهه نظر والله العالم وليست دعوة للشراء او البيع للمتابعة الاسبوع القادم باذن الله

هل تعلم ان الشركه محققه صافي خسارة بمبلغ 21 مليون ريال في الربع الأول

[كنغ المضاربة]

هل تعلم ان الشركه محققه صافي خسارة بمبلغ 21 مليون ريال في الربع الأول

هلا اخوي الغالي رماح هل تعلم انها كانت تنافس سعر صناعات قطر وسهم وقود في يوم من الأيام بالسوق من حيث التوزيعات والعائد بخصوص الخسارة كلنا نعرف انها بسبب ظروف كرونا طيب هل تعلم ان وقود اعلن عن صافي خسارة لهذا الربع 278 مليون تقريبا والوطني مايقارب مليار ريال وبروة صافي خسارتها للربع الأول 237 مليون والعائد انخفض الى 0.05 وسعرها امس بالسوق بين 3.33 و 3.32 كل الي ذكرتهم خسارتهم بمئات الملاين لو تلاحظ بموقع المجموعة بان اقرب سهم لأدنى سعر ل 52 أسبوع لن تجد سهم اقرب من سهم المناعي له بينما العموم اعلن خسائر ومعظمهم ارتفاع اقل شيء بين 30% الى 50% ومعظمهم رجع الى قريب من اعلى 52 اسبوع

[ALZAAR]

مهلًا عزيزي كنج المضاربه.
على رسلك.

وقود وقطر الوطني في 6 اشهر وبروه في الربع الاول جميع هذه الشركات حققت صافي ربح وليس صافي خساره.

[كنغ المضاربة]

مهلًا عزيزي كنج المضاربه.
على رسلك.

وقود وقطر الوطني في 6 اشهر وبروه في الربع الاول جميع هذه الشركات حققت صافي ربح وليس صافي خساره.

صحيح كلامك اخوي alzaarانا قصدت الفرق بين الربح والخسارة وهذا المعلن بروة وصناعات الى الان ما علنوا الفرق الغالي بمئات الملاين بين الربح والخسارة
المناعي شركة صغيره وعدد أسهمها قليل جدا وطرحت لك كمثال فوق بان القيمة السوقية لا تعني ان شركة س تفوقت على ص بالشهرة والمبيعات
‏يمكن انت تفتح مطعم يكلفك 10 مليون كقيمة ولكن مبيعاتك تكون اقل من مطعم شاورما مكلف 30 الف
قيس على هالمثال الي بالاعلى لو العكس بالخسارة
انا في هذه الحالة يهمني القيمة الدفترية للسهم لو اعلنت خساير او ولاقدر الله وسكرت او حدث ماحدث او خرجت من السوق بسبب اي ظرف او استحوذت عليها شركة كبيرة
القيمة الدفترية في المناعي 5.636 اما في صناعات 5.292
يعني بالمختصر يعطوني قيمته الدفترية وبيض الله وجيهم ياخذون سهمهم وفوقه حبه خشم بعد القيمة الدفترية تعلن مع كل ربع تقريبا وهو شي معلن بكل المواقع منها موقع ارقام رقم رسمي
صارت في شركة الفحص الفني كانت تعلن خسائر وكان راس مالها بعد صغير بالسوق واذكر وقتها كانت على المحك عند اعلان نتايج لها بربع من ارباع السنه أتوقع اضطرت انه تسمح لشركة وقود تستحوذ عليها ووقتها تم تعويض ملاك السهم بالقيمة الدفترية بغض النظر عن سعر السهم وقتها كم كان يتداول بالسوق
لا تستبعد في حالة اعلان بعد خساير تتدخل ادارة السوق هاذي فلوس مساهمين والسهم ادرج بسعر فوق ال 10 ريال بعد التجزئه ووصل 12 ريال كم خسارته من اشتراء على هذه الأسعار مقارنة بسعر اليوم بالسوق
حدث ذلك في سهم قطر للتامين ورجعوه الى قريب القيمة الدفترية واضطرت وقتها الشركة لشراء أسهمها لرفع قيمه السهم سوقيا ليتناسب مع الدفترية
وجهه نظر والله العالم

[معماري قطري]

