سيارات قديمة وحديثة ومن ضمنها سياراتكم وذكرياتكم معها

[.قطر.]

هاي ال 2000


*
هذي ال 2001 قبل ما انقلب فيه

*
وهني عقب ماصلحته

*
هذي السياره بعد فيات 500 قوتشي اديشن نسيت اكتبها فوق لان ماتمت عندي وايد كانو يطنزون عليها مع انها من احلى السيارات الي سقتها

*
هذي البيج الي صبغته

*
هذي ال 2009



هذي ال 97

*
هاي الجيكسار 2015 رديته شركه وبعته

*
هذي توني ماخذه امس حق اللعبه الصبح اليوم موديه انظف كربيتره فالخريطيات

*وفي صور بعد ان شاء الله قريب حق الجمس والفيكسار بس فالقراج الفيكسار تحويل سبير علاق والجمس صيانه للتيربو

البيكم ماله حل

[معماري قطري]

امممم

موضوع جميل ..

اول ما سقت سنة 1997 وخذت لي كان نيسان 90 استيشن ..
تم عندي قريب الـ سنتين عقب بعته وخذت نيسان 92 مال اخوي طبعاً هالنيسان صارت افلام فيه وقصص

بس في الاخير اخوي دخل فيه بدوار والحمد لله على سلامته وعدلته
وخذت لي نيسان موديل 95 ابيض بعد كان حق اخوي استخدمته وخبط بهدلني تبهدل من كراج لي كراج ..

عقب حلفت الا اعطي النيسان اكس .
خذت لي فيكسار 98 كديته كد لين قال بس
عقب بعته وخذت فيكسار 99 اسود بعد حللته
عقب بعته وخذت لي جيسكار 2003 اسبير علاق
وعقب بعته وخذت جيكسار 2005 ورده ما تهنيت فيه ودعمت وعلى طول بعته


عقب خذت فيكسار 2007 كان الحب وبعته

وحالياً على فيكسار 2008
والحمد لله


وحالياً افكر اخذ لي رابتر موتر ماشاء الله ..

ما شاء الله عليك كنت متخيل إنك أكبر مني طلعت سايق قبلك بحول 17 سنة والنهار شيبتنا بامتياز

النهار سنة كم سقت؟ يمكن أيام الليسن ورقة عادية .. انا أيام كان دفتر وسقطت في الرجوع ريوس حرف الإل اعتقد واعصب وتحافيص عند الشرطة من يقدر يسويها ألحين؟

بس غالبية السيارات فورويل الا كلها للغالبية .. يمكن طبيعة البشر في قطر مع إن سواقة الصالون أأمن في الحوادث ومتعة .. انا خاطري في المرسدس السي أو الأيه A والحين شفت ال E الجديد وايد عجبني خصوصاً فيه الإنارة المتلونة .. هذا مقطع له

[معماري قطري]

): تذكرونا بالسيارات الجميله ليش .؟

اول موتر خذته نيسان مكينة تيوتا 1991 باب
عقبه نيسان 1992 مكينه تويتا باب
عقبه نيسان 1995 لونين ستيشن
وعقبه نيسان 1997 مكينة تيوتا ستيشن

وعقبها بالفيت اني متطور خذت نيسان 1998 وكرهت ام النيسان وبطلت عنه ..
وتميت ع التيوتا ولكن بهدلني بعد كان جي اكس ار 2007 قير عادي ):
وخذت بعده فتك 2008 وكان موتر موتر مايتفرط

وعقبها رسيت ع تاندرا 2011 باب موتر مشاء الله .. ويستاهل الكد والكرف .. طعبا خلونا ع فرويل السبورتات مب موضوعها هاي ههههه

منور إخوي عاشق العديد

النيسان باترول ممنوع استيراده حق أمريكا بسبب فشله في الإختبارات الخاصة بالسلامة حسب ما سمعت من أمريكي

[معماري قطري]

يا ويلي على النياسين أنا أموت بالباب واحد والله مستغرب ليش ما ينزلوا منه الجديد ، أنا من صغري مغرم بالنياسين لو أراويك رسمات النياسين بتتعب عندي محتفظ فيها من أيام المدرسة.

صور الرسمات وحطها هنيه

[معماري قطري]

ناس تشتغل صح لدولها وتهتم بأدذ التفاصيل لإظهارها كدولة عظمى ، أشكرك على المعلومات ، وموضوعك مميز الله يحفظك .

انا بديت السالفة وما خلصتها .. أمريكا فيها مصانع لغالبية السيارات .. مثل المرسدس كم موديل يتصنع هناك والتيوتا والهوندا والنيسان .. وتصنيعهم بجودة عالية ومنها تشغيل للأيدي العاملة الأمريكية وكله بسبب ضغوط من الدولة .. لو دول الخليج مجتمعة تضغط على هاذي الشركات لازم بيصنعون عندنا .. القصد تجميع وبعض القطع تصنع في دول الخليج

[معماري قطري]

اي والله لو ينزلون الجديد باب واحد وبمكينه الـ 400 جان تعانق هام السحاب من اول دعسه

انا استويت ادور المكاين الصغار 4 سلندر وديزل .. جربت المرسدس 220 استيشن في ألمانيا وايد عجبني سريع ولا يصرف

