حد جرب عوازل المريخي ؟

[Almuraikhi]

مساء الخير

بغيت استفسر عن العوازل وأنواعها مريت اغلب الشركات المعروفة تدمر المسند النهاريه المريخي
تدمر قالي احنا السعودي اللي عندنا غير عن الباقي قلتله ايوه ليش قال احنا نستعمل
نوعية آس بي آس للأسطح وكل المحلات يركبون اي بي بي
وعقب قالي ضمانه عشر سنوات وعمره الافتراضي احدعشر سنه ولا أثنعشر سنه كلمت المسند قلتله وش النوعيه اللي تركبها للسطح قالي اي بي بي قلتله وليش ماتركب آس بي آس قالي لا هذا عازل خاص للبيسمنت مايصلح للسطح مايستحمل الحرارة قلتله أكيد مب عازل سطح هذا ؟ قالي اي أكيد قلت أوكي
كلمت النهاريه وش تركبون يالنهاريه للسطح قالوا اي بي بي طبعا قلت ليش ماعندكم غيرة قالوا عندنا آس بي آس بس هذا يركب للبيسمنت فقط قالتلي حضرتك عندك بيسمنت قلت لا بس الـ آس بي آس مايركب للسطح قالتلي الموضفه لا طبعا !
احترت معاهم قلت مافي الا ولد عمنا خلنا نروحله المريخي للعوازل قلتلهم وش تركبون حق السطح قالي اللي تبيه آس بي آس ولا اي بي بي قالولي تبي تركب هذا ولا هذا عادي
من واقع تجربه حد ركب عند المريخي للعوازل حد اشتكا منه ؟
وشكرا

[Qt.1]

ياخوي من طلعنا على الدنيا ومافي غيرهم تدمر والمسند يعتبرون من اقوى الشركات في موضوع العازل في كم شركه جديده اطلعت تبي تنافسهم لكن مستحيل , انا عن نفسي مركب من عند المسند شغل محترم ونوعيه ممتازه على ماخبر حطو لي خمس طبقات عازل في السطح , واعرف ناس راحو للرخيص وفي اقل من سنه البيت قام يخر عليهم , وعلى فكره حتى اللحين في ناس اتدور في سيارات شخصيه عندهم كم روله ورى السياره يركبون عازل وماظن في شخص صاحي بيركب عند اي حد هذا عازل ياخوي مهب لعبه ,,

[معماري قطري]

تركيب العازل ما فيه أسهل منه وشيء يضحك التعقيد الكبير اللي داخل في العملية

هي مواصفات شغل واجراءات وتفاصيل تركيب هندسية ومعالجة للأماكن المختلفة كالزوايا ونقاط تصريف المياه .. العقد لازم يجي معاه رسم تفصيلي حق كل الطبقات ولازم يعطيك عينات موقعة لكل المواد اللي بيستخدمها في الطبقات حتى يسهل الإشراف

بعضهم يوعدك بشيء ويركب غيره أو يجيب عمالة غير مؤهلة ومؤجرة من الخارج وللأسف قوانين الدولة سهلت هذا النوع من العمل sub-contracting

شفت شغل حق شركة مدماك من حول 22 سنة كانت صبية السكريد اللي يجي بسلوب عبارة عن رغوة اسمنتية خفيفة الوزن وطبقات عزل هم يسونها وتفاصيل شغلهم من أفضل ما يمكن ولمباني سقفها كبير .. للحين المباني ما فيها مشاكل ولا تسرب طول هالسنين

صج ثقتنا كبيرة في القديمين وخذوا سمعة قوية المسند وتدمر والحديثين عيبهم ينافسون بدون تركيز على جودة العمل وصارت قضية في مجمع من 23 منزل سربوا 7 منها قبل لتنسكن والمالك طلب الصيانة حسب الضمان .. الشركة رفضت وادعت إن العيب انشائي ودخلوا محاكم ومحاماة وجلسات فترة طويلة وطلع الحق مع شركة العازل شلون ما ادري بس هذا نظامنا القضائي

شركة تدمر والمسند لو تابعت شغلهم وشفت اهتمامهم ما اهتم لموضوع الضمان لأَن يعطوني انطباع إن الشغل جيد .. سرب عندي جزء من السقف نازل عن مستوى باقي السقف وله تصريف بنفسه وطلبت عمل عازل جديد له من تدمر .. إشتغلوا زين وكان في الوسط قبة مركب درايشها بشكل منحني ومثبته في الخرسانة داخل تجويف بحيث تبين من الخارج في نفس المستوى ومن الداخل الفريم مخفي .. للأسف بعد العازل اكتشفت إن التسريب من احدى الدرايش يبس الماستك حولها وبدت تسرب وكلمت مدير الشركة نبيل حلاوة وما قصر طرش واحد مختص ودققوا ودعموا الأماكن اللي توقعوا التسريب يجي منها وسرب مرة ثانية بسبب إن التسريب من الدريشة ولا كنت ادري .. كلمت المدير مرة ثانية قال لي لازم فيه شيء غلط ولازم تشوف النوافذ .. رشينا ماي فوقها وشفنا من وين التسريب وجبت مقاول عادي صلح المكان بسيليكون بس يحتاج تجديد كل وقت

[بوخالد911]

انا ركبت من عند تدمر.
فوق السطح النوع الايطالي.
وحق حمامات الدور الأول نوع فرنسي.

كلفتني الشغلة 55000