حتى موضوعي والله صعب على الكثيرينالمشاركة الأصلية كتبت بواسطة سعود.
ببساطة العقد يتكون من المخططات واللي هي الأساس .. حتى ممكن نضمنها أجزاء من المواصفات وتفاصيل التركيب .. شروط التعاقد والشروط المالية وشعلى المقاول توفيره للاستشاري .. العقد لازم يديره الاستشاري ويشرف على نفيذه الاستشاري
المالك الحين اخوي سعود مطلع وفاهم وأغلب الملاك يسعون للمقاول الجيد والعقد المتكامل .. بعضهم اللي يطيحون في دائرة عظم وبعدين كمل يحسون بها بعد العظم وهنا تبدأ المعاناة ويعرف إنه تعرض للاستغلال من جهات كثيرة .. وكل واحد يقدر يلوم غيره وتضيع الحسبة
أما مواصفات ثابتة فهذي صعبة أو مستحيلة .. لكن نتكلم عن مواصفات دنيا لا يقبل بأقل منها هذا شغل الجهات المسؤولة واللي ما ودها تسويه لأن فيه تجار يجيبون الرديء ويبيعونه وفيه معامل تبيع طابوق بمايه وفيه شركات ردي مكس تبيع خرسانات غش وكلهم حبايب ويحبون بعض ويحنون على بعض .. انا شخص ابني وطالب ردي مكس وحاط شروط من شركة معينة والمقاول لازم يجيب فاتورة الطلبية والاستشاري اللي حاضر لازم يصور لي سيارات الردي مكس وشعار المعمل عليهم .. ويصور الاختبارات ودرجة الحرارة .. إختبار القمع مهم .. زين لو الاستشاري قال لي انا قاعد في المكتب ولا لي خص وقول للمقاول يجيب لي الفحوصات والأوراق مثل ما يسوون مكاتب النص كم عندنا .. شالحل وشسوي المشكلة ما فيه جهة تنصفني وتطلع حقي مع إنه أساس واضح من الاشراف الهندسي .. من في هالحالة المقصر؟ بكل بساطة آلية التقاضي وقوانين جهاتنا المختصة البليدة .. والا باتصال تلفون يتحركون ويتأكدون ويسجلون قضية ومحضر اثبات ويحاكمون الاستشاري المخل بواجباته والمقاول كذلك لو طلب ردي مكس من شركة غير حتى لو كانت أقوى
|
رد مع اقتباس
