في الغالب العقود شبه ثابتة ويعدل عليها .. لا تنسى جزء كبير ومهم من العقد هو المخططات .. ولو مذكور كتابة في المواصفات بأن مستوى التأسيس الصفري هو أعلى نقطة مقابل الباب في الطريق .. ومذكور خطأ في الرسومات شيء ثاني يحصل اختلاف بين المقاول والمالك والاستشاري .. وأوقات يطيحونها في راس المالك ويدفعونه قيمة دفان مضاعفة بسبب خطأ بسيط .. لكن ذكر نقطة إن لو فيه اختلاف لازم يقرر أي رقم يعتمد قبل اعتماد التسعير وإن سعر المقاول وأخطأ من حق الاستشاري والمالك ياخذون الرقم اللي يشوفونه صح تكون إنت حميت نفسكالمشاركة الأصلية كتبت بواسطة سعود.
المواصفات جزء آخر وهنا نركز على الخاصة لأَن العامة يفترض محفوظة للكل بالقانون وتسيطر عليها الدولة .. وأي تعديل جزئي في العامة لازم يذكر بالبند العام مع التعديل عليه واللي يراه المهندس مناسب .. والخاصة تفصيلية أكثر وتحدد جزئيات معينة وتكون فيها تفاصيل بالرسم موضحة حسب حاجتك
لكل هذي الأسباب العقد يكون خاص بالمشروع المحدد ما غيره .. وبعدين حتى لستة الرسومات لازم تنذكر فيه والماركات والنوعيات .. حتى الردي مكس من أي شركة أو تحط شركتين يختار منهم المقاول ويكون الاستشاري عارف جودتهم .. طريقة البناء فريم خرساني وطابوق .. الطابوق مواصفاته مذكورة في المقاييس القطرية بس وقت الصج تحصل كل معمل له اجراءات معينة وبعضهم ويمكن غالبيتهم يصنعون بماء كله كلور وبعضهم مياه معالجة .. ويمكن واحد شاذ عن القاعدة ويخلط بمياه مقطرة ويرش الطابوق عدة مرات في اليوم ويظلله عن شمس الصيف القوية لفترة 21 يوم
شالإختبار اللي يجريه الاستشاري للعينات لازم يذكر وآلية رفض كمية منها عينات فاشلة لازم تذكر .. أسهل إختبار للكل ياخذ طابوقة ويرميها على الرمل لو تفككت معناها ما استوت لها ادامة كافية بالماء ولو جات الطابوقة رطبة معناها كذلك .. لو الطابوقة خشنة ويابسة نمسكها ونحاول نكسرها باليد بعضها تتفتت وبعضها تنكسر بسهولة .. هذي معناها ما انرشت ماي كلش وتركوها تجف
في النهاية واجب جهات الدولة كبير في حماية البلاد من الشغل الغلط واتمنى يكون فيه توجيه وقرارات قوية تمنع هذي الخرابيط .. كذلك اتمنى الاستشاريين ينتبهون لهذه الحيثيات البسيطة ويغطونها في عقودهم
|
رد مع اقتباس