دفان داخلي

[معماري قطري]

تكلفة الدفان بسيطة بس مضاره كثيرة وانا قصدي فوق الصبية الانشائية اللي تكون قوتها بين 30 و 20 كيلو نيوتن في المتر المربع

تكلفة الصبية مع الفايبر بقوة 10 أو 15 كيلو نيوتن وبدون حديد لأن الحديد والخرسانة الانشائية تحت .. هذا في الدور العلوي أما الأرضي انا سويت الخرسانة الانشائية والتكميلية كلها بالفايبر وبدون حديد وطلعت لي كثير رخيصة للدور الأرضي وكملت عليها للحوش

المتر المكعب يمكن قيمته 250 - 300 ألحين وحسب شركة الردي مكس والمتر المكعب يسوي 10 أمتار مسطحة مربعة بسمك 10 سم .. يعني يطلع علينا المتر بحدود 25 - 30 ريال .. هل يسوى حق بيت أرضياته بحدود 1000 متر مربع وب 30000 زيادة واحنا متطمنين أو لا .. بيت دافع فيه للبورسلان أو الرخام أو الباركيه بحدود 100 - 200 وممكن حتى 400 ريال وفوق لبعض النوعيات تستخسر تدفع عُشرها حق أرضية جيدة وسيدة وما تعيش فيها الأرضة ولا يقدر يحفر فيها النمل العادي ولا يحصل الزهيوي فجوة يتكاثر تحت البلاط ولا تدخل الرطوبة وأصلاً أوقات الدفان يجيك فيه رطوبة وتبقى محكورة بين البلاط وبين صبيات الأرضية

الكثير من المقاولين والعمال وحتى المهندسين ينصحون نصايح ما تكون محلها وهمهم يخلصون الشغل وبس

[Almuraikhi]

تكلفة الدفان بسيطة بس مضاره كثيرة وانا قصدي فوق الصبية الانشائية اللي تكون قوتها بين 30 و 20 كيلو نيوتن في المتر المربع

تكلفة الصبية مع الفايبر بقوة 10 أو 15 كيلو نيوتن وبدون حديد لأن الحديد والخرسانة الانشائية تحت .. هذا في الدور العلوي أما الأرضي انا سويت الخرسانة الانشائية والتكميلية كلها بالفايبر وبدون حديد وطلعت لي كثير رخيصة للدور الأرضي وكملت عليها للحوش

المتر المكعب يمكن قيمته 250 - 300 ألحين وحسب شركة الردي مكس والمتر المكعب يسوي 10 أمتار مسطحة مربعة بسمك 10 سم .. يعني يطلع علينا المتر بحدود 25 - 30 ريال .. هل يسوى حق بيت أرضياته بحدود 1000 متر مربع وب 30000 زيادة واحنا متطمنين أو لا .. بيت دافع فيه للبورسلان أو الرخام أو الباركيه بحدود 100 - 200 وممكن حتى 400 ريال وفوق لبعض النوعيات تستخسر تدفع عُشرها حق أرضية جيدة وسيدة وما تعيش فيها الأرضة ولا يقدر يحفر فيها النمل العادي ولا يحصل الزهيوي فجوة يتكاثر تحت البلاط ولا تدخل الرطوبة وأصلاً أوقات الدفان يجيك فيه رطوبة وتبقى محكورة بين البلاط وبين صبيات الأرضية

الكثير من المقاولين والعمال وحتى المهندسين ينصحون نصايح ما تكون محلها وهمهم يخلصون الشغل وبس

ماقصرت اخوي معماري ع الرد
بس بخصوص سؤالي عن الرمل المغسول في الحمامات عادي ولا يعملي نزول في المستقبل ؟

[معماري قطري]

ماقصرت اخوي معماري ع الرد
بس بخصوص سؤالي عن الرمل المغسول في الحمامات عادي ولا يعملي نزول في المستقبل ؟

لوينعمل زين وتندك الارضيّة ما عندك مشكلة

الحمام مساحته صغيرة سوه سبعة سم افضل

[معماري قطري]

