هذي روابط لقنوات في اليوتيوب ( توعوية )
لمعرفة الصح والغلط في عالم البناء .
المهندس / عبدالغني الجند
من أشهر المهندسين ( الانشائين ) في السعودية
https://youtu.be/HCzsjWbBHvM
العراب / شاب سعودي نشيط
( الحلفاء للمقاولات )
https://youtu.be/QF9oUR-iR34
ماجد المحميد / مختص في تنفيذ المشاريع السكنية ويوجد له كتب في البناء .
( مؤسسة للبناء فنون )
https://youtu.be/4bGOS2-PEDU
جهد تشكر عليه ماقصرت ياخوي
( حسنات عظيمة إن شاء الله فى أربع كلمات )
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ
العفو اخويالمشاركة الأصلية كتبت بواسطة النهار
جزاك الله خير ياسعود
اخواني قاعدين يبنون و الى الان ما وقفت على شغلهم الا مرة وحدة
و لاشك ان اليوتيوب مليان معلومات بس كيف تلقى الشيء المناسب وما شاء الله جبت المفيد
اللهــــــم ارحم أخي فايز واسكنه فسيح جناتك وسائر أموات المسلمين
[B]هلا اخوي سالم .
صحيح كلامك اليوتيوب في قنوات كثيرة وانا حطيت روابط اظن والله اعلم بأنهم الافضل .
المهندس / عبدالغني
مختص انشائي يعني من حفر الارض الى استلام العظم بلاستر
العراب / بتاع كلوه
ماجد المحميد / ايضآ له مقاطع انشائية والاغلبية تشطيبات
بس نصيحية الي يلتبس علية موضوع يناقش الاستشاري فيها والمهندس المشرف او احد الاصدقاء من له خبرة في البناء او يطرح موضوعة هنا الاخوان مشاء الله خبرة
( معماري + شموخ + azizuk )
ولايهنون البقية .
وانا للامانة صرت ما اثق في الاستشاري ولا مهندس المقاول .
الكل يبي يمشي الشغل اذا شفت خطء يحاول يمشية بقدر المستطاع . اكيد فيه منهم شرفاء بس ماتوفقت في اختيارهم . بسبب عدم معرفتي بسوق عندنا .
مقولة المهندس بخصوص الخلطة الخرسانية في الموقع خطأ .. هي صحيح خطأ لو اللي يخلطون ما يعرفون ويزيدون نسبة الماء .. أهم شيئين في الخلطة الخرسانية نسبة الماء للاسمنت W/c ratio وهذي تتخذ بالحجم ولازم ما تتعدى 45% وتكون فيها شوية سيولية لكن جامدة ويكون خلطها متناسق وجيد وما فيها فجوات يابسة ما وصلها الماء وبنفس الوقت ما فيها ماء زايد
لكن الخلطة في الموقع ما فيها شيء لو يتم التحكم في هذي النسبتين .. أما مقولة البحص أو الكنكري هو اللي يقوي الخرسانة غلط غلط يا مهندس عبدالغني كلها تعتبر اضافات تخلي الخرسانة اقتصادية .. لو نبغي خدمة أكثر للخرسانة نستعمل حجارة قابرو صغيرة وأكثر نستخدم رمل خشن بدون حجارة نهائياً
هنا توضيح مختصر واللي يتابع لازم يقرأ كل المؤثرات ويحاول يستوعبها .. خصوصاً الرسم البياني اللي يوضح نسبة الماء للاسمنت .. ونوعية ما يسمى بالكورس أغريغيت Coarse Aggregate مهمة وحجارتنا للأسف تضعف الخرسانة لإحتوائها على الكبريتات والأملاح
http://theconstructor.org/concrete/f...concrete/6220/
تشكر اخوي سعود على هالمجهود الطيب