هلا اخوي الغالي رماح هل تعلم انها كانت تنافس سعر صناعات قطر وسهم وقود في يوم من الأيام بالسوق من حيث التوزيعات والعائد بخصوص الخسارة كلنا نعرف انها بسبب ظروف كرونا طيب هل تعلم ان وقود اعلن عن صافي خسارة لهذا الربع 278 مليون تقريبا والوطني مايقارب مليار ريال وبروة صافي خسارتها للربع الأول 237 مليون والعائد انخفض الى 0.05 وسعرها امس بالسوق بين 3.33 و 3.32 كل الي ذكرتهم خسارتهم بمئات الملاين لو تلاحظ بموقع المجموعة بان اقرب سهم لأدنى سعر ل 52 أسبوع لن تجد سهم اقرب من سهم المناعي له بينما العموم اعلن خسائر ومعظمهم ارتفاع اقل شيء بين 30% الى 50% ومعظمهم رجع الى قريب من اعلى 52 اسبوع

الإجارة كنا نقول خلاص بتوقف وما بتسقط أكثر وكانت تغوص في رمال الخسائر وعلى هذا القياس شركات كثيرة وأتوقع لإستثمار تتجه لخسائر كبيرة وتنزل مع إني للأسف خذت فيها

اللي يفشل الشركات مجالس ادارتهم وشوف شكثر تتغير وبعضهم بعيدين عن الخبرة الإدارية لشركات بهالحجم وللأسف رؤوس أموال كثيرة وقيمة سوقية مبالغ فيها قبل رجعت تتآكل .. ببساطة شركة تحقق نتائج ايجابية هذي عادي ترتفع وشركة بنت الدولة والدولة تدعمها هذي بترتفع .. الشركات العائلية وشركات الشلل هذي مغامرات ممكن تصيب وممكن تخيب واستثمارياً ماصينها أسيادها ومخلين لنا الخسائر

انا مستثمر في السوق من زمان ولا ابالغ لو قلت من الطفولة والوالد الله يرحمه يشتري أسهم اكتتاب وعندي بعضها للحين وزدت عليها .. فوق هذا عارف اللعبات الادارية شلون تتم وعقود هذي الشركات مع شركات صغيرة منتقاة ومحسوبة على مجالس ادارتها ولو ما ركزت الجهات الرقابية على هذي الأُمور الغني بيستمر يزيد غناه والمستثمر ما له الا ياخذ الربح السوقي ويشرد في أقرب وقت

[مضارب دوسري]

اعلان خساير
تكون للشركات اللي حققت نتايج تحت الصفر

اما تحقيق ارباح ولكن اقل من العام الماضي تسمى تراجع ارباح

[كنغ المضاربة]

اعلان خساير
تكون للشركات اللي حققت نتايج تحت الصفر

اما تحقيق ارباح ولكن اقل من العام الماضي تسمى تراجع ارباح

هلا بالغالي والله اخوي مضارب دوسري راجعت الموضوع قبل لقيت لك مجهود كبير فيه وطيب ربي يعطيك الف عافية

[كنغ المضاربة]

الإجارة كنا نقول خلاص بتوقف وما بتسقط أكثر وكانت تغوص في رمال الخسائر وعلى هذا القياس شركات كثيرة وأتوقع لإستثمار تتجه لخسائر كبيرة وتنزل مع إني للأسف خذت فيها

اللي يفشل الشركات مجالس ادارتهم وشوف شكثر تتغير وبعضهم بعيدين عن الخبرة الإدارية لشركات بهالحجم وللأسف رؤوس أموال كثيرة وقيمة سوقية مبالغ فيها قبل رجعت تتآكل .. ببساطة شركة تحقق نتائج ايجابية هذي عادي ترتفع وشركة بنت الدولة والدولة تدعمها هذي بترتفع .. الشركات العائلية وشركات الشلل هذي مغامرات ممكن تصيب وممكن تخيب واستثمارياً ماصينها أسيادها ومخلين لنا الخسائر

انا مستثمر في السوق من زمان ولا ابالغ لو قلت من الطفولة والوالد الله يرحمه يشتري أسهم اكتتاب وعندي بعضها للحين وزدت عليها .. فوق هذا عارف اللعبات الادارية شلون تتم وعقود هذي الشركات مع شركات صغيرة منتقاة ومحسوبة على مجالس ادارتها ولو ما ركزت الجهات الرقابية على هذي الأُمور الغني بيستمر يزيد غناه والمستثمر ما له الا ياخذ الربح السوقي ويشرد في أقرب وقت