المفروض استشاري يتابع التنفيذ خصوصاً دفان الحمامات وطريقة العزل لو صار تسريب للماي تحت بلاط الأرضية تتشبع التربة ويخرب الماي الحوائط ويطفح وينزل من المناطق اللي ما فيها عازل .. لذلك نخلي العازل ممدود لتحت آخر بلاطة ونسكر على بلاط الحائط ببلاط الأرضية

هي خطوات صعب يسويها أي حد مب فاهم والا متروك له القرار بدون اشراف هندسي لازم بيقصر وشرحتها مرات حتى بالرسم .. وادري شرحي السريع ذيه مب مفهوم لكن الفورمان يفهمه وكذلك المهندس المشرف المتمرس

[$الملياردير$]

جزاك الله خير اخوي معماري على جهد و سعة صدرك واهتمامك بالرد الوافي .... و الله يوفق صاحب الموضوع

[معماري قطري]

جزاك الله خير اخوي معماري على جهد و سعة صدرك واهتمامك بالرد الوافي .... و الله يوفق صاحب الموضوع

الله يجزيك الجنة اخوي

كثيرين يتدخلون في التصميم ويطالبون على سبيل المثال بمدخل واسع للبيت يغطي على مجلس جنبه

وكثيرين ممر ثانوي يطالبون به يكون مترين الا قلائل يخلون المهندس يوزن لهم المساحات

هذي الأُمور مهمة جداً ومثل ما يقولون تكنيكال ولازم تخليهم على أصحابها والمختصين بها ونسعى لأفضل تفصيل خاص بها .. هناك تفصيلات هندسية تؤدي الغرض وتفصيلات تؤديه أفضل وأثبتت سهولة عملها وحتى رخصها

مثال حق تفصيل مهم محد تقريباً يسويه اللي يسمى مساحة الزحف تحت البيت .. هذي نستغني عن الدفان ونسوي الأرضيات خرسانة خفيفة على طابوق ودعامات خفيفة والخدمات نمددها تحت .. كلها تمرر تحت البيت وحتى التكييف يكون تحت بتهؤئة خاصة لتفريغ الحرارة .. أرضية هذا القبو تكون اسمنت متعرج ومب مشطب زين بس نظافة وعندنا سهل عمل هذا النوع من البناء بسبب إن الحفر للأساسات مترين أحياناً والفرق بين الأرضية لين الأساسات يزيد على مترين ونص بسبب رفع أرضية البيت .. فلو خلينا الأساسات مكشوفة وحولها ممهد بيكون عندنا شبه بيسمنت .. حيز غير مشطب إسمنتي وخاص بالخدمات وبالتخزين مثلاً .. ما يكون مكيف وحتى ممكن بدون كهرباء الا حسب الحاجة

هشكل بنوفر الدفان وبنفتك منه وبيكون عندنا حيز قابل للتطوير والاستعمال ولو جزئياً وسهولة كشف الخدمات واصلاحها .. تحسب لأي ارتفاع للمياه الجوفية ممكن نحط مضخة سحب مياه احتياط ومنهول تنساب المياه اليه وأول بأول تشتغل المضخة تماتيك .. المضخة نفس اللي لتانكي الماي بعوامة بسيطة

المشكلة العقليات الموجودة في التخطيط متوقع ما يرضون بهذا التفصيل

[$الملياردير$]

اختصرت الحكاية ... بالعقليات .... تجارب الدول المجاورة بسبب ضيق المساحات عندهم .. جعلت عندهم أفكار عملية باستقلال كل جزء من المساحة .... ذكرتني بمثال واحد قالي في الاْردن يسون فوق المغاسل ودورات المياة ستورات .... الأمثلة تطول ..... بس كل شي معكوس .... اخر شي يضحك تطبيق الارتداد الجانبي 3 أمتار .... دمت بود

[معماري قطري]

