عندي نشاط تجاري مدخوله ممتاز إذا لك خاطر كلمني
عندي نشاط تجاري مدخوله ممتاز إذا لك خاطر كلمني
بالتوفيق لك
مطبخ شعبي مع تقديم وجبات يومية في منطقة تفتقر إلى هالشيء
حطها في كم سهم وانتظر أرباحهم .. سوقنا مب نازل كثير وممكن ينزل وممكن يرتفع في نفس الوقت .. المهم تقوي قلبك وتصبر ومليون مبلغ بسيط ممكن تشوفه يقل كقيمة سوقية وممكن يرتفع لكن في النهاية بيدخل لك مبلغ بسيط سنوي
مثال مليون تشتري 6700 سهم وقود ب 148 ومتوقع توزيع بحدود 10 ريالات وممكن أسهم مجانية .. يعني 67000 فايدة بعد حول 5 شهور = 6.7% وأكثر من 1% شهرياً .. هذا على فرض التوزيع 10 ريالات لكن ممكن يقل وممكن يزيد ولو نويت تدخل لازم تكون ضامن تصبر أقل شيء 3 سنين
شنسوي يا اخوي انا مثل ما انصح غيري اطيح في أخطاء استثمارية كبيرة
آخر شراء لي كان فودافون ب 8.1 ونزل بعدها بس باصبر ومعدلي في وقود أكثر من 120 ريال وأفكر في الشراء أكثر هذا الوقت لكن بعد متردد بسبب الخوف من نتائج الشركة .. قبل ربحت فيها ربح قوي مضاربي واستثماري .. بديت اشتري ب 80 وبعت ب 190 ورجعت شريت بحدود ال 120 وأكثر مب متذكر بالضبط .. نزل السعر لغاية 85 خلال الفترة القصيرة اللي راحت وألحين وصل 115
يمكن وقت النصيحة غلط وإختيار السهم غلط لكن سهم مثل سهم الأول وصل 4.97 ولنفترض قدر يشتريه ب 5 ريالات أو 5.1 شامل العمولة بيحصل 196000 سهم وخلال فترة بسيطة سعر السهم وصل 7 ريال وزود وأمس سكر على 7.14 يعني لو باعه بهالسعر طلع ربح 392000 .. وكان ممكن كذلك يحط فلوسه في ودام بحدود 60 ريال وبيشتري 16600 سهم ووصل سعرها 74 وقابل للارتفاع وتوزيعها 4.25 ريال تعطيه ربح 70000 ريال وخردة فوقها وهي 7% في شهور بسيطة وهذا غير عن الربح السوقي اللي يعادل 14 ريال في السهم وقد يزيد وقت التوزيع
قلت له يحط المليون في وقود وهي ب مائة وثمان واربعون
واليوم يباع السهم ب مائة ريال
يعني لفقد ثلث المليون
وكما قلت السوق خطر وفي نزول مستمر
ولا يعرف متى يستقر
والاوضاع السياسية والاقتصادية غير مشجعة
والنفسية تعبانة
وراس المال جبان ووسواسي
فحط فلوسك في وديعة في بنك اسلامي مثل المصرف
والريان وانتظر العائد
وطلع زكات مالك
هناك فرص في الاستثمار العقاري في تركيا والبوسنة
لكن تحتاج الى دراسة الحال والجدوى والخبرة للسوق
تصدق كل صباح حتى تصيبك دعوة الملك الذي يدعو كل صباح
( اللهم أعط منفقا خلفا وأعط ممسكا تلفا)وضع صدقتك في حصالة.واجعلها في صالة البيت حتى تراها دائما فتتصدق فيها ويقتدي بك أهلك.ثم اذا امتلأت الحصالة بالمال فاكفل به يتيما لمدة عام.فينطبق عليك حديث
(أنا وكافل اليتيم كهاتين.وأشار بالسبابة والوسطى)
اعمل بنصيحة المحب للخير لك ، وانشرها . فالدال على الخير كفاعله
اشتري محل وأجرة .
اقبض عليها حتى تتضح الرؤية