حالياً عندي لكزس فورويل كنت افكر في تعديلات بسيطة لتقوية المكينة ويكون لها صوت بس مب قوي وايد واقدر اتحكم فيه .. عندي الخبير ولدي يقول فيه دبة تركبها ويكون عندك كونترول تزيد أو تخفف الصوت أو تلغيه من يعرف معلومات أكثر عن هالشيء وهل يضر المكينة؟

[معماري قطري]

اول ماسقت تعلمت على عراوي 2005 ابيض
عقب جيكسار 2007 لؤلؤي اول موتر اخذه وتم عندي سنتين وخبط ووديته قراج وسحبوه البلديه على كلام راعي الكراج ودورته فحجز البلديه ماحصلته
عقبه جمس 2007 غماره ليحن موجود
عقبه جيكسار 2001 اسود انسدحت فيه وصلحته وبعته ب 28 الف
عقبه جي اكس 2000 ابيض خذته لين ما اصلح ال 2001 وبعته رمضان الي فات جاته ضربه فالشاصي واحد من الربع دعم فيه صلحته وبعته ب43
جيكسار 1998 صبغته بيج وحولته جي اكس لان راعيه القبلي مركب عليه خطوط تجاريه واضطريت اصبغه
فتك 2003 رمادي بعته ب32 مع الجي اكس عشان اكمل سعر الموتر الي باخذه
هوندا اكورد رماديه ليحن موجوده
استاندر 2009 ليحن عندي
جكسار 2015 بعته من فتره قريبه ب 130 لان جاني فكسار 2015 هدو

وان شاء الله بنزل لكم صور فريب خل اتفرغ



مواتر مخزنه جمس 1991 ونيسان باب 97 مستحيل تتحرك او تنباع


وبس تشحططت مع المواتر ههههه بس صارت عندي خبره

ما شاء الله عليك طلعت مجرم سواقة يبين .. مصطلح انسدحت هذي القلبة الخفيفة صح؟ انا في رصيدي 4 قلبات ثنتين بدون حادث وثنتين بحادث .. الأخيرة تقطعت السيارة يمكن حول 8 أو 10 قلبات وانقذفنا منها انا واخوي .. كانت عندي كبسولة .. يوم رحت اشوفها في حجز المرور قبل ما صدقوا الشرطة إني انا اللي سايقها مسجلينها رنج بالغلط .. استغربت من ضربة في الزاوية الخلفية اليمنى .. معناها انقذفت وضربت الأرض .. ما اذكر الحادث كلش بس ولد عمي يقول يوم شفتك ثيابك مشققه وكلها دم

الحمد لله الله سلمنا .. كان وقتها حادث تقريباً كل قطر سمعت به وسكان قطر شوي وقتها وكان أول أيام الامتحانات

[معماري قطري]

صراحة هذا السيلفرادو مديل 1972 غير شكل صراحة

ملف مرفق 96235

خطيرشكله

[معماري قطري]

أول سيارة لي هوندا بريليود سنة 87 من اول يوم سقتها فيه بغيت انقلب على جسر المحرق و اطب في البحر

رديت قطر عطيتها أخوي و خذت مرسيدس 260e كشخت فيها يبلفيت في دوامي .. عيال الحلال عطوني فيها عين محترمة و اندعمت داخل الدوار من لاندكروزر سايقها شاب قطري ظريف كان جاي طاير و طلعوا الحق علي

خذت عقبها بويك عنابية حلييوة مسالمة ما اذكر كان عندها مشاكل
اللي عقبها باث فايندر بعد زوين

عقب الطامة الكبرى تاهو كامل المواصفات نصحني فيه واحد من الأهل الله يسامحه .. ولا لي حاجة فيه كلش .. بروحي نَفَر واحد .. حسّيت نفسي اسوق في البر
ست شهور تحملته و شريت عقبه بي ام إكس 6 تمت عندي 3 سنوات و كانت سيارة محترمة بس على قولة أخوي تناسب اللبنانيات هههههههههه

تالي خذت البورش ما دارت عليها السنة و اندعمت من شاحنة بعد داخل الدوار
صلحتها .. و خذت لي لكزس صغيرة تصبيرة
و ما زالوا معاي هالثنتين الله يحفظهم و يخليهم لي
اللكزس حلوة و سواقتها خفيفة
و البورش ثقيلة و حنَّانة هههههههههههههه

ما شاء الله البريليود كانت غرامي قبل بس وقفوها اظن

الدعمات داخل الدوار خصوصاً للنساء يخافون ويترددون ودواراتنا مشكلة بعضها مضامير سباق .. المفروض يطلع قرار لو يسوون أشغال دوار في البحر ينسجنون كلهم .. المشكلة يشيلون دوار ويسون بداله أكثر

البيوك أو الأصح البويك وقفوها .. حتى اسمها غلج .. لكن في أمريكا للحين تنباع ولا مرغوبة حتى من الأمريكان

غريبة أخبر البورش خفيفة وسريعة طلع العكس .. انا جربت ال 911 تيربو سرعت بها بغيت ادخل الدوار .. المشكلة واحد خلاها عندي أمانة خايف إخوه يبهدلها وشكله نسى تاريخي .. بس بعدين خفت اسوقها وصج سواقتها صعبة .. ألحين نفس السيارة عند عديلي وعديلي عنده موقع للسيارات ومختص في البورشات وخصوصاً ال 911 باحاول اشوف موقعه

[النهار]

Bonneville


1976