اختصرت الحكاية ... بالعقليات .... تجارب الدول المجاورة بسبب ضيق المساحات عندهم .. جعلت عندهم أفكار عملية باستقلال كل جزء من المساحة .... ذكرتني بمثال واحد قالي في الاْردن يسون فوق المغاسل ودورات المياة ستورات .... الأمثلة تطول ..... بس كل شي معكوس .... اخر شي يضحك تطبيق الارتداد الجانبي 3 أمتار .... دمت بود

ولك وللقراء كل الود

الارتداد 3 أمتار للبيوت العادية لهم حق فيه في كشف الجار بس لكن يفترض الارتفاع يكون مسموح أعلى ومسئلة النوافذ الأعلى من دورين تكشف حوش الجار هذا شيء يفترض له حلول أو حله ببساطة محد يطلع في الحوش مكشوف والا يسكن الحوش .. يخلون الارتفاع 5 أدوار مثلاً بنظام شقق أفضل ويفتحون الحوش على الشارع بحيث جهة الشارع تنزرع وتترتب وتكون فيها مواقف تابعة للبيت .. حتى حاوية القمامة ( تكرمون ) يكون لها مكان مخصص ومسور .. أذكر في مجمع سكنت فيه كانت مسورة والسور له باب والأرضية حولها عشب بس جهة الباب خرسانة ترجع السيارة ريوس ويفتحون الباب وتحمل الحاوية بحديد يمتد للداخل وتشيلها تقلب محتوياتها داخل السيارة وتمشي

صارت لي سالفة مرة سهرت لين ثاني يوم الصبح بسبتها .. هذي في ميامي وفي نفس المجمع اللي فيه هذي الحاوية .. كنا نجهز حق العودة للدوحة ونعد الأيام ومن ضمن التجهيز ورقة تجديد الفيزة من الجامعة كانت مع التذاكر الورقية لازم نسويها من مكتب الطيران وكنا أما على البريطانية أو أي طيران يوصل لندن وبعدين على الخليج .. المهم كانت عندي كمية أوراق في السيارة واخوي توه جايني يتأقلم مع نظام أمريكا قلت له شيل الكشرة ذي نزلها معاك .. هو سمع الكشرة شلها وقطها في كشرة البيت وربط الكيس بسيم خاص به وقطه في هذي الحاوية .. يقول يوم قطيته سمعته يضرب تحت كانت خالية ويوم اكتشفت القصة استوت متروسة

هم يجون يشيلون كل اسبوع وكانت سفرتي بعد 3 أيام أو يومين المهم ما فيه وقت ولا فلوس حتى اخلص كل المهم .. والأوراق وايد بعضهم مب مهم ومعاهم دفتر شيكات .. واتورط يومها واقعد لين جات السيارة واطلع لهم يالأشواس يا عيال أنكل سام موضوعي كذا وكذا وكذا .. قالوا بنرفع الحاوية وبننزل الأكياس شوي شوي وبنشوف لو نحصل كيسك .. إنت متأكد ما فيه ورقة يانصيب فايزة بمبلغ كبير؟ قلت لهم صدقوني ما فيه .. وتم يرفع كل شوي ويراويني كيس وانا اقول لا لين خلاص يئست ويئسوا وشكرتهم ودخلت حزين .. شوي الا هرن قوي هرن الشاحنات طااااط بس فترة قصيرة حتى ما يزعج الناس واطلع اركض .. قال انا متأكد هذا الكيس اللي تبغيه وطلع وصفي لهم مب مضبوط 100% ولو مفكر صح وجايب لهم كيس خالي كان أسهل .. قلت صحيح يبين هو وصدقوني مسكته كأني ماسك ولدي مضيعه ولقيته .. بحب عميق وفتحته .. الا هذي أوراقي واطلع بعضها اراويهم حتى يصدقوني .. مساكين شاركوني الفرحة وقتها

إخوي ألحين مهندس كهرباء وخلص ماستر ادارة مشاريع ومتوفق أكثر مني الله يوفقه ويزيده