وخاصه ان الاخوان اللي ذكرتهم في قنوات اليوتيوب ممتازين وشرحهم وافي ودقيق
ماقصرت وانت من الأعضاء النشطين في المنتدى
بالنسبة للمهندس والاستشاري يبي يخلص اَي كلام ويروح حق غيرك
معظم الاستشاريين والمهندسين مادين يركضون وراء الفلوس من غير منفعه وكله ينصحونك بمحلات وأشخاص بعد يستفيدون منهم ومنك
على سبيل المثال اذا حيت تشتري بلاط أو اَي سلعه
ينصحك البائع انك تتعامل مع شخص معين ويمدحه لك وان هو الوحيد اللي يعرف يسوي هالشغلة
وتكتشف في الاخر ان يأخذ من الشخص اللي مدحه لك مبلغ على حسابك
يعني شربت بلاط وأعطاك اسم شخص يركب لك خلنا نقول شريت 300 متر مربع يأخذ من شغل التركيب 5 ريال على كل متر
شرح بسيط اتفقت سعر التركيب ب 80 ريال
تعال فصلها وين تتوزع
راعي المجموعة يأخذ 60 ريال شامله مادة الغراء والعمال
العمال 30 ريال
ومادة الغراء بين 8 ريال الى 12 ريال
والباقي الى راعي المجموعة
باقي 20 ريال من ال 80
15 ريال حق بوكرفته و 5 ريال حق اللي باعك البلاط في المحل
وإذا حاولت تتفق مع الفورمن اللي هو راعي المجموعة يرفض وإذا بعد تحاول تتفق مع العامل اللي يركب البلاط بعد يرفض
وإذا تسأله ليش ماتتعامل معاي على طول بيرد عليك وبيقول لك انت بيت واحد بعدين راح اخسر بوكرفته هو اللي يجيب لهم الشغل
وإذا بتجيب عمال من برآء اول شي تخليهم يجربون في الملحق وأول شي حمام وغرفة السائق وإذا شغلهم زين تكمل معاهم بس عاااد عليك انك توفر لهم كل شي
شغل البناء يبي له طولت بال وصبر
والله يعين كل شخص يبني
إختصرها بالكامل وخل عقدك مفصل وكامل مع مقاول قادر يكمل الشغل كامل .. أما تروح تدور بو كرفته لازم بتتعرض حق نصب وشغل ما فيه خير
تقدر أثناء التصميم تقرر شبتسوي وشبتحط من مواد .. مثلاً الجبس مب لكل مكان ولكل مكان ممكن تحدد درجة معينة .. حتى المكان اللي بتحط فيه جبس ما فيه داعي للبلاستر ولا لتشطيب الخرسانة تشطيب جيد .. بعض الخرسانات حتى تقدر تصبغ عليها مباشرة وتقدر تشترط تكون مرتبة صح حتى تكون جاهزة للصبغ بدون بلاستر
أكيد عقد الجبس بيكون غير وبعد بيكون عن طريق شركة وعمال لهم خبرتهم .. الإتفاق مع أشخاص عاديين هو المشكلة ودوم بو كرفتة يكون سمسار
بو عبدالله
دوم تقول لازم العقد يكون مفصل وكامل . انت مهندس معماري وخبرة ( مشاء الله ) بس تعال لمواطن ( عادي ) وش عرفني بهذة التفاصيل الدقيقة والي اغلبها تكون لصالح المقاول . اذا يطري عليك قلت لك مرة ليش مايكون هناك عقد + مواصفات فنية ثابتة في عقد بناء المساكن التابعة على الاقل لبنك التنمية . ويستثني منها بعض النقاط على حسب كل شركة وتصنيفها لدى بنك التنمية . انت ماقصرت وجزاك الله خير ولك موضوع مثبت عن العقودالهندسية وممكن اي واحد في المنتدى يطلع عليها ويعرفها . بس اغلبية الشعب موب في المنتدي وحرام يصير فيهم كذا .
ضوابط المشاركة
رد مع اقتباس
