إذا المهندس المشرف منتبه غصب يسونها .. بعدين عندك دفتر الزيارات والملاحظات والتوجيهات في الموقع لازم دوم موجود .. إذا ما فيه اشراف ومتابعة من المالك ومن الاستشاري ما يمشي الشغل صح
المقاول طلب للصب في هذي البناية حق خرسانة الأرضية بعد ما دك وجهز الحديد .. وكنت خبرتي وقتها بسيطة والا صبيات الأرضية اخليها بفايبر وبدون حديد .. إختلف معاه الاستشاري لأن طلب متابعة الصب جاء متأخر ولا فيه وقت حد يشوف وصب المقاول بدون موافقة .. وقفناه فترة وكان معرض للمخالفات المالية وللازالة واعادة الشغل .. حاول بواسطات وكلموني ناس من البلدية وقلت الموضوع عند الاستشاري .. طلبنا منه تصوير وفحص مخبري .. المختبر مب مشكلة بس التصوير شغلة مكلفة لتصوير الحديد داخل الخرسانة والمهندس المشرف قال انا مريت قبل والحديد موجود
هذي كانت الإشكالية الوحيدة وبعدها الشغل مشي بسلاسة ونظافة والزين إن المقاول مهندس مدني مختص ومؤهل .. زين انك يمكن من القلائل المتابعين وبكمل الباقي بعدين ما لي مزاج الحين