هلا بالغالي اخوي بوعبدالله المقارنة بين سهمين كل واحد بقطاع مختلف ظلم لسهمين الاجارة ماعندي فكرة للامانة كم راس مالها بضبط وهل هو كبير ام صغير مقارنة باسهم القطاع نفسة اما القيمة الدفترية فهو موجود بكل المواقع تقريبا 1.38 واليوم سعرها قريب منه جدا بفرق كم ريال المناعي راس مالها صغير والقصد ان في حاله الاستمرار بالخساير دون تدخل ادارة السوق وهذا ما اتوقعه مع الاعلان القادم المستثمر راح يفقد الثقه بالسهم وبمعظم الشركات الموجودة بالسوق انا اتكلم عن سهم الى سعر تداول امس خسر اكثر من قيمتة 70% السوقية والنصف من الدفترية هل بتثق في اي ادراجات لشركات عائليه او شركات جديدة بالسوق وانت تشاهد مآساءه المناعي بدون اي تدخل من ادارة السوق اتوقع انك حتي اسهمك الاخرى راح تفقد الثقه فيها انا هنا اتكلم اساسيا شفنا في الماضي بما انك من المحاربين القداماء الفحص الفني او الاولي للتمويل ولحقت عليهم بالسوق اما الاحداث الجديدة لك بقطر للتامين لو تركت بدون اي تدخل كانت الان تتداول باقل من ريال
فيه مستويات واسعار لسهم يعتبر السهم فيها خسارة حتي علي المؤسسين نفسهم تتوقع من ادرج اسهمه بذيك الاسعار وكان يبيع ويشتري عليها بيرضي ان يستمر الوضع كما هو ويكون خسران هالخسارة كلها
قد يضطر مؤسسين السهم نفسهم بطلب تدخل ادارة السوق لتصحيح وضع السهم سوقيا لان الخسارة الان تعدت مرحلة المستثمرين ووصلت الى اسهم المؤسسين نفسهم
لان توقع في اي لحظة محفظة مو ضروري بعد تكون كبيرة جدا او شركة اخرى تشوف وضع السهم وسعره سوقيا والقيمة الدفترية تستحوذ على السهم ب هالاسعار وتقول لهم شكرا انا عندي النسبه الاكبر وتضمها تحت جناحها السوق معروف الكبير ياكل الصغير وهاذي فرصة الان لشركات الثانية او المحافظ صارت في الاولي للتمويل والفحص الفني من وقود
وجهه نظر والله العالم

[كنغ المضاربة]

بقولك مثال اخوي بوعبدالله بس الله يعينك علي احب اشارك واعلق واكتب وايد المهم السموحة على الاطالة قبل كل شي
تخيل طال عمرك عندي شركة افراح حلو والموجودات قيمتها 200 الف ريال وانت عندك شركة افراح نقول راس مالها بعد 200 الف وربحان وانا عني كله خسران ووصلت ان مرحلة خلاص خسارتي كبيرة طيب انت تعرف انه انا بالسوق خسران لكن موجوداتي تساوي 200 الف وعارض شركتي ب 100 الف هل بتترد لحظه لو جاتك الفرصة انك تشتري شركتي وتقولي الله وياك بغض النظر عن سبب خسارتي الادارة او غيره بالنسبة لك تعتبر صفقة العمر لانك ربحان 100 الف بالميت يعني بتاخذ موجوداتي الي تعلق بالافراح لو ماستخدمتها مع موجوداتك القديمة وبعتها بالميت ربجك 100 الف ريال هذا اذا انت عندك شركة افراح مشاببه لنشاطي طيب لو ماعندك مافي حد يفكر يبداء مثل مشروع جديد وانت معاك هالمبلغ ونعرضت عليك شركة موجوداتها تساوي 200 الف وانت بتاخذها ب 100 الف وجاتك الفرصة تشتريها اتوقع لو سويت دراسة جدوى سريعة للموضوع بتكون ربحان 100 الف بس من الشراء والبيع بدون حتى تفكر تبلش بالمشروع وتقول يمكن اربح او اخسر من النشاط
وجهه نظر والله العالم